បើលោកអាប់ភីស៊ីតចង់ចរចាត្រូវស្ដាប់ការទាមទាររបស់ក្រុមអាវក្រហមជាមុនសិន
ដោយ ៖ អប្សរា
ថ្ងៃសៅរ៏ ទី២០ ខែមិនា ឆ្នាំ២០១០ ម៉ោង ១៩:០៧
ក្រុមអាវក្រហមបានប្រកាសច្រានចោលការស្នើសុំចរចាម្ដងហើយម្ដងទៀតរបស់លោកនាយករដ្ឋមន្ដ្រីអាប់ភីស៊ីត ដរាបណាលោកនាយករដ្ឋមន្ដ្រីរូបនេះនៅតែបដិសេធមិនព្រមរំលាយសភា និងរៀបចំការបោះឆ្នោតជាថ្មីទេនោះ ។លោកចាទុផន ព្រំផាន មេដឹកនាំក្រុមអាវក្រហមដ៏សំខាន់មួយរូបបានថ្លែងថា ដំបូងក្រុមអាវក្រហមបានត្រៀមខ្លួនរួចជាស្រេចទៅហើយ ដើម្បីចរចាជាមួយរដ្ឋាភិបាលលោកអាប់ភីស៊ីត តែលោកអាប់ភីស៊ីតបែរជា ដាក់លក្ខខណ្ឌជាមុនទៅវិញ ហាក់បីដូចជា វាយតម្លៃទាបដល់ក្រុមបាតុករអាវក្រហមពេកណាស់ ដូច្នេះយើងមិនអាចចរចាជាមួយកើតទេ ដរាបណាគាត់មិនព្រមរំលាយសភាហើយបោះឆ្នោតជាថ្មី ។ លោកចាទុផន បានថ្លែងទៀតថា ប្រសិនបើរដ្ឋាភិបាលលោកអាប់ភីស៊ីតចង់ចរចាជា មួយក្រុមអាវក្រហម លោកត្រូវតែស្ដាប់ការទាមទាររបស់ក្រុមអាវក្រហមជាមុនសិន ថាតើក្រុមអាវរកហមចង់បានអ្វី? ទើបយើងធ្វើការថ្លឹងថ្លែងតាមក្រោយ ។
