ទីភ្នាក់ងារព័ត៌មានរដ្ឋស៊ីរី SANA រាយការណ៍ថា កងទ័ពស៊ីរី កាលពីថ្ងៃទី២៩ តុលា បានបា.ញ់ធ្លាក់យន្តហោះគ្មានមនុស្សបើក១គ្រឿងដែលហោះហើរពីលើខេត្ត DEIR EZZOR ភាគខាងកើតប្រទេស ។ដោយដកស្រង់ប្រភពយោធា SANA គូសបញ្ជាក់ថា កងទ័ពស៊ីរីបានបា.ញ់ធ្លាក់យន្តហោះគ្មានមនុស្សបើកនោះដែលហោះហើរពីលើតំបន់ម៉ាកាប័រ ខេត្ត DEIR EZZOR ។ ទីភ្នាក់ងារ
ទីភ្នាក់ងារព័ត៌មានរដ្ឋស៊ីរី SANA រាយការណ៍ថា កងទ័ពស៊ីរី កាលពីថ្ងៃទី២៩ តុលា បានបាញ់ធ្លាក់យន្តហោះគ្មានមនុស្សបើក១គ្រឿងដែលហោះហើរពីលើខេត្ត DEIR EZZOR ភាគខាងកើតប្រទេស ។ដោយដកស្រង់ប្រភពយោធា SANA គូសបញ្ជាក់ថា កងទ័ពស៊ីរីបានបាញ់ធ្លាក់យន្តហោះគ្មានមនុស្សបើកនោះដែលហោះហើរពីលើតំបន់ម៉ាកាប័រ ខេត្ត DEIR EZZOR ។ ទីភ្នាក់ងារព័ត៌មាននោះពុំបានផ្តល់ភាពលម្អិតបន្ថែមពីប្រភេទ ព្រមទាំងម្ចាស់របស់យន្តហោះនោះឡើយ ។
ម្យ៉ាងវិញទៀត វិទ្យុស្និទ្ធរដ្ឋាភិបាល SHAM FM រៀបរាប់ថា កងទ័ពស៊ីរីបានកម្ទេចកាលពីថ្ងៃទី២៩ តុលានោះ នូវរថយន្តធុន HUMVEE ផ្ទុកគ្រឿងផ្ទះ១គ្រឿងបើកដោយយុទ្ធជនក្រុមរដ្ឋអ៊ិស្លាមម្នាក់ ដែលបើកឆ្ពោះទៅរកស្ពានមួយត្រួតត្រាដោយកងយោធានៅខេត្ត DEIR EZZOR ។ វិទ្យុនេះបន្តថា កងទ័ពបានបាញ់ឱ្យផ្ទុះរថយន្តនេះមុនពេលទៅដល់គោលដៅវាយប្រហារ ។
ក្នុងរឿងដាច់ដោយឡែកមួយទៀត អង្គការសិទ្ធិមនុស្សស៊ីរី OSDH ដែលមានប្រភពព័ត៌មានច្រើនគូសបញ្ជាក់ថា ក្រុមរដ្ឋអ៊ិស្លាមបានបាត់ការទាក់ទងជាមួយយុទ្ធជនរបស់គេ៣០នាក់នៅទីក្រុងឃើតកូបានេ ជាប់ព្រំដែនតួកគី ហើយបញ្ជាក់ថា ពួករដ្ឋអ៊ិស្លាមបានបាញ់គ្រាប់ផ្លោង២៣គ្រាប់ដាក់ទីក្រុងនោះចាប់ពីព្រឹកថ្ងៃទី២៩ តុលា មក ៕
ចែករំលែកព័តមាននេះ