ទីភ្នាក់ងារព័ត៌មានរ៉យទ័រផ្សាយថា កាលពីថ្ងៃទី៣០ កញ្ញា ក្រុមសិទ្ធិមនុស្សបានអំពាវនាវដល់សហភាពអឺរ៉ុប ដាក់គំនាបលើលោកប្រាយុទ្ធ ចាន់អូចា ប្រមុខរបបយោធាថៃ ឱ្យការពារសិទ្ធិមនុស្ស និងដឹកនាំតាមលទ្ធិប្រជាធិបតេយ្យឱ្យបានឆាប់ ខណៈឧត្តមសេនីយ៍រូបនេះ មានគម្រោងធ្វើទស្សនកិច្ចនៅអីុតាលី ដើម្បីចូលរួមប្រជុំកំពូលអាស៊ី-អឺរ៉ុប ASEM ។
ទីភ្នាក់ងារព័ត៌មានរ៉យទ័រផ្សាយថា កាលពីថ្ងៃទី៣០ កញ្ញា ក្រុមសិទ្ធិមនុស្សបានអំពាវនាវដល់សហភាពអឺរ៉ុប ដាក់គំនាបលើលោកប្រាយុទ្ធ ចាន់អូចា ប្រមុខរបបយោធាថៃ ឱ្យការពារសិទ្ធិមនុស្ស និងដឹកនាំតាមលទ្ធិប្រជាធិបតេយ្យឱ្យបានឆាប់ ខណៈឧត្តមសេនីយ៍រូបនេះ មានគម្រោងធ្វើទស្សនកិច្ចនៅអីុតាលី ដើម្បីចូលរួមប្រជុំកំពូលអាស៊ី-អឺរ៉ុប ASEM ។
ឧត្តមសេនីយ៍ប្រាយុទ្ធ មេដឹកនាំយោធាធ្វើរដ្ឋប្រហារមានគម្រោងទៅចូលរួមប្រជុំអាស៊ី-អឺរ៉ុប ក្នុងនាមជានាយករដ្ឋមន្ត្រី នៅទីក្រុងមីទ្បាន ប្រទេសអីុតាលី ពីថ្ងៃទី១៦ទៅ១៧ តុលាខាងមុខនេះ ។ សហរដ្ឋអាមេរិក និងសហភាពអឺរ៉ុប បានកាត់បន្ថយសកម្មភាពផ្នែកការទូតជាមួយថៃ ជាការប្រឆាំងរដ្ឋប្រហារផ្តួលរំលំ លោកស្រីយីងទ្បាក់ ស៊ីណាវ៉ាត្រា ជានាយករដ្ឋមន្ត្រីស្រីលើកដំបូងរបស់ថៃ ។ លោក ស៊ូណាយផាស៊ុក ទីប្រឹក្សាអង្គការសិទ្ធិមនុស្សប្រចាំប្រទេសថៃ បានបញ្ជាក់ប្រាប់រ៉យទ័រថា «សហភាពអឺរ៉ុប គួរតែប្រើឱកាសនេះ ដាក់សម្ពាធឱ្យបញ្ឈប់ការរំលោភបំពានសិទ្ធិមនុស្ស និងឱ្យមានការធានាថា ថៃនឹងឈានទៅរករបបប្រជាធិបតេយ្យ» ។
សហភាពអឺរ៉ុបបានពន្យារពេលការចុះហត្ថលេខារឹតចំណងសម្ព័ន្ធភាពផ្នែកនយោបាយ និងសេដ្ឋកិច្ចជាមួយថៃ រួមទាំងអំពាវនាវឱ្យថៃឈានទៅរករបបប្រជាធិបតេយ្យឱ្យបានឆាប់ ។ ក្រៅពីនេះ ពួកគេក៏បានផ្អាកការធ្វើទស្សនកិច្ចជាផ្លូវការរវាងគ្នានិងគ្នា ប៉ុន្តែមិនបានដាក់បំរាមការធ្វើដំណើររបស់មេរដ្ឋប្រហារទ្បើយ ។
ឧត្តមសេនីយ៍ប្រាយុទ្ធ អះអាងពីហេតុផលនៃការធ្វើរដ្ឋប្រហារថា ជាការងារចាំបាច់ដើម្បីទប់ស្កាត់ការបង្ហូរឈាម បន្ទាប់ពីពលរដ្ឋជិត៣០នាក់ ស្លាប់ក្នុងអំពើហិង្សានៃការធ្វើបាតុកម្ម ។ តំណាងរបស់សហភាពអឺរ៉ុបប្រចាំប្រទេសថៃ ថ្លែងដោយយោងតាមសេចក្តីថ្លែងការណ៍មួយថា លោកប្រាយុទ្ធ បានទទួលការអញ្ជើញឱ្យចូលរួមប្រជុំនៅអីុតាលី ក្នុងជំនួបកំពូលរបស់ ASEM ។ តំណាងរូបនេះនិយយាថា សមាជិករបស់ ASEM មានសិទ្ធិសម្រេចឱ្យតំណាងរបស់ថៃ ចូលរួមប្រជុំ ហើយយើងក៏បានអនុម័តផ្តល់ទិដ្ឋាការដល់មនុស្សគ្រប់រូប ។
រ៉យទ័របញ្ជាក់បន្តទៀតថា ឧត្តមសេនីយ៍ប្រាយុទ្ធ មានបំណងប្រើឱកាសប្រជុំនៅអីុតាលី ដើម្បីបង្កើតការយោគយល់ទាក់ទិននឹងការធ្វើរដ្ឋប្រហារ រួមទាំងផ្តល់ការធានាចំពោះអ្នកទេសចរ និងអ្នកវិនិយោគទុនបរទេសថា ថៃនឹងត្រទ្បប់ទៅរកលទ្ធិប្រជាធិបតេយ្យវិញ តាមរយៈការបោះឆ្នោតនៅឆ្នាំក្រោយ ។ចំណែកលោកយុ៉ងយុទ្ធ ម៉ាយទ្បាប អ្នកនាំពាក្យឧទ្ទកាល័យនាយករដ្ឋមន្ត្រីថ្លែងថា «លោកនាយករដ្ឋមន្ត្រីប្រាយុទ្ធ នឹងឆ្លៀតឱកាសនេះ ដើម្បីបញ្ជាក់ពីស្ថានការណ៍នយោបាយបច្ចុប្បន្ន» ។
ចែករំលែកព័តមាននេះ