ខេត្តព្រះវិហារ ៖ ព្រះសង្ឃមួយអង្គព្រះនាម ប៊ុន គឹមសួន ព្រះជន្ម៦១ឆ្នាំ ត្រូវបានសមត្ថកិច្ចនគរបាលក្រុងព្រះវិហារឃាត់សាកសួរ ខណៈដែលព្រះសង្ឃអង្គនេះបាននាំស្រីស្នេហ៍ ឡើងដេកផ្ទះសំណាក់យីហោ អីស៊ីដ្រូហាវី ឋិតក្នុងភូមិថ្មី សង្កាត់កំពង់ប្រណាក ក្រុងព្រះវិហារ ។
ខេត្តព្រះវិហារ ៖ ព្រះសង្ឃមួយអង្គព្រះនាម ប៊ុន គឹមសួន ព្រះជន្ម៦១ឆ្នាំ ត្រូវបានសមត្ថកិច្ចនគរបាលក្រុងព្រះវិហារឃាត់សាកសួរ ខណៈដែលព្រះសង្ឃអង្គនេះបាននាំស្រីស្នេហ៍ ឡើងដេកផ្ទះសំណាក់យីហោ អីស៊ីដ្រូហាវី ឋិតក្នុងភូមិថ្មី សង្កាត់កំពង់ប្រណាក ក្រុងព្រះវិហារ ។
ព្រះសង្ឃអង្គនេះបានសារភាពនៅល្ងាចថ្ងៃទី០១ ខែមករា ឆ្នាំ២០១៥នេះថា ព្រះអង្គគង់នៅវត្ត បិនដី ស្ថិតនៅភូមិ ព្រៃគុយ ឃុំព្រៃគុយ ស្រុកកំពង់ស្វាយ ខេត្តកំពង់ធំ ហើយព្រះអង្គ បាននិមន្តពីខេត្តកំពង់ធំ មកកាន់ ខេត្តព្រះវិហារ អស់រយៈពេលមួយសប្តាហ៍មកហើយ គឺមកសំណាក់ធម៌នៅលើភ្នំត្បែង ប៉ុន្តែមិនបានឡើងទៅសំណាក់ធម៌នោះទេ ក៏នាំស្រីស្នេហ៍ឡើងទៅដេកនៅផ្ទះសំណាក់យីហោ អីស៊ីដ្រូហាវី ។ ព្រះសង្ឃបន្ថែមថា នារីជា ស្រីស្នេហ៍ក៏បានសារភាពដែរថា នាងឈ្មោះ អ៊ុំ សង្វា អាយុ៣៥ឆ្នាំ រស់នៅភូមិ ក្តីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ហើយនាងបានមករួមមេត្រី ជាមួយនឹងព្រះសង្ឃរូបនេះអស់រយៈពេលមួយសប្តាហ៍ហើយ ។
គួរបញ្ជាក់ផងដែរថា ខណៈពេលដែលសមត្ថកិច្ច ធ្វើការឃាត់ខ្លួន ព្រះសង្ឃ រូបនេះ ហើយ ក៏បាននាំទៅកាន់វត្តប្រាសាទជ័យព្រឹក្ស ហៅវត្តប្រាសាទគោគបេង ខេត្តព្រះវិហារ ដើម្បីធ្វើការសាកសួរ និងផ្សឹកតែម្តង ។ ក្រោយពីធ្វើការផ្សិករួចរាល់ហើយក៏បាននាំខ្លួនបញ្ជូនទៅកាន់អធិការក្រុងព្រះវិហារ ដើម្បីចាត់ការទៅតាមនិតិវិធី ៕
ចែករំលែកព័តមាននេះ