លទ្ធផលនៃការសិក្សាចុះផ្សាយក្នុងព្រឹត្តិបត្រ Clinical Cancer Researchបានបង្ហាញថា កង្វះខាតវីតាមីន D ជាប់ទាក់ទិននឹងការបង្កើនឱកាសកើតមានជំងឺមហារីកប្រូស្តាតដល់បុរសកាន់តែខ្ពស់ ។ ការពិសោធលើបុរសស្បែកស៦០០នាក់ប្លាយនៅស៊ីកាហ្គោ សហរដ្ឋអាមេរិកបានបង្ហាញថា អ្នកដែលខ្វះវីតាមីន D ក្នុងឈាមគឺប្រឈមនឹងជំងឺមហារីកសាហាវៗ ជាពិសេសមហារីកប្រូស្តាតដល់ទៅជិត៤ដង ខណៈអាមេរិកស្បែកខ្មៅវិញ ការប្រឈមឡើងដល់លើស៤ដង ។
អ្នកដឹកនាំការស្រាវជ្រាវ វេជ្ជបណ្ឌិត Adam Murphy មកពីសាកលវិទ្យាល័យ Northwestern University សហរដ្ឋអាមេរិកបានថ្លែងថា ៖«កង្វះខាតវីតាមីន D អាចជាត្រីវិស័យចង្អុលបង្ហាញពីការវិវឌ្ឍទៅមុខនៃដុំសាច់មហារីកលើបណ្តាជនទូទៅ »។ លោកវេជ្ជបណ្ឌិតបានបន្តថា ៖«ការខ្វះខាតគឺរឹតតែសាមញ្ញនិងធ្ងន់ធ្ងរចំពោះបុគ្គលដែលមានស្បែកពណ៌ខ្មៅ ហើយបែបនេះហើយ ទើបមហារីកប្រូស្តាតកើតច្រើនក្នុងចំណោមជនអាមេរិកស្បែកខ្មៅ ។ ដូច្នេះ ការរកឃើញរបស់យើងលើកនេះក៏ជាសញ្ញាមួយប្រាប់ថា បុព្វហេតុចម្បងដែលនាំឱ្យជនស្បែកខ្មៅកើតមហារីកប្រូស្តាតគឺបណ្តាលមកពីការខ្វះវីតាមីន D »។
វេជ្ជបណ្ឌិតដដែលបានបន្ថែមថា ៖«វាជាយោបល់ល្អដែលត្រូវពិនិត្យមើលកម្រិតវីតាមីន D ឱ្យបានទៀងទាត់រាល់ឆ្នាំ ។ ក្នុងករណីរកឃើញថា ខ្វះគេអាចរកមធ្យោបាយធ្វើឱ្យវាគ្រប់បានតាមរយៈរបបអាហារ ថ្នាំគ្រាប់ ឬវិធីព្យាបាលផ្សេងៗ »៕
ចែករំលែកព័តមាននេះ