រាជធានីភ្នំពេញ ៖ កម្លាំងសមត្ថកិច្ចចម្រុះនៃការិយាល័យប្រឆាំងបទល្មើសគ្រឿងញៀ.នដែលដឹកនាំដោយវរសេនីយ៍ទោ អ៊ីវ ភារិទ្ធ ប្រធានការិយាល័យ និងមានការសហការ
រាជធានីភ្នំពេញ ៖ កម្លាំងសមត្ថកិច្ចចម្រុះនៃការិយាល័យប្រឆាំងបទល្មើសគ្រឿងញៀនដែលដឹកនាំដោយវរសេនីយ៍ទោ អ៊ីវ ភារិទ្ធ ប្រធានការិយាល័យ និងមានការសហការចូលរួមពីសំណាក់ព្រះរាជអាជ្ញារងអមសាលាដំបូងរាជធានីភ្នំពេញ លោកសៀង សុខ បានបើកប្រតិបត្តិការចុះចែកឆេរទីតាំងផ្ទះលក់ទូរស័ព្ទ គ្មានស្លាកលេខមួយកន្លែង ស្ថិតនៅតាមបណ្តោយផ្លូវលេខ៧០៥ កែងនឹងផ្លូវលេខ ២០៤ ស្ថិតក្នុងក្រុមទី៣ ភូមិត្នោតជ្រុំ៤ សង្កាត់បឹងទំពុន ខណ្ឌមានជ័យ រកឃើញថ្នាំញៀនមួយចំនួន និងឃាត់ខ្លួនបុរសជាម្ចាស់ផ្ទះ ដែលជាប់ពាក់ព័ន្ធនឹងករណីចែកចាយ និងជួញដូរថ្នាំញៀនផងដែរ ។
បុរសជាម្ចាស់ផ្ទះដែលត្រូវបានឃាត់ខ្លួន មានឈ្មោះចិត្ត ដារ៉ាវុធ មុខរបរជាជាងលក់ទូរស័ព្ទ បច្ចុប្បន្នស្នាក់នៅទីតាំងកើតហេតុខាងលើ ។ សមត្ថកិច្ចឱ្យដឹងថា មុនឈានដល់ការឃាត់ខ្លួន កម្លាំងសមត្ថកិច្ចជំនាញបានបើកការស្រាវជ្រាវមកអស់រយៈពេលយ៉ាងយូរមកហើយ បន្ទាប់ពីសមត្ថកិច្ចឃាត់ខ្លួនបាន បក្សពួក និងគ្នីគ្នាម្ចាស់ទីតាំងខាងលើបានជាបន្តបន្ទាប់ កាលពីពេលកន្លងមក ។
លុះមកទល់វេលាម៉ោងប្រមាណ១១ព្រឹកថ្ងៃទី០៥ មិនា ២០១៥នេះ កម្លាំងសមត្ថកិច្ចបានស្រាវជ្រាវរហូតទទួលបានតំរុយច្បាស់ការមួយទាក់ទងនឹងជនសង្ស័យជាម្ចាស់ទីតាំងលក់ទូរស័ព្ទខាងលើ ទើបសមត្ថកិច្ចចម្រុះនៃការិយាល័យប្រឆាំងបទល្មើសគ្រឿងញៀន និងមានការឯកភាពចូលរួមពីព្រះរាជអាជ្ញារង សៀង សុខ បានដឹកនាំកម្លាំងចុះមកឆែកឆេរនៅទីតាំងលក់ទូរស័ព្ទដៃខាងលើតែម្តងទៅ ។
ក្នុងការចុះឆែកឆេរនេះដែរ សមត្ថកិច្ចបានរកឃើញថ្នាំញៀនប្រភេទក្រាមថ្លា (ម៉ាទឹកកក) ចំនួន១២កញ្ចប់តូច , វត្ថុតាងមួយចំនួនធំ និងធ្វើការឃាត់ខ្លួនបុរសជាម្ចាស់ផ្ទះ ដែលជាប់ពាក់ព័ន្ធនឹងករណីជួញដូរ និងចែកចាយគ្រឿងញៀន ។
វត្ថុតាងមួយចំនួនធំដែលមាននៅក្នុងទីតាំងលក់ទូរស័ព្ទដៃខាងលើ រួមមាន ទូរស័ព្ទដៃជាច្រើនគ្រឿង , អាយឌី, រីវឺធ័រ , សម្ភារគ្រឿងបន្លាស់ម៉ូតូមួយចំនួន និងម៉ូតូចំនួន៥គ្រឿង មាន (១. ម៉ូតូម៉ាក FTR ពណ៌ក្រហម ពាក់ស្លាកលេខភ្នំពេញ 1BV-1985, ២-ម៉ូតូម៉ាក ស្មាស ពណ៌ស ពាក់ស្លាកលេខភ្នំពេញ1AZ-3914 ៣-ម៉ូតូម៉ាកសង់ឌ្រីម ស៊េរីឆ្នាំ២០០៧ ពណ៌ខ្មៅ ពាក់ស្លាកលេខកំពង់ចាម1G-0711 ៤-ម៉ូតូម៉ាក today ពណ៌ផ្កាឈូក ពាក់ស្លាកលេខភ្នំពេញ 1BZ-8451 ៥-ម៉ូតូម៉ាក today ពណ៌ផ្កាឈូក ពាក់ស្លាកលេខភ្នំពេញ 1CU-0023 ) រួមទាំងបុរសជាម្ចាស់ទីតាំង ត្រូវបានសមត្ថកិច្ចឃាត់យកទៅរក្សាទុកនៅការិយាល័យប្រឆាំងបទល្មើសគ្រឿងញៀន រង់ចាំចាត់ការតាមនីតិវិធីច្បាប់ ៕
ចែករំលែកព័តមាននេះ