រដ្ឋមន្ត្រីការពារប្រទេសបារាំងលោក JEAN YVES LE DRIAN វាយតម្លៃកាលពីថ្ងៃទី១ តុលាថា ការចំណាយសម្រាប់ប្រតិបត្តិការយោធានៅក្រៅប្រទេសរបស់កងទ័ពបារាំង អាចមានខ្ទង់១,១ពាន់លានអឺរូ៉ក្នុងឆ្នាំ២០១៤ នេះ ។ នៅមុខគណៈកម្មការការពាររបស់សភាជាតិបារាំងលោក JEAN YVES គូសបញ្ជាក់ថា ការផ្គត់ផ្គង់ថវិកាសម្រាប់ប្រតិបត្តិការក្រៅប្រទេសរបស់បារាំងនឹងបង្កើន៤៥០លានអឺរ៉ូក្នុងឆ្នាំ២០១៥ គឺដូចក្នុងឆ្នាំ២០១៤ ដែរ ។
រដ្ឋមន្ត្រីការពារប្រទេសបារាំងលោក JEAN YVES LE DRIAN វាយតម្លៃកាលពីថ្ងៃទី១ តុលាថា ការចំណាយសម្រាប់ប្រតិបត្តិការយោធានៅក្រៅប្រទេសរបស់កងទ័ពបារាំង អាចមានខ្ទង់១,១ពាន់លានអឺរូ៉ក្នុងឆ្នាំ២០១៤ នេះ ។ នៅមុខគណៈកម្មការការពាររបស់សភាជាតិបារាំងលោក JEAN YVES គូសបញ្ជាក់ថា ការផ្គត់ផ្គង់ថវិកាសម្រាប់ប្រតិបត្តិការក្រៅប្រទេសរបស់បារាំងនឹងបង្កើន៤៥០លានអឺរ៉ូក្នុងឆ្នាំ២០១៥ គឺដូចក្នុងឆ្នាំ២០១៤ ដែរ ។
សម្រាប់ឆ្នាំ២០១៤នេះ ការចំណាយលើសកំពុងធ្វើការវាយតម្លៃ តែដូចខ្ញុំនិយាយរួចហើយកាលពីថ្ងៃទី៣១ សីហា ២០១៤ ការចំណាយលើសសម្រាប់ប្រតិបត្តិការក្រៅប្រទេសឡើងដល់៧៤៣លានអឺរូ៉ ហើយការចំណាយសរុបសម្រាប់ប្រតិបត្តិការនេះក្នុងឆ្នាំ២០១៤ អាចមានខ្ទង់១,១ពាន់លានអឺរូ៉ ។
កាលពីឆ្នាំ២០១៣ ការចំណាយសម្រាប់ប្រតិបត្តិការយោធាបារាំងនៅក្រៅប្រទេសមានជាង១,២ពាន់លានអឺរូ៉ ក៏បុ៉ន្តែឆ្នាំនេះអាចចុះថយដោយសារការដកថយរបស់កងទ័ពបារាំងនៅអាហ្វហ្គានីស្ថាន ។ ការចំណាយបែបនេះមាន៨៧៣លានអឺរូ៉កាលពីឆ្នាំ២០១២ និងដល់១,២៤ពាន់លានអឺរូ៉ក្នុងឆ្នាំ២០១១ ជាឆ្នាំនៃការធ្វើប្រតិបត្តិការនៅលីប៊ី និងនៅកូតឌីវ័រ ៕
ចែករំលែកព័តមាននេះ