រាជធានីភ្នំពេញ ៖ ជនសង្ស័យសកម្មខាងឆក់ម្នាក់ បានធ្វើសកម្មភាពឆក់កាបូបពីរស្រ្តីម្នាក់ខណៈជិះម៉ូតូជាមួយប្តីទៅទិញបន្លែពីផ្សារដើមគរ យកទៅលក់នៅផ្សារទួលសង្កែ ដែលបង្កឱ្យមានការភ្ញាក់ផ្អើលដល់ប្រជាពលរដ្ឋទាំងទាំងព្រឹកព្រលឹម ។ ហេតុការណ៍នេះកើតឡើងកាលពីវេលាម៉ោង ៥ព្រឹក ថ្ងៃទី ០១ តុលា ២០១៤
រាជធានីភ្នំពេញ ៖ ជនសង្ស័យសកម្មខាងឆក់ម្នាក់ បានធ្វើសកម្មភាពឆក់កាបូបពីរស្រ្តីម្នាក់ខណៈជិះម៉ូតូជាមួយប្តីទៅទិញបន្លែពីផ្សារដើមគរ យកទៅលក់នៅផ្សារទួលសង្កែ ដែលបង្កឱ្យមានការភ្ញាក់ផ្អើលដល់ប្រជាពលរដ្ឋដេញចាប់បានទាំងព្រឹកព្រលឹម ។ ហេតុការណ៍នេះកើតឡើងកាលពីវេលាម៉ោង ៥ព្រឹក ថ្ងៃទី ០១ តុលា ២០១៤ នៅចំណុចមុខមន្ទីរព្យាបាលមាត់-ធ្មេញ នៅតាមផ្លូវម៉ៅសេទុង កែងនិងផ្លូវ ១៣៨ ស្ថិតក្នុងសង្កាត់ទឹកល្អក់២ ខណ្ឌទួលគោក ។
ស្រ្តីរងគ្រោះមានឈ្មោះ សំ ម៉ា អាយុ៣១ឆ្នាំ ហើយប្តីឈ្មោះ សេន សារ៉ន អាយុ៣៤ឆ្នាំ ទាំងពីរនាក់ប្តីប្រពន្ធរស់នៅក្នុងសង្កាត់បឹងសាឡាង ចំណែកជនសង្ស័យឈ្មោះ មាស សុធា ភេទប្រុស អាយុ១៧ឆ្នាំ ស្នាក់នៅខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុជនរងគ្រោះពីរនាក់ប្តីប្រពន្ធជិះម៉ូតូមួយគ្រឿង ម៉ាក វ៉េវ ពណ៌ខ្មៅ ពាក់ស្លាកលេខភ្នំពេញ 1CN-5848 ឌុបគ្នាទៅទិញបន្លែនៅផ្សារដើមគរយកទៅលក់នៅផ្សារទួលសង្កែ ដោយធ្វើដំណើរតាមផ្លូវម៉ៅសេទុងក្នុងទិសដៅ ពីជើងទៅត្បូង ខណៈមកដល់ចំណុចកើតហេតុ ក៏មានជនសង្ស័យម្នាក់ជិះម៉ូតូមួយគ្រឿង ម៉ាក ហុងដាឌ្រីម សេ១២៥ ស៊េរីឆ្នាំ២០១០ ពណ៌ខ្មៅអត់មានស្លាកលេខ បានជិះមកក្បែរម៉ូតូពីរនាក់ប្តីប្រពន្ធនោះរួចធ្វើសកម្មភាពឆក់កាបូបពីស្រ្តីជាប្រពន្ធ តែស្រ្តីរូបនោះបានទាញកាបូបពីជនសង្ស័យមកវិញ ធ្វើឱ្យដួលម៉ូតូ ហើយបុរសជាប្តីបានទៅដកសោ ម៉ូតូរបស់ជនសង្ស័យទុក ពេលនោះជនសង្ស័យបានរត់គេចខ្លួន ហើយក៏ត្រូវបានប្រជាពលរដ្ឋឃាត់ខ្លួនបាន ។ បន្ទាប់មកសមត្ថកិច្វបានមកដល់ក៏បានឱ្យជនសង្ស័យឡើងជិះលើម៉ូតូទៅប៉ុស្តិ៍ប៉ូលិសជាមួយដើម្បីសួរនាំ ហើយពេលដែលទៅដល់មុខប៉ុស្តិ៍នគរបាលរដ្ឋបាលទឹកល្អក់២ ជនសង្ស័យបានខាំដៃសមត្ថកិច្ចមុតហូរឈាម រូចលោតចុះពីលើម៉ូតូបំរុងរត់គេចខ្លួនតែសមត្ថកិច្ចដេញចាប់មកវិញបានដោយមានការប្រតាយប្រតប់គ្នាផងដែរ ។
ក្រោយឃាត់ខ្លួន សមត្ថកិច្ចដកហូតបានស្លាកលេខស្លាកលេខម៉ូតូ នគរបាល1-8080 ជាស្លាកលេខក្លែងក្លាយដែលជនសង្ស័យរូបនេះលាក់ទុកក្នុងអាវ និងស្លាកលេខម៉ូតូ បាត់ដំបង1H-8080 ដែនជនសង្ស័យលាក់ទុកក្នុងកែបម៉ូតូ រួមជាមួយអាឌីមួយ ទូរស័ព្ទ៣គ្រឿង លុយមួយចំនួន ។ពេលនេះសមត្ថកិច្ចកំពុងធ្វើការសាកសួរនិងកសាងសំណុំរឿងចាត់ការតាមនិតិវិធីច្បាប់ ។
ចែករំលែកព័តមាននេះ