យោងតាមគេហទំព័របរទេសចេញផ្សាយកាលពីពេល ថ្មីៗនេះ ឱ្យដឹងថា បណ្តាញសង្គមហ្វេសប៊ុក បានទិញយន្តហោះគ្មានមនុស្សបើក (drone) ចំនួន១១.០០០គ្រឿង ដើម្បីច្នៃធ្វើជាផ្កាយរណបពង្រីកប្រព័ន្ធអីុនធើរណេត សម្រាប់បណ្តាប្រទេសក្នុងតំបន់អាហ្វ្រិក។ ដោយឡែក គេហទំព័រ Teach Crunch ឱ្យដឹងថា ហ្វេសប៊ុកបានចុះកិច្ចព្រមព្រៀងបញ្ជាទិញយន្តហោះគ្មានមនុស្សបើក ដែលអាចស្ថិតនៅលើលំហអាកាសក្នុងរយៈពេល៥ឆ្នាំ ដើម្បីពង្រីកប្រព័ន្ធអីុនធើរណេតរបស់ខ្លួនទៅកាន់ប្រទេសដែលពុំមានលទ្ធភាពប្រើប្រាស់ពីមុនមក ។
ហ្វេសប៊ុកបានទិញយន្តហោះគ្មានមនុស្សបើក (Drone) ពីក្រុមហ៊ុន Titan Aerospace ។ យន្តហោះទាំងនោះមានសមត្ថភាពពិសេសត្រង់អាចហោះហើរក្នុងរយៈកម្ពស់១.៨៤០.៥៩២ម៉ែត្រ ដែលអាចភ្ជាប់ការទាក់ទងតាមរយៈ Satellites ទៅកាន់តំបន់ដាច់ស្រយាល ។ មិនត្រឹមតែប៉ុណ្ណោះ តួយន្តហោះទាំងមូលបំពាក់ដោយបន្ទះ Solar ដែលអាចស្រូបពន្លឺព្រះអាទិត្យបានទៀតផង ។ យន្តហោះទាំងនោះបែងចែកជា២ប្រភេទ គឺម៉ូដែល៥០ និង៦០ ដែលវាអាចផ្ទុកទម្ងន់បានត្រឹមតែ១០០គីឡូក្រាម ។
គេហទំព័រដដែលនោះ ឱ្យដឹងទៀតថា គម្រោងមួយនេះក្នុងគោលបំណងដើម្បីបន្ថែមការគ្រប់គ្រងរបស់ខ្លួនលើប្រទេសដែលពុំមានលទ្ធភាពប្រើប្រាស់ប្រព័ន្ធអុីនធើរណេត ។ ម្យ៉ាងវិញទៀត វាភ្ជាប់ប្រព័ន្ធទាក់ទង 3G ទៀតផង ដូច្នេះពិភពលោកទាំងមូលនឹងងាយស្រួលភ្ជាប់ការទាក់ទង ទោះបីជាស្ថិតក្នុងតំបន់ដាច់ស្រយាលក៏ដោយ ។
ប្រភេទកូនយន្តហោះ Drone កំពុងពេញនិយមសម្រាប់ប្រើប្រាស់ក្នុងការថតរូបពីលើអាកាស ហើយអ្នកប្រើប្រាស់ចំណាយប្រាក់អស់តិចទៀតផង ៕
ចែករំលែកព័តមាននេះ