អង្គការក្រៅរដ្ឋាភិបាលមួយ គឺអង្គការ FONDATION DUI HUAN មានមូលដ្ឋាននៅសហរដ្ឋអាមេរិក រាយការណ៍កាលពីថ្ងៃទី២១ តុលាថា ប្រទេសចិនជាប្រទេសប្រហារជីវិតអ្នកទោសច្រើនជាងគេបំផុតលើពិភពលោកនោះ បានប្រហារជីវិតមនុស្ស២.៤០០នាក់ក្នុងឆ្នាំ២០១៣ ។
អង្គការក្រៅរដ្ឋាភិបាលមួយ គឺអង្គការ FONDATION DUI HUAN មានមូលដ្ឋាននៅសហរដ្ឋអាមេរិក រាយការណ៍កាលពីថ្ងៃទី២១ តុលាថា ប្រទេសចិនជាប្រទេសប្រហារជីវិតអ្នកទោសច្រើនជាងគេបំផុតលើពិភពលោកនោះ បានប្រហារជីវិតមនុស្ស២.៤០០នាក់ក្នុងឆ្នាំ២០១៣ ។
ក្នុងសេចក្តីប្រកាសមួយ អង្គការនេះបញ្ជាក់ថា ចំនួនអ្នកទោស២.៤០០នាក់ដែលត្រូវប្រហារជីវិតតំណាងឱ្យការចុះថយ២០% បើប្រៀបធៀបទៅនឹងឆ្នាំ២០១២ ហើយក៏ជាការចុះថយខ្លាំងដែរបើប្រៀបធៀបទៅនឹងចំនួនអ្នកទោសដែលប្រហារជីវិត១២.០០០នាក់កាលពីឆ្នាំ២០០២ ។
ជាការសម្ងាត់របស់រដ្ឋ ចំនួនមនុស្សដែលត្រូវប្រហារជីវិតនៅចិន ពុំត្រូវបានអាជ្ញាធរលាតត្រដាងឡើយ ។ ក៏បុ៉ន្តែយោងតាមអង្គការសិទ្ធិមនុស្សជាច្រើនថា ចិនជាប្រទេសដែលប្រហារជីវិតអ្នកទោសច្រើនជាងគេបំផុត ។យោងតាមអង្គការ AMNESTY INTERNATIONAL ថា សរុបមនុស្ស៧៧៨នាក់ត្រូវប្រហារជីវិតក្នុងឆ្នាំ២០១៣ ក្រៅពីប្រទេសចិន។ អង្គការនេះពុំបានផ្តល់ការវាយតម្លៃពីចំនួនអ្នកទោសត្រូវប្រហារជីវិតក្នុងប្រទេសចិនឡើយ ។
អង្គការ FONDATION DUI HUAN ថា បានទទួលតួលេខពីអ្នកទទួលខុសត្រូវរបស់តុលាការម្នាក់ ដែលអាចក្តាប់ពីចំនួនអ្នកទោសដែលប្រហារជីវិតក្នុងមួយឆ្នាំៗនៅចិន ៕
ចែករំលែកព័តមាននេះ