មនុស្សមួយចំនួនធំបានអនុវត្តខុសទម្លាប់ធម្មជាតិដោយព្យាយាមផឹកទឹក១-២កែវអំឡុងការទទួលទានអាហារ ។ នៅពេលពួកគេម្នាក់ៗរៀបចំទទួួលទានបាយ គេតែងស្វែងរកទឹក១-២កែវដាក់នៅក្បែរខ្លួនជានិច្ច ។ មានមូលហេតុច្រើនយ៉ាងចំពោះទង្វើបែបនេះ ។
មនុស្សមួយចំនួនធំបានអនុវត្តខុសទម្លាប់ធម្មជាតិដោយព្យាយាមផឹកទឹក១-២កែវអំឡុងការទទួលទានអាហារ ។ នៅពេលពួកគេម្នាក់ៗរៀបចំទទួួលទានបាយ គេតែងស្វែងរកទឹក១-២កែវដាក់នៅក្បែរខ្លួនជានិច្ច ។ មានមូលហេតុច្រើនយ៉ាងចំពោះទង្វើបែបនេះ ។
យ៉ាងណាក៏ដោយ យោងតាមវេជ្ជបណ្ឌិត Mantena Satyanarayana Raju ទង្វើខាងដើមអាចផ្តល់ផលអាក្រក់ដល់សុខភាព ជាពិសេសគឺក្រពះ ។ បើទោះណា ដំណាក់កាលនៃការរំលាយអាហារចាប់ផ្តើមនៅក្នុងមាត់ក្តី ប៉ុន្តែ ការរំលាយនោះគឺបានត្រឹម២០-២៥ភាគរយប៉ុណ្ណោះ។ ឯអាហារដែលនៅសេសសល់គឺជាតួនាទីរបស់ក្រពះ ។ ខណៈវា(អាហារ)ចូលដល់ក្រពះ អង់ហ្ស៊ីមរំលាយអាហារជាច្រើន ព្រមទាំងសារធាតុហ្គាសត្រូវបានផលិត ដើម្បីរំលាយអាហារទាំងនោះ ។ ក្នុងចំណោមនោះ អាស៊ីតអុីដ្រូក្លរិចដើរតួនាទីសំខាន់ជាងគេខណៈអង់ហ្ស៊ីមដទៃទៀតជួយបញ្ចប់ដំណើរការនេះ ។ បន្ថែមពីនេះទៀត អាស៊ីតដដែលមាននាទីសម្លាប់ចោលរាល់បាក់តេរីមិនល្អសេសសល់ក្នុងអាហារ ។ តាមធម្មតា ក្រពះត្រូវការពេល២ម៉ោងដើម្បីរំលាយអាហារឱ្យអស់ ។ ដូច្នេះ ការផឹកទឹកអំឡុងទទួលទានអាចបណ្តាលឱ្យកម្លាំងអាស៊ីតអីុដ្រូក្លរិចរបស់វាថយចុះ។ លោកវេជ្ជបណ្ឌិត Rajuបន្តថា ផលវិបាកមួយចំនួនទៀតចំពោះក្រពះ(ជាពិសេសក្រពះកំពុងមានបញ្ហា)និងរាងកាយមានដូចខាងក្រោម៖
១- ចុះខ្សោយអាស៊ីត ៖
ថាមពលអាស៊ីតក្នុងក្រពះក្លាយជាចុះខ្សោយ និងឈានទៅបាត់បង់ប្រសិទ្ធភាព ប្រសិនជាផឹកទឹកច្រើនលាយនឹងអាហារ ។ អាស៊ីតដែលចុះខ្សោយបែបនេះពុំអាចរំលាយអាហារបានល្អនោះទេ ។ បន្ទាប់មក ក្រពះក៏ត្រូវបង្ខំផលិតអាស៊ីតបន្ថែមក្នុងបរិមាណទ្វេដង ។ ការផលិតច្រើនបែបនេះ យូរៗទៅនឹងក្លាយជាទម្លាប់អាក្រក់នាំឱ្យក្តៅចុងដង្ហើមព្រមទាំងដំបៅក្នុងក្រពះ ។ មិនត្រូវគិតតែពីរូបសម្បត្តិខាងក្រៅ ហើយភ្លេចពីសរីរាង្គខាងក្នុងនោះទេ ។
២-អាហារចូលក្នុងក្រពះដោយមិនឆ្លងកាត់ដំណាក់កាលរំលាយទី១ ៖
នៅពេលគេផឹកទឹកអំឡុងពេលទទួលទាន ទឹកបានបំបែកអាហារជាចំណែកតូចៗ ប៉ុន្តែវាមិនអាចរំលាយអាហារនោះបានទេ ជាហេតុនាំឱ្យដំណើរការរំលាយត្រូវការពេលបន្ថែម ។ មួយវិញទៀត វត្តមានទឹកច្រើនធ្វើឱ្យការធ្វើចលនាតាមធម្មជាតិរបស់ក្រពះយឺតជាងពេលមុន ។ នេះក៏ជាមូលហេតុមួយដែលបណ្តាលឱ្យការរំលាយអាហារត្រូវប្រើពេលយូរដល់ទ្វេដង ។
៣-ក្រពះចុះខ្សោយ ៖
ជាទូទៅ ទឹក២កែវត្រូវការពេល១៥នាទីលាយចូលក្នុងឈាម ។ ទោះជាយ៉ាងនេះ នៅពេលគេផឹកជាមួយអាហារ វាស្ថិតនៅក្នុងក្រពះរហូតដល់អាហារត្រូវបំលែងជាទឹកក្រោយការរំលាយ ។ វាអាចត្រូវការពេល២-៤ម៉ោង។ ដូច្នេះ ក្រពះដែលទ្រទម្ងន់អាហារនិងទឹករយៈពេលយូរបែបនេះគឺចុះខ្សោយជាមិនខាន។ ជាងនេះទៅទៀត អាហារទាំងនោះនឹងប្រែក្លាយជាជូរផ្អូម មានមេដែលជាមូលហេតុនាំឱ្យភើ ។
៤-ក្រពះមានសភាពធ្ងន់ ៖
ស្ថិតក្នុងក្រពះរយៈពេលយូរ អាហារនិងទឹកប្រែក្លាយជាជូរផ្អូម ហើយបន្ទាប់មកសារធាតុហ្គាសក៏ត្រូវបានផលិត ។ វាក្លាយជាថតមួយតឹងណែន ។ ក្រពះធ្ងន់បានសង្កត់ទៅលើផ្នែកខាងក្រោមរបស់សួត ហើយបណ្ដាលឱ្យការកន្ត្រាក់ របស់សួតអាចធ្វើបានត្រឹម២០%-៣០% ។ ជាលទ្ធផលធ្វើឱ្យការដកដង្ហើមមិនស្រួល មានសភាពផុតៗ ។ Diaphragm (សាច់ដុំក្នុងខ្លួនខណ្ឌចែករវាងសន្ទះទ្រូងនិងផ្នែកខាងក្រោម)ជាផ្នែកមួយសំខាន់ក្នុងដំណើរការដកដង្ហើម បានរងនូវសម្ពាធ បណ្តាលឱ្យចលនារបស់វាត្រូវបានកំណត់ ។ ចំណែកសាច់ដុំក្រពះដែលជំនួួយដល់ការដកដង្ហើមក៏បានបាត់បង់សមត្ថភាពកន្ត្រាក់ចូលនិងចេញផងដែរ ។
៥-បណ្តាលឱ្យងងុយដេកនិងញ័រសាច់ ៖
ខ្យល់អុកស៊ីសែនដែលស្រូបយក មួយចំនួនធំបានចូលទៅដល់ក្រពះនិងជួយរំលាយអាហារ។ ដរាបណា អុកស៊ីសែនស្ថិតក្នុងក្រពះបណ្តាលឱ្យយើងងងុយដេក ។ ខណៈអាហារស្ថិតក្នុងក្រពះរយៈពេលយូរ សួតទទួលបានអុកស៊ីសែនតិចតួច ហើយយើងបន្ទាប់មកមានអារម្មណ៍ធុញថប់ ងងុយដេក និងខ្សោយកម្លាំង។ នេះក៏ជាមូលហេតុមួយផងដែរដែលមនុស្សជាច្រើនស្ងាបជាប់ៗគ្នាក្រោយទទួលទានអាហារ ខណៈអ្នកខ្លះទៀតរហូតដេកលក់លើកៅអី លើតុជាដើម ។
ចំណែកក្រុមអ្នកស្រាវជ្រាវឥណ្ឌាក៏បានរកឃើញប្រហាក់ប្រហែលគ្នានេះដែរ ។ ពួកគេរកឃើញថា ការជិបទឹកបន្តិចអំឡុងពេលអាហារមិនបង្កឱ្យមានបញ្ហាអ្វីនោះទេ ប៉ុន្តែ ប្រសិនជាផឹក១-២កែវគឺអាចរំខានដល់ការរំលាយអាហារ។ វាជាការល្អបំផុត ប្រសិនជាផឹកវត្ថុរាវមុន ឬក្រោយអាហារ២ម៉ោង ដ្បិតទង្វើនេះនឹងជួយឱ្យរាងកាយស្រូបយកសារធាតុចិញ្ចឹមបានល្អ ៕
ចែករំលែកព័តមាននេះ