ចាប់តាំងពីថ្ងៃទី១៧ តុលាមក កងទ័ពប្រទេសស៊ុយអែតបានធ្វើប្រតិបត្តិការយោធាធំមួយនៅសមុទ្របាល់ទិក ដែលប្រទេសនេះថា តាមប្រមាញ់នាវាមុជទឹកបរទេសមួយគ្រឿង ។ជាមួយការបញ្ជូនកាលពីថ្ងៃទី១៨ តុលា នូវទាហាន២០០នាក់ បណ្តានាវាចម្បាំង និងនាវារកមីន ព្រមទាំងឧទ្ធម្ភាគចក្រទាំងឡាយបន្ថែមទៅកាន់តំបន់សមុទ្រនេះ វាជាប្រតិបត្តិការតាមរុករកដ៏ធំមួយរបស់ស៊ុយអែតពុំ
ចាប់តាំងពីថ្ងៃទី១៧ តុលាមក កងទ័ពប្រទេសស៊ុយអែតបានធ្វើប្រតិបត្តិការយោធាធំមួយនៅសមុទ្របាល់ទិក ដែលប្រទេសនេះថា តាមប្រមាញ់នាវាមុជទឹកបរទេសមួយគ្រឿង ។ជាមួយការបញ្ជូនកាលពីថ្ងៃទី១៨ តុលា នូវទាហាន២០០នាក់ បណ្តានាវាចម្បាំង និងនាវារកមីន ព្រមទាំងឧទ្ធម្ភាគចក្រទាំងឡាយបន្ថែមទៅកាន់តំបន់សមុទ្រនេះ វាជាប្រតិបត្តិការតាមរុករកដ៏ធំមួយរបស់ស៊ុយអែតពុំធ្លាប់មានចាប់តាំងពីក្រោយសង្គ្រាមត្រជាក់មក ។
ឧត្តមនាវី ANDERS GRENSTAD កាលពីល្ងាចថ្ងៃទី២០ តុលា ថ្លែងទៅកាន់សារព័ត៌មានថា នោះពុំមែនជានាវាមុជទឹករបស់យើងឡើយ តែជារបស់បរទេស ។ ឧត្តមនាវីរូបនោះថ្លែងបែបនេះក្រោយពីមានរូបថតមិនសូវច្បាស់មួយនៃនាវាមុជទឹក១គ្រឿងថតដោយអ្នកថតរូបម្នាក់មក ។ លោកបន្តថា ទោះបីរដ្ឋាភិបាល និងក្រសួងការពារប្រទេសនៅតែពុំលាតត្រដាងលើមូលហេតុនៃការដាក់ពង្រាយកម្លាំងបែបនេះ តែបណ្តាសារព័ត៌មានក្នុងស្រុកលើកឡើងពីការសង្ស័យលើវត្តមាននៃនាវាមុជទឹករុស្ស៊ី១គ្រឿងក្នុងតំបន់មួយស្ថិតនៅចម្ងាយ៥០គីឡូម៉ែត្រពីរាជធានីស៊ុយអែត ។
យោងតាមកាសែត SVENSKA DOGBLADET ថា ប្រតិបត្តិការយោធានេះរបស់ស៊ុយអែតធ្វើឡើងក្រោយពីសារតាមវិទ្យុទាក់ទងមួយជាភាសារុស្ស៊ីត្រូវចាប់បានភ្លាមៗ ។ ការបញ្ជូនសារឯទៀតៗត្រូវចាប់បានពេលចាប់ផ្តើមការតាមរុករកនៅត្រង់ចំណុចមួយនៃកោះស្តុកខូល និងទីក្រុងកាលីនីន ក្រាដ ដែលមានមូលដ្ឋានកងនាវាចរណ៍សមុទ្របាល់ទិករបស់រុស្ស៊ី ។
ទោះបីមានសេចក្តីរាយការណ៍ផ្សេងៗជុំវិញរឿងនេះរបស់សារព័ត៌មាននក្នុងស្រុកក៏ដោយ ក៏ឧត្តមនាវីស៊ុយអែតរូបនេះបញ្ជាក់ថា ប្រតិបត្តិការយោធារបស់យើងធ្វើឡើងបន្ទាប់ពីអ្នកដំណើរម្នាក់និយាយថា បានឃើញរបស់មួយដែលមនុស្សផលិតក្នុងដែនទឹកស៊ុយអែត ។ចំណែកក្រុងមូស្គូបានបដិសេធយ៉ាងម៉ឺងម៉ាត់ចំពោះរាល់វត្តមានរបស់នាវាខ្លួនក្នុងតំបន់នោះ។ ក្រសួងការពារប្រទេសរុស្ស៊ីនិយាយថា ពុំមានសភាពការណ៍មិនប្រក្រតីណាមួយឡើយ ហើយក៏គ្មានគ្រោះថ្នាក់ណាមួយរបស់បណ្តានាវារុស្ស៊ីក្នុងដែនទឹករបស់ស៊ុយអែតដែរ ។ទោះបីជាបែបណា កងទ័ពស៊ុយអែតនៅតែបន្តការតាមរុករករបស់ខ្លួនដែរ ៕
ចែករំលែកព័តមាននេះ