ADផ្ទាំងផ្សព្វផ្សាយពាណិជ្ជកម្ម

Picture

ចោរ​បា.ញ់​ប្លន់​ស្ត្រី​អ្នក​លក់​មាស​ពេល​ចេញ​ពី​ផ្សារ​តាំង​គោក​ទៅ​ផ្ទះ​ ចោរ​រត់​ចោល​ម៉ូតូ​

9 ឆ្នាំ មុន

ខេត្តកំពង់ធំ ៖ ចោរ​២​នាក់​បាន​ធ្វើ​សកម្មភាព​ប្លន់​បា.ញ់​ស្ត្រី​អាជីវករ​លក់​មាស​ប្តូរ​ប្រាក់​នៅ​ស្រុក​បារាយណ៍ ចំ​ភ្លៅ​២​គ្រាប់​បណ្តាល​ឱ្យ​រង​របួសធ្ងន់​និង​គេចខ្លួន​ដោយ​សុវត្ថិភាព កាលពី​ល្ងាច​ថ្ងៃ​ទី​២១ វិច្ឆិកា ។ លោក​​វរសេនីយ៍ត្រី ស្រី ចាន់​ស៊ី​ណា អធិការរង​នគរបាល​ស្រុក​បារាយណ៍​ទទួល​ផែន​យុត្តិធម៌

ខេត្តកំពង់ធំ ៖ ចោរ​២​នាក់​បាន​ធ្វើ​សកម្មភាព​ប្លន់​បាញ់​ស្ត្រី​អាជីវករ​លក់​មាស​ប្តូរ​ប្រាក់​នៅ​ស្រុក​បារាយណ៍ ចំ​ភ្លៅ​២​គ្រាប់​បណ្តាល​ឱ្យ​រង​របួសធ្ងន់​និង​គេចខ្លួន​ដោយ​សុវត្ថិភាព កាលពី​ល្ងាច​ថ្ងៃ​ទី​២១ វិច្ឆិកា ។ លោក​​វរសេនីយ៍ត្រី ស្រី ចាន់​ស៊ី​ណា អធិការរង​នគរបាល​ស្រុក​បារាយណ៍​ទទួល​ផែន​យុត្តិធម៌ បានឱ្យ​ដឹង​ថា យោង​តាម​ការ​រៀបរាប់​របស់​ប្រជាពលរដ្ឋ​ថា ពួក​ចោរ​ដែល​ធ្វើ​សកម្មភាព​បាញ់​ប្លន់​មាន​គ្នា​២​នាក់ ជិះ​ម៉ូតូ​ម៉ាក​ហុងដា​ឌ្រី​ម​សេ​១២៥ ពណ៌​ខ្មៅ ស៊េរី​ឆ្នាំ​២០១០ ពាក់​ស្លាក​លេខ 1B-4522 ។ មិនដឹង​ថា ពួក​ចោរ​នេះ​តាម​ឃ្លាំមើល​សកម្មភាព​ជន​រង​គ្រោះ​តាំងពី​ពេល​ណា​មក​ទេ ។

នៅ​វេលា​ម៉ោង​៥​និង​២០​នាទី​ល្ងាច ថ្ងៃ​ទី​២១ វិច្ឆិកា ពេល​ស្ត្រី​អាជីវករ​ឈ្មោះ ហែម សៀ​កន​ន់ អាយុ​៤៧​ឆ្នាំ ជា​អាជីវករ​លក់​មាស​និង​ប្តូរ​ប្រាក់​នៅ​ក្នុង​ផ្សារ​តាំងគោក ប្តី​ឈ្មោះ ម៉​ម មក​រា អាយុ​៥៣​ឆ្នាំ រស់នៅ​ភូមិ​តាំងគោក ឃុំ​សូ​យោង ស្រុក​បារាយណ៍ បាន​រៀបចំ​អីវ៉ាន់​រួចរាល់ ក៏​ឱ្យ​ក្មួយ​ប្រុស​បង្កើត​របស់​ប្តី​ឈ្មោះ ម៉​ម តូ​នី ហៅ តូ ឌុ​ប​ម៉ូតូ​វិល​ត្រ​ទ្ប​ប់​ទៅ​កាន់​លំនៅ​ឋាន​ដូច​សព្វដង ។ ពេល​ចេញពី​ផ្សារ​បាន​ប្រហែល​ជាង​២០០​ម៉ែត្រ ជិត​ដល់​ផ្ទះ​ទៅ​ហើយ ក៏​លេចមុខ​ជន​២​នាក់ ជិះ​ម៉ូតូ​សេ​១២៥ ប្រដាប់​ដោយ​កាំភ្លើងខ្លី​២​ដើម​ម៉ាក​កា​៥៩ ធ្វើ​សកម្មភាព​ភ្ជង់​ប្លន់ ។ ក្រុម​ចោរប្លន់​បាន​បាញ់​ទៅ​លើ​ស្ត្រី​ឈ្មោះ ហែម សៀ​កន​ន់ ចំនួន​២​គ្រាប់​ចំ​ភ្លៅ​ទាំង​សងខាង​បណ្តាល​ឱ្យ​ដួល​ដេក​នៅ​ក្នុង​ថ្លុកឈាម ហើយ​ជនសង្ស័យ​ក៏​ដណ្តើម​យក​ស្បោង​ដាក់​មាស​និង​លុយ​ទាំងអស់​គេចខ្លួន​ទៅ​ទិស​ខាងលិច​បាត់​ស្រមោល ។ រីឯ​ស្ត្រី​រង​គ្រោះ​ត្រូវ​បាន​សាច់ញាតិ​បញ្ជូន​ទៅ​សង្គ្រោះ​នៅ​មន្ទីរពេទ្យ​កាល់​ម៉ែ​ត ឯ​រាជធានី​ភ្នំពេញ ។

ពាក់​ព័​ន្ទ​នឹង​ករណី​ប្លន់​ខាងលើ​នេះ លោក​ឧត្តមសេនីយ៍ត្រី ជូ សំ​អាន ស្នងការ​នគរបាល​ខេត្ត មាន​ប្រសាសន៍​ថា បន្ទាប់​ពី​ទទួល​បាន​ព័ត៌មាន​នេះ លោក​បាន​បញ្ជា​ឱ្យ​កម្លាំង​នគរបាល​ខេត្ត ស្រុក កម្លាំង​ប៉ុស្តិ៍ សហការ​ជាមួយ​កម្លាំង​សឹក​រង​ស្រុក និង​កម្លាំង​កងរាជអាវុធហត្ថ សរុប​ចំនួន​ប្រហែល​៦០​នាក់ ដេញ​តាម​ធ្វើ​ឱ្យ​ចោរ​មានការ​ភិតភ័យ​ក៏​ផ្តួល​ម៉ូតូ​ចោល​លើ​ផ្លូវ​រួច​រត់​ចូល​ព្រៃ ។ បន្ទាប់​មក កងកម្លាំង​បាន​ទ្បោ​ម​ព័ទ្ធ​ព្រៃ​អស់​ជា​ច្រើន​ម៉ោង រហូត​មក​ដល់​ថ្ងៃ​ទី​២២ វិច្ឆិកា គ្រាន់តែ​បាន​ពន្លឺ​បន្តិចបន្តួច​ប៉ុណ្ណោះ តែ​មិន​បានដឹង​ពី​ស្រមោល​ចោរ​ទាំង​២​នាក់​នៅ​ទីណា​ទេ ។ ចំពោះ​ទ្រព្យសម្បត្តិ​បាត់បង់​រួម​មាន លុយ​១៦​លាន​រៀល និង​៧០០០​បាត​(​លុយ​ថៃ​) មាស​៧​ជី ទូរស័ព្ទ​១​គ្រឿង ប្លា​ទី​ន​និង​គ្រឿងប្រាក់​ជ្រលក់​ជាង​៣​គី​ទ្បូ​ក្រាម សរុប​គិត​ជា​ទឹកប្រាក់​ប្រហែល​ជាង​៦​ម៉ឺន​ដុល្លារ ។

មតិ​របស់​ប្រជាពលរដ្ឋ ជា​ពិសេស​អាជីវករ​លក់​មាស​និយាយ​ថា ពួក​គាត់​មានការ​ព្រួយបារម្ភ​យ៉ាង​ខ្លាំង​ចំពោះ​ករណី​ប្លន់ ដែល​បាន​កើត​ទ្បើ​ង​ដ៏​សាហាវ​បែប​នេះ ។ ករណី​ចោរប្លន់​នេះ បាន​ស្ងប់ស្ងាត់​អស់​មួយ​រយៈ​ពេល​​វែង​មក​ហើយ​ក្នុង​ទឹកដី​ស្រុក​បារាយណ៍ ។ ការ​កម្រើក​ទ្បើ​ង​វិញ​គួរ​ឱ្យ​ព្រួយបារម្ភ​នេះ ក្រុម​អាជីវករ​បាន​សំណូមពរ​ដល់​អាជ្ញាធរ​ស្រុក​-​ខេត្ត មេត្តា​ជួយ​ចាត់វិធានការ​ដើម្បី​សុវត្ថិភាព​របស់​ពួក​គាត់ ជា​ពិសេស​ករណី​អំពើ​ចោរលួច ឆក់ ប្លន់ នេះ​វា​ធ្វើ​ឱ្យ​ជះ​ឥទ្ធិពល​យ៉ាង​ខ្លាំង​ដល់​គោលនយោបាយ​ភូមិ​ឃុំ​មាន​សុវត្ថិភាព ព្រោះ​ពួក​គាត់​ខិតខំ​តស៊ូ​លំបាក​ស្ទើរតែ​មួយ​ជីវិត​ទម្រាំ​តែ​បាន​ប៉ុណ្ណេះ ផ្ទុយ​ទៅ​វិញ​តែ​១​ប៉ប្រិចភ្នែក​ក៏​ត្រូវ​ចោរ​យក​អស់​គ្មាន​សល់ ។ ពួក​គាត់​និយាយ​ថា ជួន​ពេល​ខ្លះ​គឺ​អស់ទាំង​អាយុជីវិត​ទៀត​ផង​ក៏​មាន បើ​១​ថ្ងៃ​ៗ​ឮ​តែ​ចោរលួច ចោរប្លន់​យ៉ាង​ដូច្នេះ​នោះ ធ្វើ​ឱ្យ​ពួក​គាត់​មានការ​ភ័យ​ខ្លាច​ខ្លាំង​ណាស់ ។ មានការ​សន្និដ្ឋាន​ថា ប្រហែលជា​មាន​ខ្មោច​ក្នុង​ឱ្យដៃ ទើប​បានជា​ខ្មោច​ក្រៅ​ក្តាប់​បាន​មុខសញ្ញា​ធ្វើ​សកម្មភាព​ប្លន់​ដោយ​សុវត្ថិភាព​បែប​នេះ ៕