ក្រុមហ៊ុនប្រេងបារាំង តូតាល់ កាលពីថ្ងៃទី២២ តុលា បានអញ្ជើញអតីតប្រមុខក្រុមហ៊ុន លោក Thierry Desmarest ធ្វើជាប្រធានក្រុមហ៊ុននោះវិញ ព្រមទាំងលោក Patrick Pouyanne ជាអគ្គនាយក សម្រាប់ជំនួសលោក Christophe De Margerie ប្រធានអគ្គនាយកដែលទទួលមរណភាព កាលពីថ្ងៃទី២០ តុលា នៅរុស្ស៊ី ក្នុងគ្រោះថ្នាក់យន្តហោះ ។
ក្រុមហ៊ុនប្រេងបារាំង តូតាល់ កាលពីថ្ងៃទី២២ តុលា បានអញ្ជើញអតីតប្រមុខក្រុមហ៊ុន លោក Thierry Desmarest ធ្វើជាប្រធានក្រុមហ៊ុននោះវិញ ព្រមទាំងលោក Patrick Pouyanne ជាអគ្គនាយក សម្រាប់ជំនួសលោក Christophe De Margerie ប្រធានអគ្គនាយកដែលទទួលមរណភាព កាលពីថ្ងៃទី២០ តុលា នៅរុស្ស៊ី ក្នុងគ្រោះថ្នាក់យន្តហោះ ។
ការសម្រេចចិត្តនោះត្រូវបានប្រកាន់យកក្នុងឱកាសនៃកិច្ចប្រជុំពិសេសមួយរបស់ក្រុមប្រឹក្សាភិបាលក្រុមហ៊ុន ។ លោក Thierry Desmarest អតីតមេរបស់លោក Christophe De Margerie ហើយជាប្រមុខរបស់តូតាល់ពីឆ្នាំ១៩៩៥ ដល់២០១០ ត្រូវបានតែងតាំងជាប្រធានក្រុមហ៊ុន ខណៈលោក Patrick Pouyanne រហូតមកទល់ពេលនេះទទួលបន្ទុកខាងសាខាចម្រាញ់ប្រេងកាត និងគីមី នឹងកាន់តំណែងជាអគ្គនាយក ។កាលពីឆ្នាំទៅមិញ ពេលលោក Desmarest ដល់ឆ្នាំកំណត់ឱ្យឈប់ធ្វើការក្នុងអាយុ៧០ឆ្នាំ គេគ្រោងឱ្យលោក Pouyanne ក្លាយជាប្រធានអគ្គនាយកតូតាល់ ក្នុងខែធ្នូ ឆ្នាំ២០១៥ ។
លោក Patrick Pouyanne អាយុ៥១ឆ្នាំ ត្រូវបានចាត់ទុកជាមនុស្សម្នាក់ដែលអាចជ្រើសតាំងជាអ្នកបន្តតំណែងពីលោក Christophe De Margerie ។គ្រួសារលោក Christophe De Margerie ក្នុងនោះមានកូនប្រុសរបស់លោក ឈ្មោះ Fabrice De Margerie បានមកកាន់ក្រុងមូស្គូ នាថ្ងៃទី២២ តុលា ដើម្បីនាំសពរបស់លោក មកកាន់ប្រទសបារាំង រួចសពរបស់លោកអាចបញ្ចុះនៅឃុំ Saint Pair-Sur-Mer ។ ពិធីបុណ្យសពជាផ្លូវការរបស់លោកត្រូវធ្វើនៅក្រុងប៉ារីស ប្រហែលចូលរួមដោយបណ្តាឥស្សរជននយោបាយ ។
នៅក្រុងមូស្គូ ការសុើបអង្កេតលើមូលហេតុនៃគ្រោះថ្នាក់យន្តហោះឯកជនដែលលោក Christophe De Margerie ជិះ សន្និដ្ឋានថា អ្នកបើករថយន្តសម្អាតព្រិលច្រឡំផ្លូវ ដោយបើកចូលក្នុងផ្លូវយន្តហោះរត់ឡើង ហើយពុំឃើញការមកដល់របស់យន្តហោះ ។ ចំណែកអយ្យការក្រុងបា៉រីស ក៏បើកការសុើបអង្កេតមួយពីការធ្វើឃាតមនុស្សដោយអចេតនាដែរ ហើយប្រគល់ភារកិច្ចនោះដល់ផ្នែកស្រាវជ្រាវរបស់ប៉ូលិសដឹកជញ្ជូនតាមអាកាស ។
ក្នុងជំហានដំបូង គណៈកម្មាធិការសុើបអង្កេតរុស្ស៊ី លើកឡើងពីការច្រឡំរបស់ពួកអ្នកប្តូរផ្លូវអាកាស និងអំពើរបស់អ្នកបើករថយន្តសម្អាតព្រិល ដែលបើកបរក្នុងស្ថានភាពស្រវឹងស្រា ។ គណៈកម្មាធិការនោះក៏លើកឡើងពីលក្ខខណ្ឌឧតុនិយមមិនល្អ មានព្យុះព្រិល និងពីកំហុសរបស់អ្នកបើកផងដែរ ។ក្នុងគ្រោះថ្នាក់យន្តហោះនេះ ក្រៅពីប្រមុខក្រុមហ៊ុនប្រេងតូតាល់ អ្នកបើក២នាក់ ព្រមទាំងបុគ្គលិកនៅកាប៊ីនយន្តហោះម្នាក់ ក៏ត្រូវស្លាប់ដែរ ។ គ្រោះថ្នាក់នេះ គឺដោយសារពេលយន្តហោះកំពុងរត់ឡើង កង់របស់វាបានបុកប៉ះរថយន្តសម្អាតព្រិលពេលរត់ក្នុងល្បឿនដល់ទៅ៣០០គីឡូម៉ែត្រក្នុងមួយម៉ោង ៕
ចែករំលែកព័តមាននេះ