ការបោះប្រជាមតិស្តីពីឯករាជ្យភាពរបស់តំបន់អេកូស ឬស្កុតឡែន បានបើកធ្វើជាផ្លូវការ កាលពីព្រឹកថ្ងៃទី១៨ កញ្ញា ដោយពលរដ្ឋអេកូស បាននាំគ្នាទៅកាន់ការិយាល័យបោះឆ្នោតទាំងឡាយដើម្បីឆ្លើយសំនួរថា តើអេកូសត្រូវជាប្រទេសឯករាជ្យមួយឬយ៉ាងណា ?
ការិយាល័យបោះប្រជាមតិបើកទ្វារចាប់ពីម៉ោង៧ព្រឹកម៉ោងក្នុងស្រុកទៅរហូតដល់ម៉ោង២២ ហើយប្រជាជនត្រូវសម្រេចថា ព្រមឬមិនព្រមចំពោះឯករាជ្យភាពរបស់អេកូសដាច់ពីអង់គ្លេស ។ អត្រាអ្នកចូលរួមបោះប្រជាមតិនេះអាចមានដល់៨៨% ។
នេះជាការបោះប្រជាមតិលើកដំបូងស្តីពីឯករាជ្យភាពរបស់អេកូស ក្នុងប្រវត្តិសាស្ត្ររបស់ចក្រភពអង់គ្លេស ។ ពុំមាននរណាអាចព្យាករណ៍លើលទ្ធផលនៃការបោះប្រជាមតិនេះឡើយ ដោយលទ្ធផលត្រូវប្រកាសនាព្រឹកថ្ងៃទី១៩ កញ្ញា ខណៈការស្ទាបស្ទង់មតិចុងក្រោយទាំងឡាយអ្នកយល់ព្រមនិងអ្នកមិនយល់ព្រមមានអត្រាប្រហាក់ប្រហែលគ្នា ៕
ចែករំលែកព័តមាននេះ