យុវនារីអីុរ៉ង់ម្នាក់ឈ្មោះ Reyhaneh Jabbari ដែលត្រូវកាត់ទោសប្រហារជីវិតពីបទសម្លា.ប់បុរសម្នាក់ ដែលនាងថាប៉ុនប៉ងចាប់រំលោ.ភនាង ត្រូវបានគេយកទៅប្រហារជីវិតដោយព្យួរ.ក កាលពីថ្ងៃទី២៥ តុលា ដែលញុាំងឱ្យមានការក្តៅក្រហាយពីប្រទេសជាច្រើន ។
យុវនារីអីុរ៉ង់ម្នាក់ឈ្មោះ Reyhaneh Jabbari ដែលត្រូវកាត់ទោសប្រហារជីវិតពីបទសម្លាប់បុរសម្នាក់ ដែលនាងថាប៉ុនប៉ងចាប់រំលោភនាង ត្រូវបានគេយកទៅប្រហារជីវិតដោយព្យួរ.ក កាលពីថ្ងៃទី២៥ តុលា ដែលញុាំងឱ្យមានការក្តៅក្រហាយពីប្រទេសជាច្រើន ។
ការប្រហារជីវិតនារីរូបនេះ ដែលរាយការណ៍ដោយទីភ្នាក់ងារព័ត៌មានផ្លូវការអីុរ៉ង់ Irna នាំឱ្យមានការថ្កោលទោសភ្លាមៗរបស់អង្គការលើកលែងទោសអន្តរជាតិ Amnesty International ដែលចាត់ទុកថា នេះជាស្នាមខ្មៅថ្មីមួយទៀតក្នុងតុល្យការសិទ្ធិមនុស្សរបស់អីុរ៉ង់ និងជាអំពើដែលផ្ទុយពីយុត្តិធម៌ ។
សហរដ្ឋអាមេរិក និងអង់គ្លេស ក៏បានថ្កោលទោសយ៉ាងខ្លាំងក្លាបំផុតដែរ ចំពោះការព្យួរ.កយុវនារីរូបនោះ ។
នាង Reyhaneh Jabbari ជាអ្នកតុបតែងក្នុងផ្ទះ ឬអគារ អាយុ២៦ឆ្នាំ ទទួលការកាត់ទោសប្រហារជីវិតកាលពីឆ្នាំ២០០៩ ពីបទសម្លាប់ កាលពីខែកក្កដា ឆ្នាំ២០០៧ នូវបុរសម្នាក់ឈ្មោះ Morteza Abdolati Sarbandi ជាគ្រូពេទ្យវះកាត់ម្នាក់ និងជាអតីតនិយោជិតក្រសួងស៊ើបការណ៍ ដែលនេះជាការកាត់ទោសដែលអង្គការលើកលែងទោសអន្តរជាតិយល់ថាមានការលម្អៀង ។
អ្នកជំនាញការម្នាក់របស់អង្គការសហប្រជាជាតិ ក៏ធ្លាប់អះអាងកាលពីខែមេសា ដែរថា តុលាការពុំបានគិតដល់បណ្តាភស្តុតាងទាំងឡាយ និងថាការសារភាពរបស់នារីរូបនោះត្រូវធ្វើដោយសារការចាប់បង្ខំ ៕
ចែករំលែកព័តមាននេះ