យោងតាមបណ្តាអ្នកទទួលខុសត្រូវអីុរ៉ាក់ និងប្រភពព័ត៌មានខាងសន្តិសុខថា មនុស្សប្រមាណជា១០៥នាក់បានត្រូវស្លា.ប់ និង៧៩នាក់ទៀតត្រូវរបួស កាលពីថ្ងៃទី១៨ កញ្ញា នៅអីុរ៉ាក់ ដោយសារការវាយប្រហារតាមអាកាសទាំងឡាយរបស់អាមេរិក និងការប៉ះទង្គិចគ្នានានារវាងកងកម្លាំងសន្តិសុខអីុរ៉ាក់ និងពួកបះបោរ ក្នុងនោះរួមមានទាំងក្រុមរដ្ឋអ៊ិស្លាមផងដែរ ។
យោងតាមបណ្តាអ្នកទទួលខុសត្រូវអីុរ៉ាក់ និងប្រភពព័ត៌មានខាងសន្តិសុខថា មនុស្សប្រមាណជា១០៥នាក់បានត្រូវស្លាប់ និង៧៩នាក់ទៀតត្រូវរបួស កាលពីថ្ងៃទី១៨ កញ្ញា នៅអីុរ៉ាក់ ដោយសារការវាយប្រហារតាមអាកាសទាំងឡាយរបស់អាមេរិក និងការប៉ះទង្គិចគ្នានានារវាងកងកម្លាំងសន្តិសុខអីុរ៉ាក់ និងពួកបះបោរ ក្នុងនោះរួមមានទាំងក្រុមរដ្ឋអ៊ិស្លាមផងដែរ ។
កាលពីព្រឹកថ្ងៃទី១៨ កញ្ញា បណ្តាយន្តហោះចម្បាំងអាមេរិក បានទម្លាក់គ្រាប់បែកលើមជ្ឈមណ្ឌលហ្វឹកហ្វឺនមួយរបស់ក្រុមរដ្ឋអ៊ិស្លាម ស្ថិតក្នុងសាលាកសិកម្មមួយនៃតំបន់ហាម៉ាបអាល់ អាលីសចម្ងាយប្រមាណ២៥គ.ម ខាងត្បូងក្រុងម៉ូសស៊ូលទីប្រជុំជនខេត្តនីនីវ ដោយសម្លាប់ជនសកម្មប្រយុទ្ធ៥៩នាក់ និងធ្វើឱ្យរបួសប្រមាណជា៧០នាក់ទៀត ។ នេះជាការអះអាងរបស់ប្រធានគណៈកម្មាធិការ សន្តិសុខនៃក្រុមប្រឹក្សាខេត្តនីនីវ ។
មានការវាយប្រហារតាមអាកាសដទៃៗទៀតរបស់កងយន្តហោះអាមេរិកប្រឆាំងពួកយុទ្ធជននៃក្រុមរដ្ឋអ៊ិស្លាមនៅខេត្តនីនីវ ក៏ប៉ុន្តែពុំទាន់មានសេចក្តីរាយការណ៍ភ្លាមៗពីជនរងគ្រោះនៅឡើយ ។ នៅខេត្តសាឡាហ៍ អាល់ឌីន ពួកយុទ្ធជននៃក្រុមរដ្ឋអ៊ិស្លាមជាច្រើនសិបនាក់ដែលកាន់កាប់មួយផ្នែកនៃទីក្រុង DHULUTYAH ចម្ងាយប្រមាណជា៩០គ.មខាងជើងក្រុងបាដាដ បានបើកការវាយប្រហារមួយ កាលពីថ្ងៃទី១៨ កញ្ញា ប្រឆាំងផ្នែកខាងត្បូងនៃទីក្រុងនោះ ដែលស្ថិតក្រោមការត្រួតត្រារបស់កុលសម្ព័ន្ធស៊ុននីត JUBOUR ។ កងទ័ពអីុរ៉ាក់ រួមជាមួយបណ្តាសមាជិកកុលសម្ព័ន្ធនេះបានប្រយុទ្ធតតាំងជាមួយពួកអ្នកវាយប្រហារ បណ្តាលឱ្យទាហានម្នាក់ស្លាប់ ហើយសមាជិកកុលសម្ព័ន្ធ៤នាក់ត្រូវរបួស ។
នៅខេត្តឌីយ៉ាឡា កងកម្លាំងសន្តិសុខគាំទ្រដោយពួកយុទ្ធជនស៊ីអីុតបានសម្លាប់មេដឹកនាំមូលដ្ឋាន២នាក់របស់ក្រុមរដ្ឋអ៊ិស្លាម និងយុទ្ធជនក្រុមនោះប្រមាណជា២០នាក់ក្នុងការប៉ះទង្គិចគ្នាដែលកើតមាននៅភូមិ SHIRWEEN និងភូមិ SANSAL ក្បែរទីក្រុង MANSOURIYAH ចម្ងាយប្រមាណជា ១០០គ.ម ភាគឦសានក្រុងបាដាដ ។
ចំណែកនៅប្រទេសស៊ីរីវិញ ពួកយុទ្ធជនក្រុមរដ្ឋអ៊ិស្លាមវាយដណ្តើមយកបានភូមិពួកឃើតដល់ទៅ២០ នៅភាគខាងជើងស៊ីរី ហើយឡោមព័ទ្ធទីក្រុងអៃអីុន អាល់អារ៉ាប ស្ថិតនៅជាប់ព្រំដែនជាមួយតួកគី ។ យោងតាមអង្គការសិទ្ធិមនុស្សស៊ីរី OSDH ថា ពួកជីហាដនិយម បានប្រើប្រាស់បណ្តាអាវុធធុនធ្ងន់ កាំភ្លើងបាញ់គ្រាប់រុ៉កក្កែត និងរថក្រោះក្នុងការវាយលុក ។
ចំណែកប្រធានាធិបតីអាមេរិក លោក បារ៉ាក់ អូបាម៉ា វិញ លែងមានឧបសគ្គទៀតហើយក្នុងការពង្រីកប្រតិបត្តិការវាយប្រហារតាមអាកាសក្នុងការតស៊ូប្រឆាំងក្រុមរដ្ឋអ៊ិស្លាម ដោយកាលពីថ្ងៃទី១៨ កញ្ញា ព្រឹទ្ធសភាក៏បានអនុម័តផែនការផ្តល់ជំនួយដល់ពួកឧទ្ទាមស៊ីរីនិយមកណ្តាលដែរ ។ បែបនេះជាការផ្តល់ការគាំទ្រពេញលេញរបស់សភាដល់យុទ្ធសាស្ត្ររបស់ប្រធានាធិបតីអាមេរិកក្នុងការប្រឆាំងក្រុមរដ្ឋអ៊ិស្លាមទាំងនៅអីុរ៉ាក់ទាំងនៅស៊ីរី ។
រីឯប្រធានាធិបតីបារាំង លោក ហ្វ្រង់ស្វ័រ ហូឡង់ វិញ ឱ្យដឹងកាលពីថ្ងៃទី១៨ កញ្ញា ថា បារាំងត្រៀមផ្តល់ការទ្រទ្រង់តាមអាកាសនៅអីុរ៉ាក់ តែពុំបញ្ជូនកងទ័ពជើងគោកទៅកាន់ទីនោះឡើយ ៕
ចែករំលែកព័តមាននេះ