ខេត្តឧត្តរមានជ័យ ៖ តំបន់ព្រៃស្រោងចាប់ពីផ្លូវយុទ្ធសាស្រ្តរបស់សម្តេចអគ្គមហាសេនាបតីតេជោហ៊ុន សែនរាជរដ្ឋាភិបាល នៃព្រះរាជាណាចក្រកម្ពុជាដែលស្ថិតនៅខាងជើងផ្លូវរហូតទៅទល់នឹងជើងភ្នំដងរ៉ែកដើម្បីរក្សាទុកជម្រកកងទ័ពតែត្រូវបានគេនាំគ្នីគ្នាកា.ប់ទន្ទ្រានយកធ្វើជាកម្មសិទ្ធផ្ទាល់ខ្លួនរាប់ពាន់ហិកតាលោកអាជ្ញាធរ
ខេត្តឧត្តរមានជ័យ ៖ តំបន់ព្រៃស្រោងចាប់ពីផ្លូវយុទ្ធសាស្រ្តរបស់សម្តេចអគ្គមហាសេនាបតីតេជោហ៊ុន សែនរាជរដ្ឋាភិបាល នៃព្រះរាជាណាចក្រកម្ពុជាដែលស្ថិតនៅខាងជើងផ្លូវរហូតទៅទល់នឹងជើងភ្នំដងរ៉ែកដើម្បីរក្សាទុកជម្រកកងទ័ពតែត្រូវបានគេនាំគ្នីគ្នាកាប់ទន្ទ្រានយកធ្វើជាកម្មសិទ្ធផ្ទាល់ខ្លួនរាប់ពាន់ហិកតាលោកអាជ្ញាធរមូលដ្ឋាន និង សមត្តកិច្ចពាក់ព័ន្ធបែធ្វើជាមិនដឹងមិនឃើញ ។ ហេតុការណ៍នេះបានកើតឡើងនៅក្នុងភូមិរំដួលជើងភ្នំ និង ភូមិដងទង់ ដែលជាប់ព្រំប្រទល់គ្នាស្ថិតនៅក្នុងស្រុកអន្លង់វែង និង ក្រុងសំរោង ។
សម្តីអ្នកភូមិរំដួលជើងភ្នំបានរៀបរាប់ឲ្យកោះសន្តិភាពដឹងថាតំបន់ព្រៃស្រោងរាប់ម៉ឺនហិកតាដែលស្ថិតនៅតាមបណ្តោយផ្លូវយុទ្ធសាស្រ្តសម្តេចចាប់ពីផ្លូវរហូតទៅទល់នឹងជើងភ្នំដងរ៉ែកគួរតែនាំគ្នាថែទាំរក្សាទុកជាជម្រកកងទ័ពនៅពេលកើតមានសង្គ្រាមព្រំដែនកម្ពុជា- ថៃម្តងៗ ដែលតម្រូវការបំផុតរបស់កងទព័លាក់ខ្លួននេះជារឿងមួយមិនគួរកាប់រុករានទន្ទ្រានរំលោភយកធ្វើជាកម្មសិទ្ធផ្ទាល់ខ្លួនបែបនេះឡើយ។ បើតាមសម្តីអ្នកភូមិដដែលបានបញ្ចាក់ថាក្នុងការកាប់រុករានទន្ទ្រាននោះមានលោកមេភូមិរំដួលជើងភ្នំនឹងលោកមេភូមិដងទង់បានឃុបឃឹតគ្នាជួលឲ្យប្រជាពលរដ្ឋកាប់មួយចំនួនហើយអ្នកមានអំណាចជួលឲ្យប្រជាពលរដ្ឋកាប់មួយចំនួនផងដែរធ្វើជាកម្មសិទ្ធបើគឹតពីផ្ទៃដីចំនួន១ពាន់ហិកតាហើយគេបានសង្កេតលោកអាជ្ញាធរមូលដ្ឋានគ្រប់លំដាប់ថ្នាក់និងសមត្តកិច្ចពាក់ព័ន្ធជាពិសេសមន្រ្តីជំនាញផ្ទាល់តែម្តងប្រហែលជាគាំងអស់ដៃជើងហើយ ឬក៍លោកបានសើមមាត់ទេដឹងបានជាមិនយកចិត្តទុកដាក់ធ្វើការទប់ស្កាត់សោះ។
បើតាមការបំភ្លឺពីប្រជាពលរដ្ឋឈ្មោះ សួន មឿន ភេទប្រុស អាយុ៣៥ឆ្នាំ រស់នៅក្នុងភូមិតាំងក្រូច ឃុំសាន្តគរ ស្រុកកំពុងស្វាយ ខេត្តកំពង់ធំបានឲ្យដឹងថា ខ្លួនចាកចេញពីផ្ទះមករកស៊ីឈ្នួលកាប់ព្រៃឲ្យគេជាអ្នកមានអំណាចតែមិនស្គាល់ពីឈ្មោះនោះទេក្នុងតម្លៃ៥មឺុនរៀលក្នុង១ថ្ងៃតាមរយៈ ឈ្មោះ វូន វុន ភេទប្រុស អាយុជាងជាង៤០ឆ្នាំ មានទីលំនៅក្នុងភូមិអូរអម្ពឹល ឃុំត្រពាំងតាវ ស្រុកអន្លង់វែង ជាមេការនាំប្រជាពលរដ្ឋកាប់ព្រៃនៅទីនេះ។
ទាក់ទិននឹងហេតុការណ៍នេះនារសៀលថ្ងៃទី២២ វិច្ឆិកា ២០១៤ កោះសន្តិភាពបានទូរស័ព្ទជួបលោក គង់ សារ៉េត នាយសង្កាត់កូនគ្រៀលបានបំភ្លឺថាក្នុងការកាប់ព្រៃឈើនៅក្នុងតំបន់នោះលោកមិនបានដឹងនោះទេហើយចាំលោកនឹងដឹកនាំមន្រ្តីជំនាញចុះទៅទីនោះបើប្រសិនជាមានហេតុការណ៍នេះលោកនឹងធ្វើការបង្រ្កាបទប់ស្កាត់មិនឲ្យកើតមានតទៅទៀត ។
ចែករំលែកព័តមាននេះ