ក្រុមហ៊ុនរុស្ស៊ី UTAIR ដែលជួលឧទ្ធម្ភាគចក្រឱ្យអង្គការសហប្រជាជាតិ ប្រកាសថា ឧទ្ធម្ភាគចក្រអង្គការសហប្រជាជាតិមួយគ្រឿង ត្រូវបានបា.ញ់ធ្លាក់កាលពីថ្ងៃទី២៦ សីហា នៅស៊ូដង់ខាងត្បូង ហើយសមាជិកក្រុមយានិក៣នាក់ត្រូវស្លា.ប់ ។ ក្នុងសេចក្តីប្រកាសមួយ ក្រុមហ៊ុននោះនិយាយថា យោងតាមព័ត៌មានដំបូងនានាថា ឧទ្ធម្ភាគចក្រនោះត្រូវបានបា.ញ់ធ្លាក់ដោយសារមីសុីលដី-
ក្រុមហ៊ុនរុស្ស៊ី UTAIR ដែលជួលឧទ្ធម្ភាគចក្រឱ្យអង្គការសហប្រជាជាតិ ប្រកាសថា ឧទ្ធម្ភាគចក្រអង្គការសហប្រជាជាតិមួយគ្រឿង ត្រូវបានបាញ់ធ្លាក់កាលពីថ្ងៃទី២៦ សីហា នៅស៊ូដង់ខាងត្បូង ហើយសមាជិកក្រុមយានិក៣នាក់ត្រូវស្លាប់ ។ ក្នុងសេចក្តីប្រកាសមួយ ក្រុមហ៊ុននោះនិយាយថា យោងតាមព័ត៌មានដំបូងនានាថា ឧទ្ធម្ភាគចក្រនោះត្រូវបានបាញ់ធ្លាក់ដោយសារមីសុីលដី-អាកាស ខណៈពេលកំពុងហោះហើរកាត់ពីលើចំណុចក្តៅមួយនៃជម្លោះដែលផ្ទុះឡើងចាប់តាំងពីជិត៩ខែមកហើយ ។ សមាជិកក្រុមយានិក២នាក់របស់ឧទ្ធម្ភាគចក្រនោះនៅរស់រានមានជីវិត ហើយបញ្ជូនទៅមន្ទីរពេទ្យដោយគ្រាន់តែមានរបួសស្រាល ។ សមាជិកក្រុមយានិកឯទៀតៗ ត្រូវស្លាប់ក្នុងនោះមានមេបញ្ជាការ អ្នកមេកានិក និងសហអ្នកបើក ។
បេសកកម្មអ.ស.ប នៅស៊ូដង់ខាងត្បូង Minuss អះអាងពីតុល្យការនោះ ។ យោងតាមអ្នកនាំពាក្យរបស់ស្ថានទូតរុស្ស៊ីប្រចាំស៊ូដង់ថា សមាជិកក្រុមយានិក៤នាក់នៃឧទ្ធម្ភាគចក្រនោះ ជាជនជាតិរុស្ស៊ី ។ ឧទ្ធម្ភាគចក្រធុន MI-8 នោះ បានធ្លាក់នៅកន្លែងមួយចម្ងាយ១០គីឡូម៉ែត្រ ពីទីក្រុង Bentiu រដ្ឋធានីនៃរដ្ឋប្រេង UNITE ស្ថិតនៅភាគខាងជើងស៊ូដង់ខាងត្បូង ក្នុងពេលបំពេញបេសកកម្មដឹកជញ្ជូនទំនិញ ៕
ចែករំលែកព័តមាននេះ