មានការរញ្ជួយដីខ្លាំងមួយកាលពីថ្ងៃទី១៥ កញ្ញា នៅភាគខាងជើងក្រុងតូក្យូ ញ៉ាំងឱ្យអគារខ្ពស់ និងផ្ទះទាំងឡាយញ័ររង្គើ ។យោងតាមទីភ្នាក់ងារឧតុនិយមជាតិជបុ៉នថា ចំណុចកណ្តាលនៃការរញ្ជួយដីកម្លាំង៥,៦វីស្ទ័រនោះស្ថិតនៅផ្នែកខាងត្បូងនៃក្រុងអុីបារ៉ាគី។ ភាគកណ្តាលក្រុងតូក្យូ ជាកន្លែងមានការញ័ររង្គើខ្លាំងជាងគេ ។ អាជ្ញាធរមូលដ្ឋានថ្លែងថា ពុំមានគ្រោះថ្នាក់នៃស៊ូណាមី ហើយក៏ពុំទាន់មាន
មានការរញ្ជួយដីខ្លាំងមួយកាលពីថ្ងៃទី១៥ កញ្ញា នៅភាគខាងជើងក្រុងតូក្យូ ញ៉ាំងឱ្យអគារខ្ពស់ និងផ្ទះទាំងឡាយញ័ររង្គើ ។យោងតាមទីភ្នាក់ងារឧតុនិយមជាតិជបុ៉នថា ចំណុចកណ្តាលនៃការរញ្ជួយដីកម្លាំង៥,៦វីស្ទ័រនោះស្ថិតនៅផ្នែកខាងត្បូងនៃក្រុងអុីបារ៉ាគី។ ភាគកណ្តាលក្រុងតូក្យូ ជាកន្លែងមានការញ័ររង្គើខ្លាំងជាងគេ ។ អាជ្ញាធរមូលដ្ឋានថ្លែងថា ពុំមានគ្រោះថ្នាក់នៃស៊ូណាមី ហើយក៏ពុំទាន់មានសេចក្តីរាយការណ៍ពីការខូចខាតក្នុងពេលភ្លាមៗដែរ រួចយើងកំពុងធ្វើការត្រួតពិនិត្យ ។
ការញ័ររញ្ជួយដំបូង គឺនាវេលាម៉ោង១២កន្លះ ម៉ោងក្នុងស្រុក ហើយមានការញ័ររញ្ជួយខ្លាំងមួយចំនួនទៀត ។ បណ្តាទីតាំងថាមពលនុយក្លេអ៊ែរនាគ្រាដំបូងពុំទាន់ឃើញមានអ្វីខុសប្លែកពីធម្មតាឡើយ ។ ការធ្វើចរាចរណ៍ផ្លូវដែករវាងក្រុងតូក្យូ និងក្រុងហ្វូគូស៊ីម៉ា បានផ្អាកជាបន្ទាន់ដើម្បីត្រួតពិនិត្យមើលផ្លូវដែក ហើយបន្ទាប់មកមានសកម្មភាពឡើងវិញដោយឆាប់រហ័ស ។ប្រជាជនរស់នៅតំបន់ក្បែរចំណុចកណ្តាលនៃការរញ្ជួយដីនេះនិយាយថា ប្រព័ន្ធប្រកាសអាសន្នរបស់ទីភ្នាក់ងារឧតុនិយមមានប្រសិទ្ធភាពដោយបញ្ចេញការប្រកាសអាសន្នស្ទើរដំណាលគ្នា ៕
ខាន់ សុឃន
SOPHONN20140916_958_24002
រូប Sep16/11 ក្រុងតូក្យូថតពីលើអាកាស
រូប Sep16/12 សិស្សជ្រកក្រោមតុពេលមានការរញ្ជួយដី
កែ
ចែករំលែកព័តមាននេះ