ក្នុងសេចក្ដីប្រកាសមួយស្ថានទូតអាមេរិកនិយាយថា នាវាផ្ទុកយន្តហោះអាមេរិកមួយគ្រឿងបានមកដល់ទីក្រុងម៉ានីលកាលពីថ្ងៃទី២៣ តុលា ដើម្បីឈប់សំចតនៅនោះ ។ ស្ថានទូតអាមេរិកឱ្យដឹងថា នាវាUSS GEORGE WASHINGTON ជានាវាអាមេរិកមួយក្នុងចំណោមនាវាអាមេរិកទាំងឡាយដែលឆ្លើយតបចំពោះសំណើផ្ដល់ជំនួយមនុស្សធម៌របស់ហ្វ៊ីលីពីន ក្រោយពីព្យុះទីហ្វុង ឈ្នះ HAIYAN ។
នាពេលថ្មីៗនេះនាវាចម្បាំងGREGORIO DEL PILARI របស់កងម៉ារីនហ្វ៊ីលីពីនបានចួលរួមជាមួយក្រុមនាវានាំមុខដោយនាវាផ្ទុកយន្តហោះ USS GEORGE WASHINGTON ក្នុងសមយុទ្ធមួយក្នុងដែនទឹកហ្វីលីពីនសំដៅពង្រឹងសមត្ថភាពរបស់កងម៉ារីនក្នុងពេលធ្វើការរួមគ្នា ។ សមយុទ្ធនោះប្រព្រឹត្តទៅកាលពីថ្ងៃទី២២ ដល់ទី២៣ តុលា កន្លងមកនេះ ។
ដាក់ឱ្យប្រើប្រាស់ពីថ្ងៃទី៤ កក្កដា ឆ្នាំ១៩៩២ មកនាវាផ្ទុកយន្តហោះ GEORGE WASHINGTON គឺជានាវាទី៤ដែលដាក់ឈ្មោះនេះហើយ ស្ថិតក្នុងកងនាវាចរណ៍ទី៧របស់អាមេរិក ដែលធ្វើប្រតិបត្តិការនៅយូ៉កូស៊ូកា ប្រទេសជប៉ុន ។ មេបញ្ជាការរបស់នាវានោះគឺកាពីតែនGREG FENTON ដែលដឹកនាំក្រុមនាវិកដល់ទៅ ៥៥០០នាក់ ៕
ចែករំលែកព័តមាននេះ