ខេត្តត្បូងឃ្មុំ ៖ ក្មេងស្រីជាខ្មែរអ៊ិស្លាមចំនួន២នាក់ត្រូវបានបុរសគជាខ្មែរអ៊ិស្លាមដូចគ្នាបើកម៉ូតូបំបុកធ្វើជាគ្រោះថ្នាក់ចរាចរ ហើយយកដែកឆែកចុងស្រួចមុតចាក់បណ្តាលឲ្យស្លា.ប់ម្នាក់ភ្លាមៗ និងរងរបួសធ្ងន់ធ្ងរម្នាក់រួចប្លន់យកទូរស័ព្ទដៃ១គ្រឿង
ខេត្តត្បូងឃ្មុំ ៖ ក្មេងស្រីជាខ្មែរអ៊ិស្លាមចំនួន២នាក់ត្រូវបានបុរសគជាខ្មែរអ៊ិស្លាមដូចគ្នាបើកម៉ូតូបំបុកធ្វើជាគ្រោះថ្នាក់ចរាចរ ហើយយកដែកឆែកចុងស្រួចមុតចាក់បណ្តាលឲ្យស្លាប់ម្នាក់ភ្លាមៗ និងរងរបួសធ្ងន់ធ្ងរម្នាក់រួចប្លន់យកទូរស័ព្ទដៃ១គ្រឿង និងលុយចំនួន២ម៉ឺនរៀល និងកូនសោរម៉ូតូ ។ ហេតុការណ៏នេះដ៏ឃោរឃៅនេះកើតឡើងកាលពីវេលាម៉ោង៥ និង១៥នាទីល្ងាច ថ្ងៃទី៤ ខែមេសា ឆ្នាំ២០១៥ ត្រង់ចំនុចភូមិអណ្តូងចំបក់ ឃុំសេដា ស្រុកតំបែរ ។
បុរសឈ្មោះ ម៉ាត់ អ៊ីមរ៉ន អាយុ៤៣ឆ្នាំ រស់នៅភូមិសែនជុំ ឃុំសេដា ស្រុកតំបែរ បានប្រាប់ឲ្យដឹងថា នៅពេលរសៀលថ្ងៃទី៤ ខែមេសា កូនស្រីគាត់ឈ្មោះ រ៉ន ផល្លី អាយុ១៣ឆ្នាំ បានជិះម៉ូតូចេញពីផ្ទះរបស់ខ្លួនទៅជាមួយនឹងម្តាយមីងឈ្មោះ ទីន រ៉នី អាយុ១២ឆ្នាំ ដើម្បីទៅលេងផ្ទះបងស្រីឈ្មោះ ហប់ សោះ អាយុ២២ឆ្នាំដែលមានចំងាយប្រមាណ៣គីឡូម៉ត្រ លុះនៅវេលាម៉ោងជាង៥ល្ងាចថ្ងៃដដែល
កូនស្រីគាត់បានជិះម៉ូតូត្រឡប់មកផ្ទះវិញ បានប្រហែលជាពាក់កណ្តាលផ្លូវ ដល់ត្រង់កន្លែងស្ងាត់ក៏ត្រូវបានបុរសគម្នាក់ជាខ្មែរអ៊ិស្លាមឈ្មោះ ស្មាន វី បានជិះម៉ូតូមកបុកជាមួយនឹងកូនស្រីរបស់គាត់ ហើយឲ្យកូនគាត់សងថ្លៃការខូចខាត ដោយធ្វើកាយវិការលើកដៃជើង តែកូនស្រីមិនមានលុយសុខចិត្តឲ្យសោរម៉ូតូ ក៏ជននោះមិនព្រមទទួលយកឡើយ ហើយធ្វើកាយវិការថានឹងចាក់សម្លាប់ទាំង២នាក់បើមិនព្រមសងលុយ ។
បន្ទាប់ពីជនដៃដល់បានធ្វើកាយវិការថាចាក់សម្លាប់ទាំង២នាក់ ហើយជនរងគ្រោះនៅតែមិនមានលុយសងទៀត ជនសង្ស័យជាបុរស.គនោះបានយកដែកឆាបចុងស្រួចមកចាក់លើរាងកាយកូនស្រីគាត់ ពេលឃើញដូច្នេះ ម្តាយមីងឈ្មោះ រ៉នី ក៏បានរត់គេច តែត្រូវបានជននេះរត់ដេញតាមចាក់សម្លាប់ពីក្រោយរហូតដល់ចំការកៅស៊ូបណ្តាលឲ្យស្លាប់ក្នុងថ្លុកឈាមយ៉ាងអណោចអធម៌ ។ កូនស្រីគាត់បានទូរស័ព្ទមកប្រាប់គាត់ជាឪពុកឲ្យប្រញាប់មកជួយ ឮដូច្នេះក៏ប្រញាប់ជិះម៉ូតូមកកាន់កន្លែងកើតហេតុ ។
សូមបញ្ជាក់ថា ពេលកូនគាត់កំពុងតែនិយាយទូរស័ព្ទនោះ ជនសង្ស័យបានរត់មកចាក់លើកូនស្រីគាត់ត្រូវចំនួន១៣កន្លែង តែដោយសារកូនគាត់ធ្វើពុតជាស្លាប់ ក៏មិនបានចាក់បន្ថែមទៀតដែរ ។ ប្រញាប់ជិះម៉ូតូគេចខ្លួនដោយប្លន់យកទូរស័ព្ទដៃ១គ្រឿង លុយចំនួន២ម៉ឺនរៀល ព្រមទាំងសោរម៉ូតូ ដើម្បីកុំឲ្យជិះដេញតាម ។ មួយសន្ធុះក្រោយមកគាត់បានជិះម៉ូតូដល់កន្លែងកើតហេតុ ឃើញកូនស្រីកំពុងតែងើបឡើងលើកដៃហៅគាត់ឲ្យជួយដឹកយកមណ្ឌលសុខភាព និងហៅរថយន្តឈ្មួលយកមកសង្គ្រោះនៅមន្ទីរពេទ្យពេទ្យខេត្តកំពង់ចាម ។
លោកវរសេនីយ៏ឯក ប្រាក់ ប៊ុនណុន ស្នងការរងនគរបាលខេត្តត្បូងឃ្មុំ ប្រាប់ឲ្យដឹងដែរថា ក្រោយពីមានអំពើឃាតកម្មខាងលើកើតឡើង កម្លាំងនគរបាលស្រុកតំបែរបានចុះទៅដល់កន្លែងកើតហេតុ និងបានស្រាវជ្រាវតាមបញ្ជាររបស់លោកស្នងការនគរបាលខេត្ត ដោយចាប់បានជនសង្ស័យឈ្មោះ ស្មាន វី ភេទប្រុស ជាមនុស្សគថ្លង់ អាយុ២៦ឆ្នាំ នៅភូមិអំពាក់ទី២ ឃុំសេដា ស្រុកតំបែរ ដែលបានយកដែកឆាបចាក់លើក្មេងស្រីរងគ្រោះ បណ្តាលឲ្យស្លាប់ម្នាក់ និងរបួសធ្ងន់ម្នាក់នោះ នៅព្រឹកថ្ងៃទី៥ ខែមេសា ឆ្នាំ២០១៥ ។
លោកស្នងការនគរបាលខេត្តបានឱ្យដឹងទៀតថា ឃាតករត្រូវបានខាងជំនាញកសាងសំណុំរឿងបញ្ជូនមកកាន់សាលាដំបូងខេត្តហើយ ៕
ចែករំលែកព័តមាននេះ