ខេត្តកែប ៖ ស្ត្រីម្នាក់ស្លា.ប់ និង២នាក់ទៀតរងរបួសស្រាល ខណៈជិះម៉ូតូឌុបគ្នាទាក់ដៃចង្កូតជាមួយរថយន្ត បណ្តាលឱ្យដួលធ្លាក់ស្ត្រីរងគ្រោះពីលើម៉ូតូ ហើយត្រូវរថយន្តដឹកដីកិនស្លា.ប់នៅនិងកន្លែង
ខេត្តកែប ៖ ស្ត្រីម្នាក់ស្លាប់ និង២នាក់ទៀតរងរបួសស្រាល ខណៈជិះម៉ូតូឌុបគ្នាទាក់ដៃចង្កូតជាមួយរថយន្ត បណ្តាលឱ្យដួលធ្លាក់ស្ត្រីរងគ្រោះពីលើម៉ូតូ ហើយត្រូវរថយន្តដឹកដីកិនស្លាប់នៅនិងកន្លែង កាលពីវេលាម៉ោង០៥ល្ងាចថ្ងៃទី៣១ ធ្នូ ២០១៤ ស្ថិតនៅចំណុចភូមិភ្នំលាវ ឃុំពងទឹក ស្រុកដំណាក់ចង្អើរ ។
ប្រភពបានឱ្យដឹងថា ស្ត្រីដែលស្លាប់ឈ្មោះត្រែង ច្រឹប អាយុ៤៧ឆ្នាំ រស់នៅភូមិភ្នំលាវ និងអ្នកបើកម៉ូតូឈ្មោះប៉ាក់ ត្រួយ អាយុ២៧ឆ្នាំ (របួសស្រាល) និងម្នាក់ទៀតឈ្មោះប៉ាក ស្រីនិច្ច ភេទស្រី អាយុ១២ឆ្នាំ មានទីលំនៅភូមិតោះសោម ឃុំអង្គោល ស្រុកដំណាក់
ចង្អើរ ។ ចំណែកឯអ្នកបើកបររថយន្តឈ្មោះស៊ុយ វណ្ណា អាយុ២៧ឆ្នាំ រស់នៅភូមិដំណាក់ធំ ខណ្ឌមានជ័យ រាជធានីភ្នំពេញ ។
ប្រភពបន្តថា មុនដំបូងគេឃើញម៉ូតូជិះឌុបគ្នា៣នាក់ លុះមកដល់ជិះជិតរថយន្ត ក៏បានចៀស ក៏ត្រូវប៉ះជាមួយដៃចង្កូតម៉ូតូដួលខ្ទាតស្ត្រីរងគ្រោះចូលក្រោមរថយន្តកិនចំពោះ បណ្តាលឱ្យស្លាប់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ