រាជធានីភ្នំពេញ ៖ ស្ត្រីជនជាតិកូរ៉េម្នាក់ត្រូវជនសង្ស័យ២នាក់ជិះម៉ូតូម៉ាកស្ទែបធ្វើសកម្មភាពឆក់កាបូបលុយទៅបាត់ដោយសុវត្ថិភាព ខណៈស្ត្រីរូបនោះកំពុងជិះរ៉ឺម៉កម៉ូតូតាមផ្លូវបម្រុងទៅទស្សនាបឹងជើងឯក។
រាជធានីភ្នំពេញ ៖ ស្ត្រីជនជាតិកូរ៉េម្នាក់ត្រូវជនសង្ស័យ២នាក់ជិះម៉ូតូម៉ាកស្ទែបធ្វើសកម្មភាពឆក់កាបូបលុយទៅបាត់ដោយសុវត្ថិភាព ខណៈស្ត្រីរូបនោះកំពុងជិះរ៉ឺម៉កម៉ូតូតាមផ្លូវបម្រុងទៅទស្សនាបឹងជើងឯក។
ហេតុការណ៍បនេះបង្កឱ្យមានការភ្ញាក់ផ្អើលកាលពីវេលាម៉ោង២រសៀល ថ្ងៃទី១៧ កុម្ភៈ ២០១៥ នៅតាមបណ្តោយផ្លូវព្រះសីហនុមុខវត្តមហាមន្ត្រី ស្ថិតក្នុងសង្កាត់វាលវង់ ខណ្ឌ៧មករា។
តាមអ្នកបើករ៉ឺម៉កម៉ូតូដែលដឹកស្ត្រីជនជាតិកូរ៉េខាងលើបានឱ្យដឹងថា មុនពេលកើតហេតុរូបគាត់បានដឹកស្ត្រីរងគ្រោះចេញពីមាត់ទន្លេធ្វើដំណើរបម្រុងទៅទស្សនាបឹងជើងឯក ស្ថិតក្នុងខណ្ឌដង្កោ ខណៈមកដល់ចំណុចកើតហេតុស្រាប់តែមានជនសង្ស័យ២នាក់ជិះម៉ូតូម៉ាកស្ទែបមកអែបជិតរួចធ្វើសកម្មភាពឆក់កាបូបពីស្ត្រីរងគ្រោះបានសម្រេចហើយជិះគេចខ្លួនបាត់ស្រមោល។
លុះបន្តិចក្រោយមកស្រាប់តែមានជនសង្ស័យ២នាក់រើសបានកាបូបរបស់ស្ត្រីរងគ្រោះតាមផ្លូវក៏ត្រូវសមត្ថកិច្ចឃាត់ខ្លួនសួរនាំ ។ នៅចំពោះមុខសមត្ថកិច្ចជនសង្ស័យទាំង២នាក់បានឆ្លើយថា ពួកគេជាកម្មករមកពីបើកថ្នាំរបេង មិនបានឆក់កាបូបស្ត្រីរងគ្រោះទេ គឺពួកគេរើសបានតាមផ្លូវ ។ ទោះជាយ៉ាងណាពេលនេះជនសង្ស័យទាំង២នាក់ និងស្ត្រីរងគ្រោះត្រូវសមត្ថកិច្ចនាំទៅសួរនាំបន្តទៀតនៅប៉ុស្តិ៍។
ស្ត្រីជាម្ចាស់កាបូបបានឱ្យដឹងថា ក្នុងកាបូបលុយរបស់គាត់មានលុយ១០០ដុល្លារ និងលិខិតឆ្លងដែន៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ