រាជធានីភ្នំពេញ ៖ នារីវ័យក្មេងម្នាក់ជិះកង់ចេញពីធ្វើការនៅហាងកាហ្វេត្រឡប់ទៅផ្ទះវិញ ត្រូវចោរឆក់កាបូបបានសម្រេច ហើយត្រូវសមត្ថកិច្ចជិះម៉ូតូប្រទះឃើញបានដេញតាមធាក់ម៉ូតូផ្តួលចាប់បាន២នាក់
រាជធានីភ្នំពេញ ៖ នារីវ័យក្មេងម្នាក់ជិះកង់ចេញពីធ្វើការនៅហាងកាហ្វេត្រឡប់ទៅផ្ទះវិញ ត្រូវចោរឆក់កាបូបបានសម្រេច ហើយត្រូវសមត្ថកិច្ចជិះម៉ូតូប្រទះឃើញបានដេញតាមធាក់ម៉ូតូផ្តួលចាប់បាន២នាក់ តែកាបូបលុយត្រូវជនសង្ស័យគ្រវាត់ចោលបាត់ហើយ។ ហេតុការណ៍នេះបង្កឱ្យមានការភ្ញាក់ផ្អើលនៅវេលាម៉ោង៨និង១០នាទីយប់ ថ្ងៃទី២១ កុម្ភៈ តាមមហាវិថីព្រះមុនីវង្ស ក្បែរក្រសួងនគរដែនដីរូបនីយកម្ម និងសំណង់ ក្នុងសង្កាត់បឹងត្របែក ខណ្ឌចំការមន ។
នារីរងគ្រោះមានឈ្មោះជន រដ្ឋា អាយុ១៩ឆ្នាំ ធ្វើការនៅហាងកាហ្វេ ស្នាក់នៅសង្កាត់ផ្សារ ដើមថ្កូវ ខណ្ឌចំការមន បានឲ្យដឹងថា មុនពេលកើតហេតុនាងចេញពីធ្វើការជិះកង់ត្រឡប់ ទៅផ្ទះវិញ ដោយដាក់កាបូបស្ពាយនៅក្នុងកន្ត្រកកង់ជិះតាមមហាវិថីព្រះមុនីវង្ស ពីជើងទៅត្បូង មកដល់ចំណុចខាងលើ ស្រាប់តែមានជនសង្ស័យ២នាក់ជិះម៉ូតូស្តេប ពណ៌ផ្កាឈូក បិទស្កុកពណ៌ខ្មៅ ពាក់ស្លាកលេខភ្នំពេញ 1AS 4272 មកដល់បានធ្វើសកម្មភាពឆក់កាបូប បានសម្រេចធ្វើឲ្យនារីរងគ្រោះឈប់កង់អង្គុយយំស្តាយលុយ៤០ដុល្លារ និងទូរស័ព្ទចុចពិល មួយគ្រឿង នៅក្នុងកាបូបលុយ ព្រោះនាងធ្វើការមួយខែបានតែ៥០ដុល្លារទេ ស្របពេល នោះមានសមត្ថកិច្ចម្នាក់ជិះម៉ូតូណៃហ៊ត មួយគ្រឿង ប្រទះឃើញបានជិះដេញតាមជន សង្ស័យ ហើយធាក់ម៉ូតូមួយជើងផ្តួលក៏ត្រូវប្រជាពលរដ្ឋចាប់បានភ្លាមៗទាំង២នាក់ ។
ជនសង្ស័យដែលឃាត់ខ្លួនបានជាអ្នកបើកម៉ូតូមានឈ្មោះហម សុភ័ក្ត្រ ភេទប្រុស អាយុ១៧ឆ្នាំ ស្នាក់នៅសង្កាត់អូរឬស្សីទី៤ ខណ្ឌ៧មករា និងម្នាក់ទៀតជាអ្នកឆក់មានឈ្មោះហុក ចិន្តា ភេទប្រុស អាយុ១៦ឆ្នាំ ស្នាក់នៅជាមួយគ្នា ។ ចំណែកកាបូបរបស់ជនរងគ្រោះ ត្រូវជនសង្ស័យបោះចោលបាត់ទៅហើយ។
បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចឃាត់ខ្លួនយកទៅសាកសួរនៅប៉ុស្តិ៍បឹង ត្របែក ដើម្បីកសាងសំណុំរឿងបញ្ជូនទៅអធិការដ្ឋានខណ្ឌចំការមន ចាត់ការតាមច្បាប់៕
ចែករំលែកព័តមាននេះ