អតីតអភិបាលរងខេត្តចិនម្នាក់ត្រូវកាត់ទោសដាក់គុក17ឆ្នាំពីបទពុករលួយ
លោក NI FAKE អតីតអភិបាលរងខេត្តអានហ្វីភាគខាងកើតចិន កាលពីថ្ងៃទី២៨ កុម្ភៈ ទទួលការកាត់ទោសដាក់គុក១៧ឆ្នាំពីបទទទួលសំណូក និងកាន់កា.ប់អចលនទ្រព្យទាំង
លោក NI FAKE អតីតអភិបាលរងខេត្តអានហ្វីភាគខាងកើតចិន កាលពីថ្ងៃទី២៨ កុម្ភៈ ទទួលការកាត់ទោសដាក់គុក១៧ឆ្នាំពីបទទទួលសំណូក និងកាន់កាប់អចលនទ្រព្យទាំងឡាយពុំដឹងបានមកពីប្រភពណា ។
តុលាការប្រជាជនទីក្រុងដុងយ៉ិញ ខេត្តសានដុង បានប្រកាសពីសាលក្រមកាត់ទោសនេះ ហើយប្រកាសរឹបអូសកម្មសិទ្ធិផ្ទាល់ខ្លួនទាំងឡាយរបស់លោក FAKE ដែលមានតម្លៃសរុបប្រមាណជា១លានយន់ (១៦២.២៩០ដុល្លារ) ។
យោងតាមតុលាការថា លោក NI ទទួលសំណូកនានាជាសាច់ប្រាក់ និងជាត្បូងថ្មមានតម្លៃ ព្រមទាំងបណ្តាវត្ថុសិល្បៈមានតម្លៃប្រមាណជា១៣លានយន់ពីសំណាក់បណ្តាអ្នកទទួលខុសត្រូវរបស់សហគ្រាសចំនួន៩ ដែលការសូកប៉ាន់នោះមាន៤៩លើករវាងពីឆ្នាំ២០០០ ទៅ២០១២។ លោកពុំអាចពន្យល់ពីប្រភពនៃចំណូលរបស់គ្រួសារដែលមានទឹកប្រាក់សរុបដល់ទៅ៥,៧៨លានយន់ ។
លោក NI បានរំលោភបំពានអំណាចដើម្បីឱ្យទទួលបានលាភសក្ការៈទាំងឡាយពីបណ្តាក្រុមហ៊ុនរកស៊ីខាងអចលនទ្រព្យធ្វើអាជីវកម្មរ៉ែ និងធ្វើជំនួញឯទៀតៗ ។ ពិសេសលោក NI បានជួយសហគ្រាសទាំងនោះក្នុងការរៀបចំធ្វើគម្រោងនានា និងបំផ្លាញចោលបណ្តាផ្ទះសម្បែងរបស់ប្រជាជនដើម្បីវាតយកដី ៕
ចែករំលែកព័តមាននេះ