ខេត្តស្វាយរៀង ៖ ឃាដកម្មដ៏សាហាវឃោរឃៅមួយ ខណៈយុវជនម្នាក់ស្លាប់យ៉ាងអណោចអាធ័មក្នុងថ្លុកឈាម បន្ទាប់ពីត្រូវក្រុមជនពាលព្រួតគ្នាចាក់ប្រហារជាច្រើនកាំបិត បណ្តាលឱ្យធ្លាយពោះវៀនចេញមកក្រៅ ហូរឈាមក្រហមច្រាលនៅលើដីគួរឱ្យញាក់សាច់ ។
ករណីឃាដកម្មនេះកើតឡើងកាលពីវេលាម៉ោង១១ ទៅម៉ោង១២ពាក់កណ្ដាលអធ្រាត្រថ្ងៃទី១៩ កញ្ញា ២០១៤ ស្ថិតនៅចំណុចខាងមុខបន្ទប់ទឹកសាលាបឋមសិក្សា៧មករា ក្នុងភូមិឡ សង្កាត់ពោធិតាហោ ក្រុងស្វាយរៀង ។
ប្រភពបានឱ្យដឹងថា ជនរងគ្រោះឈ្មោះដួង វណ្ណថា អាយុ២៧ឆ្នាំ មានទីលំនៅក្នុងភូមិកើតហេតុខាងលើ ។
ប្រភពបន្តថា មុនពេលកើតហេតុនៅវេលាម៉ោង២រសៀលថ្ងៃដដែល គេឃើញជនរងគ្រោះផឹកស៊ីជាមួយក្រុមមិត្តភក្តិ៤-៥នាក់ នៅផ្ទះខាងកើតវត្តពាធិ៍ឧត្តម ហៅពោធិតាហោ រហូតដល់យប់ លុះម៉ោងកើតហេតុ ក៏មានក្រុមក្មេងពាលដេញវាយ និងកាប់ចាក់គ្នាក្នុង
បរិវេណសាលាបឋមសិក្សា៧មករា ពេលនគបាលសង្កាត់ពោធិតាហោមកអន្តរាគមន៍ ពួកជនពាល ក៏រត់គេចបាត់អស់ ។ លុះព្រឹកវេលាម៉ោង៥ និង៣០នាទីថ្ងៃទី២០ កញ្ញា ២០១៤ ក៏មានអ្នកដើរហាត់ប្រាណបានប្រទះឃើញសពជនរងគ្រោះដេកស្លាប់នៅក្នុងថ្លុកឈាមគួរឱ្យសង្វេគ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ