សិង្ហបុរី នូវែលសេឡង់ និងហុងកុង ជាប់ចំណាត់ថ្នាក់ជាប្រទេស និងទីក្រុងគួរឱ្យវិនិយោគទុនបំផុតនៅលើពិភពលោកប្រចាំឆ្នាំ២០១៤ តាមរបាយការណ៍ពីធនាគារពិភពលោក (WB) ខណៈប្រទេសសេដ្ឋកិច្ចទើបកើតថ្មីរួមមាន ចិន ប្រេស៊ីល និងឥណ្ឌា ស្ថិតក្នុងលំដាប់ថ្នាក់គួរឱ្យបារម្ភ។
សិង្ហបុរី នូវែលសេឡង់ និងហុងកុង ជាប់ចំណាត់ថ្នាក់ជាប្រទេស និងទីក្រុងគួរឱ្យវិនិយោគទុនបំផុតនៅលើពិភពលោកប្រចាំឆ្នាំ២០១៤ តាមរបាយការណ៍ពីធនាគារពិភពលោក (WB) ខណៈប្រទេសសេដ្ឋកិច្ចទើបកើតថ្មីរួមមាន ចិន ប្រេស៊ីល និងឥណ្ឌា ស្ថិតក្នុងលំដាប់ថ្នាក់គួរឱ្យបារម្ភ។
របាយការណ៍ប្រចាំឆ្នាំ «Doing Business» ដែលរៀបចំដោយធនាគារពិភពលោក កាលពីថ្ងៃទី២៩ តុលា ២០១៤ បានវិភាគថា ប្រទេសដែលមាននយោបាយអំណោយផលល្អដល់ការធ្វើជំនួញរួមមាន ប្រទេសតូចៗចំនួន៣ នៅភូមិភាគប៉ាស៊ីហ្វិកបានឈានមុខនៅលើពិភពលោក។
១០ប្រទេសដំបូងដែលអំណោយផលដល់ការវិនិយោគច្រើនបំផុត តាមការវិភាគរបស់ WB រួមមាន សិង្ហបុរី នូវែលសេឡង់ ហុងកុង ដាណឺម៉ាក កូរ៉េខាងត្បូង ន័រវែស អាមេរិក អង់គ្លេស ហ្វាំងឡង់ និងអូស្ត្រាលី ភាគច្រើនជាប្រទេសអភិវឌ្ឍន៍ស្រាប់ ធ្លាប់ជាប់ចំណាត់ថ្នាក់នៅក្នុងឆ្នាំកន្លងទៅ ។
ចំណែកចិនស្ថិតនៅលំដាប់ទី៩០ ពីចំនួនសរុប១៨៩ប្រទេស និងជាដែនដីរំកិលឡើងពីលំដាប់ថ្នាក់ទី៩៣ កាលពីឆ្នាំមុន រីឯប្រេស៊ីលបានរំកិលឡើងចំនួន៣កម្រិត ស្ថិតនៅចំណាត់ថ្នាក់១២០ ខណៈពេលឥណ្ឌារអិលធ្លាក់២កម្រិត ស្ថិតនៅលំដាប់១៤២ ។
ប្រទេសទាំង៣នេះត្រូវបានចាត់ចំណាត់ថ្នាក់គួរឱ្យវិនិយោគទាបជាងរុស្ស៊ី ស្ថិតនៅលំដាប់ទី៦២ និងក្រិកស្ថិតក្នុងចំណាត់ថ្នាក់៦១ ដែលកំពុងជួបនឹងវិបត្តិសេដ្ឋកិច្ច និងវិនិយោគិន ក៏ត្រូវប្រឈមមុខនឹងឧបសគ្គជាច្រើនករណី ។
លោកកៅ ស៊ីកបាស៊ូ (Kaushik Basu) អ្នកសេដ្ឋសាស្ត្ររបស់ WB បានទទួលស្គាល់ថា របាយការណ៍របស់ Doing Business គ្រាន់តែជាការវិភាគលើផ្នែកខ្លះនៃប្រព័ន្ធសេដ្ឋកិច្ចដែលមានលក្ខណៈស្មុគស្មាញនៅក្នុងប្រទេសសម័យថ្មី មានន័យថា ប្រទេសមួយអាចរកពិន្ទុបានតិចតាមគោលការណ៍ដែលកំណត់ដោយ Doing Business បុ៉ន្តែអាចលេចធ្លោលើផ្នែកសង្គមកិច្ចក៏ថាបាន ។
ចំណែកប្រទេសចំនួន៥ ស្ថិតក្នុងចំណាត់ថ្នាក់ចុងក្រោយពីចំណោម១៨៩ប្រទេសរួមមាន ប្រទេសឆាដ ស៊ូដង់ខាងត្បូង អាហ្វ្រិកកណ្តាល លីប៊ី និងអេរីត្រេ ទទួលបានពិន្ទុមិនដល់៤០ ៕
ចែករំលែកព័តមាននេះ