ព័ត៌មានប្លែកៗកើតឡើងលើពិភពលោក
១-ដេកមើលកុន
អតិថិជនដេកទស្សនាភាពយន្តក្នុងរោង «គីម៉ូស្តារ៍ ដឺឡាក់» នៅមជ្ឈមណ្ឌលពាណិជ្ជកម្មក្រុងមូស្គូ ប្រទេសរុស្ស៊ី និងចាត់ទុកជារោងភាពយន្តដំបូងនៅក្នុងប្រទេសដែលបង្កើតជាគ្រែដេកបាន ។
១-ដេកមើលកុន
អតិថិជនដេកទស្សនាភាពយន្តក្នុងរោង «គីម៉ូស្តារ៍ ដឺឡាក់» នៅមជ្ឈមណ្ឌលពាណិជ្ជកម្មក្រុងមូស្គូ ប្រទេសរុស្ស៊ី និងចាត់ទុកជារោងភាពយន្តដំបូងនៅក្នុងប្រទេសដែលបង្កើតជាគ្រែដេកបាន ។
២-តុក្កតាសុភមង្គលនៅទីសាធារណៈ
ប្រិយមិត្តតុក្កតា «ហេឡូ» ថតរូបក្នុងពិធីបង្ហាញតុក្កតានាំសំណាង ហេលឡូគីតទី អេតវ៉េនជ័រ នៅឧទ្យានកម្សាន្ត ឌូហ្វាន (Dufan) ក្រុងហ្សាការតា ប្រទេសឥណ្ឌូណេស៊ី ។
៣-ជិះសេះដើម្បីការពារព្រំដែន
អាជ្ញាធរល្បាតតាមព្រំដែនអាមេរិកជិះសេះត្រង់បរិវេណព្រំដែនអាមេរិក ម៉ិកស៊ិក នៅរដ្ឋអារីសូណា ក្រោយពីរដ្ឋាភិបាលបង្កើនប្រាក់និងកងការពារ កាលពីប៉ុន្មានឆ្នាំកន្លងមក ធ្វើឱ្យការឆ្លងដែនខុសច្បាប់របស់ម៉ិកស៊ិកថយចុះ ។
៤-របាំពាក់ស្រោមមុខបិសាច
អ្នករបាំបានពាក់ស្រោមមុខបិសាចនៅក្នុងមហោស្រពកីឡាពាក់ស្រោមមុខអន្តរជាតិ ក្រុងព័រនិក ប្រទេសប៊ុលហ្គារី ។
៥-ប៉េងប៉ោងមានរូបនាយករដ្ឋមន្ត្រីអីុតាលី
ស្ត្រីម្នាក់បានសប់ប៉េងប៉ោងមានរូបផ្ទៃមុខលោកម៉ាតតេយ៉ូ រ៉េនស៊ី នាយករដ្ឋមន្ត្រីអុីតាលី ជាផ្នែកមួយក្នុងការតវ៉ារបស់ក្រុមសហជីពកម្មករអុីតាលីនៅក្រុងរ៉ូម ប្រឆាំងនឹងច្បាប់ពលកររបស់លោករ៉េនស៊ី ដែលផ្តល់ឱកាសដល់ក្រុមហ៊ុននានាអាចដេញពលករបានយ៉ាងស្រួល ។
៦-ស្នែងដាយណូស៊័រ
លោកអេនឌ្រូហ្វាក អ្នកវិទ្យាសាស្ត្រនៅសារមន្ទីរបុរាណវិទ្យា សហរដ្ឋអាមេរិក បានបង្ហាញគ្រោងផូស៊ីលមួយផ្នែកដែលសន្និដ្ឋានថាជាស្នែងដាយណូស័៊រ អាគ្វីឡុប អាមេរិក មានអាយុប្រហែល១០៨លានឆ្នាំមុន ស្ថិតនៅទ្វីបអាមេរិកខាងជើង និងចាត់ទុកថាជាការរកឃើញផូស៊ីលដាយណូស័៊រដ៏ចំណាស់បំផុត ។
៧-ភ័យខ្លាចនឹងសត្វប្រមា
ប៉ូលិសក្រុងម៉េនឆេស្ទ័រ ចក្រភពអង់គ្លេស ងឿងឆ្ងល់ដែលទទួលទូរស័ព្ទពីស្ត្រីម្នាក់ ឱ្យចាប់ប្រមា ដោយក្នុងបណ្តឹងរបស់ស្ត្រីរូបនោះ បញ្ជាក់ថា មានប្រមាមួយក្បាល ស្ថិតក្នុងផ្ទះ ហើយឱ្យជួយមកចាប់ផង គាត់ខ្លាចណាស់ ។
ប៉ូលិសបានប្រាប់វិញថា ប្រមាមិនធ្វើបាបនរណាទេ ។
៨-ផ្ទះលោកប្រធានម៉ៅ សេទុង
ពលរដ្ឋចិន នាំគ្នាហាត់ប្រាណនៅបរិវេណមុខស្ថានីយរថភ្លើង ក្រុងសាវសាន ខេត្តហ៊ូណាន ជាផ្ទះរបស់លោកប្រធានម៉ៅ សេទុង អតីតមេដឹកនាំចិន ដែលមានរូបភាពលោកប្រធានា ធិបតីបិទនៅពីក្រោយ ។
៩-ការពារសត្វដែលគេចពីក្រុង
បុគ្គលិកសួនសត្វ «តាម៉ា» នៅភាគខាងលិចក្រុងតូក្យូបានលើករូបក្បាលខ្លារខិន ចេញពីខ្លួនក្រោយពេលចប់ការហ្វឹកហាត់ពីការពារសត្វដែលរួចពីទ្រុង និងចាត់ទុកថាជាការហាត់សមប្រចាំឆ្នាំ ៕
ចែករំលែកព័តមាននេះ