ខេត្តកំពត ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុដោយសារបើកម៉ូតូលឿនក្នុងស្ថានភាពស្រវឹងទៅបុកជាមួយរថយន្តមួយគ្រឿងទៀតម៉ាកហ៊ីយ៉ាន់ដាយដឹកដីចំណុះ២តោន ។ ហេតុការណ៍នេះបានកើតឡើងកាលពីវេលាម៉ោង២ និង៤០នាទីរសៀល ថ្ងៃទី ២៩ មករា ២០១៥ នៅចំណុចផ្លូវបំបែកភូមិតាអេន ស្ថិតក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត។
បុរសដែលស្លាប់ដោយជិះម៉ូតូបុករថយន្តត្រូវគេស្គាល់ឈ្មោះទិត្យ អាយុ២៦ឆ្នាំ មុខរបរជាព្រូរថយន្ត មានទីលំនៅភូមិត្រពាំងកញ្ឆែត ឃុំកំពង់សំរោង ស្រុកទឹកឈូ។
តាមប្រភពពីសមត្ថកិច្ចដែលយាមប្រចាំការនៅផ្លូវបំបែកបានឱ្យដឹងថា មុនពេលកើតហេតុគេឃើញជនរងគ្រោះស្ថិតក្នុងស្ថានភាពស្រវឹងជិះម៉ូតូមួយគ្រឿងម៉ាកវ៉េវឆ្លាម ពណ៌ខ្មៅ អត់ស្លាកលេខក្នុងលឿនយ៉ាងលឿន ខណៈមកដល់ចំណុចផ្លូវបំបែកខាងលើស្រាប់តែម៉ូតូរេចង្កូតទៅបុកចំពីមុខរថយន្តហ៊ីយ៉ាន់ដាយពេញទំហឹងបណ្តាលឱ្យអ្នកបើកម៉ូតូបោកក្បាលស្លាប់ភ្លាមៗតែម្តង។
តាមសាក្សីនៅកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តខាងលើបើកក្នុងល្បឿនមធ្យម តែខាងម៉ូតូបើកចូលព្រំផ្លូវខាងរថយន្តបុកចំពីមុខរថយន្តតែម្តង។ ក្រោយកើតហេតុ សពជនរងគ្រោះត្រូវសាច់ញាតិមកទទួលយកទៅធ្វើបុណ្យនៅលំនៅឋាន៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ