ឌុបប្រពន្ធមកផ្សារមេមត់បាត់រកមិនឃើញ ប្តឹងសមតកិច្ចជួយរក
ខេត្តត្បូងឃ្មុំ ៖ ស្ត្រីម្នាក់បាត់ខ្លួនខណៈទៅផ្សារមេមត់ទិញម្ហូប បង្កឱ្យភ្ញាក់ផ្អើលកាលពីវេលាម៉ោង០៩ និង៣០នាទីព្រឹកថ្ងៃទី២៥ កុម្ភៈ ២០១៥ ។
ខេត្តត្បូងឃ្មុំ ៖ ស្ត្រីម្នាក់បាត់ខ្លួនខណៈទៅផ្សារមេមត់ទិញម្ហូប បង្កឱ្យភ្ញាក់ផ្អើលកាលពីវេលាម៉ោង០៩ និង៣០នាទីព្រឹកថ្ងៃទី២៥ កុម្ភៈ ២០១៥ ។
ប្រភពបានឱ្យដឹងថា ស្ត្រីដែលបាត់ខ្លួនឈ្មោះប៊ីន ចិន្តា មានទីលំនៅភូមិជាំទ្រៀក ឃុំត្រមូង ស្រុកមេមត់ មានប្តីឈ្មោះលីវ សំអាត អាយុ៤៣ឆ្នាំ ។
ប្រភពពីប្តីបានឱ្យដឹងថា គាត់បានជិះម៉ូតូចេញពីផ្ទះឌុបប្រពន្ធមកកាន់ផ្សារមេមត់ ស្ថិតនៅភូមិមេមត់ ឃុំមេមត់ ដើម្បីទិញសាច់ជ្រូកនិងគ្រឿងផ្សេងៗសម្រាប់យកទៅទុកបបរលក់ពេលព្រឹកដូចសព្វដង ។ ខណៈនោះបុរសជាប្តី បានឈប់ម៉ូតូរង់ចាំនៅខាងក្រៅផ្សារ ដោយរង់ចាំបាត់ៗ មិនឃើញចេញមកសោះ ដោយមានការសង្ស័យជិះម៉ូតូទៅតាមរកពេញផ្សារ មិនបានឃើញប្រពន្ធទេ ហើយនៅវេលាម៉ោង១១ និង៤០នាទីព្រឹក ស្រាប់តែមានលេខទូរស័ព្ទ ០៨៨ ២៩៥ ៣៣៩៧ បានចុចមកចូលទូរស័ព្ទប្រពន្ធបានឮសូរសំឡេងប្រពន្ធនិយាយប្រាប់ថា ចង់បានប្រាក់ តែមិនបានបញ្ជាក់ចំនួនប៉ុន្មានឡើយ ពេលប្តីសួរនាំក៏មិនបានប្រាប់នៅទីណាដែរ ។
បន្ទាប់មក ទើបគាត់មកប្តឹងសមត្ថកិច្ចឱ្យជួយអន្តរាគមន៍តាមរកប្រពន្ធតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ