រាជធានីភ្នំពេញ៖យុវជន២ក្រុមបានបើកឆាកប្រយុទ្ឋគ្នា នៅពេលដែលចូលទៅផឹកស៊ីក្នុងហាងមួយកន្លែង ខឹងភាគីម្ខាងទៀតមើលមុខ រងរបួសទាំងសងខាង ។ហេតុការណ៍នេះបានកើតឡើងកាលវេលាម៉ោង១១និង៥០នាទីយប់
រាជធានីភ្នំពេញ៖យុវជន២ក្រុមបានបើកឆាកប្រយុទ្ឋគ្នា នៅពេលដែលចូលទៅផឹកស៊ីក្នុងហាងមួយកន្លែង ខឹងភាគីម្ខាងទៀតមើលមុខ រងរបួសទាំងសងខាង ។ហេតុការណ៍នេះបានកើតឡើងកាលវេលាម៉ោង១១និង៥០នាទីយប់ ថ្ងៃទី០៥ ខែកុម្ភៈ ឆ្នាំ២០១៥ នៅមុខហាងអូខេហែបភីហើសិ៍ តាមបណ្តោយផ្លូវ២០០៤ ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
សមត្ថកិច្ចប៉ូលិសដែលចុះទៅកន្លែងកើតហេតុបានឲ្យដឹងថាយុវជន២ក្រុមបានចូលទៅផឹកស៊ីនៅក្នុងហាងខាងលើ ស្រាប់តែភាគីខាងជនរងគ្រោះបានចេញមកយកម៉ូតូ ឈ្មោះរស់ សុខគង់ជាជនបង្កបានវៃទៅភាគីម្ខាងទៀត ។ភ្លាមៗនោះក៏មានការភ្ញាក់ផ្អើលដល់ក្រុមយុវជនរងគ្រោះដែលនៅក្នុងហាងនៅឡើង ចេញមកប្រយុទ្ឋគ្នាមួយប្រាវ បណ្តាលឈ្មោះរស់ សុខគង់រងរបួសបែកក្បាល រីឯយុវជនរងគ្រោះក៏រងរបួសផងដែរ ។
ក្រោយកើតហេតុសមត្ថកិច្ចបានមកដល់ ក៏ធ្វើការឃាត់ខ្លួនបានយុវជន២នាក់ ម្នាក់ឈ្មោះរស់ សុខគង់ជជាជនបង្ក ។ ចំណែកម្នាក់ទៀតជាជនរងគ្រោះ ដោយមិនចង់វែងឆ្ងាយជនរងគ្រោះមិនបានប្តឹងនោះទេ សមត្ថកិច្ច ក៏ធ្វើការអប់រំ រួចដោះលែងឲ្យទៅផ្ទះតែម្តង ៕
ចែករំលែកព័តមាននេះ