ប៉ូលិសរាយការណ៍ថា បុរសប៉ាឡេស្ទីនម្នាក់បានបើករថយន្តរបស់គេបុករះមនុស្សម្នានៅឯស្ថានីយរថភ្លើងមួយនៃទីក្រុងហ្សេរុយសាឡឹម កាលពីថ្ងៃទី២២ តុលា ដោយសម្លាប់កូនង៉ែតម្នាក់ ហើយធ្វើឱ្យរបួសមនុស្ស៧នាក់ទៀត ។ នេះជាអំពើដែលគេសង្ស័យថា ជាការវាយប្រហារភេរវកម្មមួយ ។
លោកអាស៊ី អាហារូ៉នី អ្នកនាំពាក្យរបស់បូ៉លិសស្រុកហ្សេរុយសាឡឹមនិយាយថា នាវេលាម៉ោងប្រមាណជា១៨ ម៉ោងក្នុងស្រុក អ្នកបើករថយន្តឯកជនម្នាក់បានបើកបុកបណ្តាអ្នកដើេរនៅក្បែរស្ថានីយរថភ្លើងធុនស្រាលមួយនៅក្រុងហ្សេរុយសាឡឹម ។ ជនសង្ស័យមានបំណងចុះពីរថយន្តរត់គេចខ្លួន ក៏បុ៉ន្តែត្រូវបានប៉ូលិសម្នាក់បាញ់ឱ្យរបួសបញ្ជូនទៅមន្ទីរពេទ្យ ។ បុរសនេះឈ្មោះ អាប់ដែលរ៉ាហ៍ម៉ាន់ អាស៊ុលឌី ជាសមាជិកក្រុមហាម៉ាស់ប៉ាឡេស្ទីនម្នាក់ដែលមានអាយុ២១ឆ្នាំ ធ្លាប់ជាប់គុកអុីស្រាអែលពីបទរំលោភបំពានទាក់ទិនដល់សន្តិសុខ ៕
ចែករំលែកព័តមាននេះ