សារព័ត៌មានក្នុងស្រុករាយការណ៍ថា មនុស្សយ៉ាងតិច៤នាក់បានត្រូវស្លាប់កាលពីថ្ងៃទី៣០ តុលា ដោយសារការធ្លាក់យន្តហោះធុនតូច១គ្រឿងលើអគារមួយស្ថិតនៅជិតព្រលានយន្តហោះនៃរដ្ឋកាន់សាស់របស់អាមេរិក ។
ទូរទស្សន៍ CNN រាយការណ៍ថា អ្នកស្លាប់២នាក់ស្ថិតក្នុងអគារនៅជិតព្រលានយន្តហោះ MID CONTINE ក្រុង WICHITA ពេលយន្តហោះនេះធ្លាក់ ហើយអ្នកបើកក៏ត្រូវស្លាប់ដែរ។ CNN បន្តថា មនុស្ស៤នាក់ទៀតនៅតែបាត់ខ្លួន។ មនុស្ស៥នាក់ត្រូវបញ្ជូនទៅកាន់មន្ទីរពេទ្យក្រោយឧប្បត្តិហេតុនេះ ។
យន្តហោះម៉ាស៊ីន២ ធុន HAWKER BEECHCRAFT B200 SUPER KING AIR បានរលត់ម៉ាស៊ីនមួយពេលហោះឡើង ។ វាត្រូវហោះទៅកាន់ក្រុងមីណា រដ្ឋកាន់សាស់ ។ យន្តហោះនេះអាចដឹកមនុស្សបានរហូតដល់១៣នាក់។ មានមនុស្សប្រមាណជា១០០នាក់ស្ថិតក្នុងអគារ ពេលយន្តហោះធ្លាក់លើ ៕
ចែករំលែកព័តមាននេះ