ម៉ានីល ៖ ទីភ្នាក់ងារស្ថិតិក្នុងស្រុកបានឱ្យដឹងថា កំណើនសេដ្ឋកិច្ចរបស់ប្រទេសហ្វ៊ីលីពីនមានសន្ទុះយឺត៥,៣% ក្នុងត្រីមាសទី៣ ធៀបនឹងឆ្នាំទៅ ស្របពេលដែលការពង្រីកគ្រប់ផ្នែកនៃវិស័យសេដ្ឋកិច្ចបានបង្អន់ល្បឿនប្រតិបត្តិ ក្នុងអំទ្បុងពេលនោះ ។
ម៉ានីល ៖ ទីភ្នាក់ងារស្ថិតិក្នុងស្រុកបានឱ្យដឹងថា កំណើនសេដ្ឋកិច្ចរបស់ប្រទេសហ្វ៊ីលីពីនមានសន្ទុះយឺត៥,៣% ក្នុងត្រីមាសទី៣ ធៀបនឹងឆ្នាំទៅ ស្របពេលដែលការពង្រីកគ្រប់ផ្នែកនៃវិស័យសេដ្ឋកិច្ចបានបង្អន់ល្បឿនប្រតិបត្តិ ក្នុងអំទ្បុងពេលនោះ ។
ចំណែកអាជ្ញាធរស្ថិតិជាតិបានបញ្ជាក់ថា កំណើន GDP គិតចាប់ពីខែកក្កដា ដល់ខែកញ្ញា ទាបជាងបរិមាណ៦,៤% ដែលបានចុះបញ្ជីកាលពីត្រីមាសទី២ និង៧%កាលពីឆ្នាំទៅ ។ ក្នុងនោះ កំណើននៃផ្នែកសេវាកម្មបានបង្អន់ល្បឿន៥,៤% ក្នុងត្រីមាសទី៣ ធៀបនឹងអត្រា៦,១% កាលពីត្រីមាសមុន និង៧,៧%ក្នុងអំទ្បុងពេលដូចគ្នា កាលពីឆ្នាំ២០១៣ ។ រីឯផ្នែកឧស្សាហកម្មមានសន្ទុះយឺតជាងមុនបន្តិចដែរ ជាមួយនឹងអត្រា៧,៦% ធៀបនឹងត្រីមាសមុន ៧,៧% និងឆ្នាំ២០១៣ ៧,៩% ។ ដោយទ្បែក ផ្នែកកសិកម្មបានធ្លាក់ចុះ២,៧% ដែលជាកម្រិតទាបបំផុតគិតចាប់តាំងពីត្រីមាសទី៤ឆ្នាំ២០០៩មក ។
លោក Arsenio Balisacan លេខាធិការនៃគម្រោងសេដ្ឋកិច្ចសង្គមបានគូសបញ្ជាក់ថា ការផ្តល់ឱ្យនូវប្រតិបត្តិការសេដ្ឋកិច្ចនាពេលនេះ កំពុងតែធ្វើឱ្យរង្គោះរង្គើដោយការទម្លាក់នូវអត្រាកំណើនតាមទិសដៅគ្រោងទុក៦,៥% ទៅ៧,៥% ក្នុងឆ្នាំ២០១៤ របស់រដ្ឋាភិបាល ដែលវានឹងដាក់បន្ទុកទៅលើការប្រកួតប្រជែងដ៏ធំ ៕
ចែករំលែកព័តមាននេះ