សារព័ត៌មានបរទេស កាលពីថ្ងៃទី២៣ វិច្ឆិកា ផ្សាយថា បុរសជាភ្ញៀវទេសចររុស្ស៊ីម្នាក់អាយុ៤២ឆ្នាំ ត្រូវប៉ូលិសក្រុងរ៉ួម ប្រទេសអីុតាលី ឃាត់ខ្លួន ខណៈពេលរូបគេកំពុងព្យាយាមប្រើថ្មស្រួចឆ្លាក់ឈ្មោះរបស់ខ្លួនជាអក្សរកាត់ «K» កម្ពស់ប្រហែល២៥សង្ទីម៉ែត្រនៅពីលើឥដ្ឋ១ដុំក្នុងអគារ «Colosseum» ជា
សារព័ត៌មានបរទេស កាលពីថ្ងៃទី២៣ វិច្ឆិកា ផ្សាយថា បុរសជាភ្ញៀវទេសចររុស្ស៊ីម្នាក់អាយុ៤២ឆ្នាំ ត្រូវប៉ូលិសក្រុងរ៉ួម ប្រទេសអីុតាលី ឃាត់ខ្លួន ខណៈពេលរូបគេកំពុងព្យាយាមប្រើថ្មស្រួចឆ្លាក់ឈ្មោះរបស់ខ្លួនជាអក្សរកាត់ «K» កម្ពស់ប្រហែល២៥សង្ទីម៉ែត្រនៅពីលើឥដ្ឋ១ដុំក្នុងអគារ «Colosseum» ជាទីតាំងសំខាន់ផ្នែកប្រវត្តិសាស្ត្រអីុតាលី កាលពីថ្ងៃទី២២ វិច្ឆិកា កន្លងមក ។ ជាមួយនឹងការឃាត់ខ្លួននេះ តុលាការក៏ចេញបញ្ជាពិន័យជាប្រាក់ចំនួន២០.០០០អឺរូ៉ និងជាប់ពន្ធនាគាររយៈពេល៤ខែថែមទៀត ។
បុរសរូបនេះ គឺជាភ្ញៀវទេសចរទី៥ ក្នុងឆ្នាំ២០១៤ ដែលត្រូវទទួលទោសពីបទប្រព្រឹត្តខុសក្នុងលក្ខខណ្ឌដែលមិនត្រូវបានអនុញ្ញាត ដោយមុននេះមានភ្ញៀវទេសចរជនជាតិអូស្ត្រាលី កាណាដា និងប្រេស៊ីល ។ បច្ចុប្បន្ន អាជ្ញាធរអីុតាលីកំពុងត្រៀមលើកកម្ពស់បទដ្ឋានសុវត្ថិភាពដើម្បីឃ្លាំមើលភ្ញៀវទេសចរបរទេសដែលមានចេតនាបង្កការខូចខាតដល់បុរាណវត្ថុ និងទីតាំងបុរាណឋាននានាដោយបង្កប់កាមេរ៉ានៅតាមទីតាំងផ្សេងៗឱ្យកាន់តែច្រើន ។
«Colosseum» ជាអគារបុរាណដ៏អស្ចារ្យមួយនៅលើពិភពលោក សាងសង់ឡើងក្នុងសម័យចក្រពត្តិរ៉ួម៉ាំង មានកម្ពស់៤៨,៥ម៉ែត្រ និងជាទីកន្លែងទេសចរណ៍ដ៏ពេញនិយមក្នុងពេលបច្ចុប្បន្ន ដោយទទួលភ្ញៀវទេសចររហូតជាង៦លាននាក់ក្នុងមួយឆ្នាំៗ ។ បច្ចុប្បន្ន អគារនេះកំពុងស្ថិតក្នុងការជួសជុល ដែលចាប់ផ្តើមឡើងតាំងពីខែកញ្ញាកន្លងមក និងមានកំណត់ពេលឱ្យរួចរាល់នៅឆ្នាំ២០១៦ ៕
ចែករំលែកព័តមាននេះ