បើករថយន្តលឿនចាប់ហ្វ្រាំងមិនស៊ីជ្រុលបុកគូទកាមរីឆ្លាម ផ្លោងហោះឡើងទ្រូងផ្លូវ
រាជធានីភ្នំពេញ ៖ បុរសម្នាក់បើករថយន្តម៉ាកហ៊ីណូដឹកដីធុនធំមួយគ្រឿង ក្នុងល្បឿនលឿនចាប់ហ្វ្រាំងមិនស៊ី ជ្រុលបុកពីក្រោយគូទរថយន្តកាមរីឆ្លាម
រាជធានីភ្នំពេញ ៖ បុរសម្នាក់បើករថយន្តម៉ាកហ៊ីណូដឹកដីធុនធំមួយគ្រឿង ក្នុងល្បឿនលឿនចាប់ហ្វ្រាំងមិនស៊ី ជ្រុលបុកពីក្រោយគូទរថយន្តកាមរីឆ្លាម
រាជធានីភ្នំពេញ ៖ បុរសម្នាក់បើករថយន្តម៉ាកហ៊ីណូដឹកដីធុនធំមួយគ្រឿង ក្នុងល្បឿនលឿនចាប់ហ្វ្រាំងមិនស៊ី ជ្រុលបុកពីក្រោយគូទរថយន្តកាមរីឆ្លាម ពីក្រោយពេញទំហឹងបណ្តាលអោយរថយន្តកាមរីឆ្លាម ត្រូវហោះផ្លោងឡើងទៅទំលើរបាំងថ្មពុះចែកទ្រូងផ្លូវ រងការខូចខាតយ៉ាងដំណំ កាលពីវេលាម៉ោង១១ព្រឹកថ្ងៃទី៣០ មករា ២០១៥ ស្ថិតនៅតាមបណ្តោយផ្លូវជាតិលេខ២ ក្បែររង្វង់មូលព្រះនរាយណ៍ ក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
សាក្សីដែលបានឃើញហេតុការណ៍ឱ្យដឹងថា មុនពេលកើតហេតុ គេឃើញបុរសម្នាក់បើករថយន្តដឹកដីធុនធំមួយគ្រឿង ម៉ាកហ៊ីណូ ពណ៌ខៀវគ្មានស្លាកលេខ ធ្វើដំណើរតាមបណ្តោយផ្លូវជាតិលេខ២ ទិសដៅពីត្បូងទៅជើងក្នុងល្បឿនយ៉ាងលឿន លុះមកដល់ចំណុចកើតហេតុ បុរសជាម្ចាស់រថយន្តបានបើកវ៉ារថយន្តមួយគ្រឿងទៀតដែលធ្វើដំណើរនៅពីមុខខ្លួន ខណៈវ៉ាផុតទៅហើយនោះស្រាប់តែ
វាក់អើជាមួយនិងរថយន្តកាមរីឆ្លាមមួយគ្រឿងផ្សេងទៀត ពណ៌ទឹកប្រាក់ ពាក់ស្លាកលេខភ្នំពេញ 2J-7882 បើកបរដោយបុរសម្នាក់ រួមដំណើរដោយជនជាតិចិន២នាក់ ដែលជាភ្ញៀវក្នុងទិសដៅស្របគ្នា ។ ខណៈនោះដោយសារតែភ័យស្លន់ស្លោរពេក ធ្វើអោយបុរស ជាអ្នកបើករថយន្តហ៊ីណូ បើកលឿនចាប់ហ្វ្រាំងមិនស៊ី ក៏ជ្រុលបុកពីក្រោយគូទរថយន្តកាមរីឆ្លាមពេញ ទំហឹងតែម្តងទៅ បណ្តាលអោយរថយន្តកាមរីឆ្លាម ត្រូវហោះផ្លោងឡើងលើរបាំងថ្មពុះចែកទ្រូងតែម្តងទៅ ។ ចំណែករថយន្តបង្កត្រូវបានសមត្ថកិច្ច ស្ទាក់ជាប់នៅនឹងកន្លែង កើតហេតុភ្លាមៗ ។
ក្រោយកើតហេតុ សមត្ថកិច្ចមូលដ្ឋានសហការជាមួយសមត្ថកិច្ចជំនាញចុះអន្តរាគមន៍វាស់វែង យករថយន្តទាំង២គ្រឿង ទៅរក្សាទុក នៅការិយាល័យចរារណ៍ជើងគោក នៃស្នងការដ្ឋាននគរបាល រាជធានីភ្នំពេញ រង់ចាំដោះស្រាយគ្នានៅពេលក្រោយ ។ គួរបញ្ជាក់ផងដែរថា ករណីគ្រោះថ្នាក់ចរាចរណ៍ខាងលើនេះ មិនបានបណ្តាលអោយមានមនុស្សណាម្នាក់រងរបួសឡើយ គ្រាន់តែខូចខាតនូវទ្រព្យសម្បត្តិតែប៉ុណ្ណោះ ៕
ចែករំលែកព័តមាននេះ