អ្នកវិទ្យាសាស្ត្រនិយាយថា ផ្លែប៉េងបោះអាចជួយផ្ដល់នូវការការពារយ៉ាងពិសេសចំពោះស្បែក ដោយជួយរក្សាឱ្យក្មេងជាងវ័យនិងមានសុវត្ថិភាពគេចផុតពីការបំផ្លាញដោយពន្លឺថ្ងៃ ។ ការធ្វើតេស្តបានបង្ហាញថា ទទួលទានទឹកខាប់ៗរបស់ប៉េងប៉ោះ អាចជួយការពារប្រឆាំងនឹងការរលាកដោយកំដៅថ្ងៃ ព្រមទាំងទប់ស្កាត់ភាពចាស់ទៅតាមអាយុរបស់ស្បែកដែលបង្កដោយការត្រូវពន្លឺថ្ងៃខ្លាំង ។
អ្នកវិទ្យាសាស្ត្រនិយាយថា ផ្លែប៉េងបោះអាចជួយផ្ដល់នូវការការពារយ៉ាងពិសេសចំពោះស្បែក ដោយជួយរក្សាឱ្យក្មេងជាងវ័យនិងមានសុវត្ថិភាពគេចផុតពីការបំផ្លាញដោយពន្លឺថ្ងៃ ។ ការធ្វើតេស្តបានបង្ហាញថា ទទួលទានទឹកខាប់ៗរបស់ប៉េងប៉ោះ អាចជួយការពារប្រឆាំងនឹងការរលាកដោយកំដៅថ្ងៃ ព្រមទាំងទប់ស្កាត់ភាពចាស់ទៅតាមអាយុរបស់ស្បែកដែលបង្កដោយការត្រូវពន្លឺថ្ងៃខ្លាំង ។ លីកូប៉ែន(Lycopene)ត្រូវគេជឿថា ជាសមាសធាតុដ៏សំខាន់របស់ប៉េងប៉ោះ ។
ជាពណ៌ពីធម្មជាតិដែលធ្វើឱ្យប៉េងប៉ោះ មានពណ៌ក្រហមស្រស់។ វាជាសមាសធាតុប្រឆាំងនឹងអុកស៊ីដកម្មដ៏មានកម្លាំងខ្លាំងក្លា ។ សមាសធាតុនេះអាចកាត់បន្ថយការឆ្លើយតបនឹងការរលាកដោយកាំរស្មីយូវីតាមរយៈការប្រឆាំងនឹងម៉ូលេគុលដែលបង្កឱ្យគ្រោះថ្នាក់ដែលត្រូវបានផលិតនៅក្នុងស្បែក ។ ការបំផ្លាញដោយកាំរស្មីយូវីមានដូចជា ស្បែកឆាប់ជ្រីវជ្រួញមុនអាយុ និងស្បែកកើតមហារីកជាដើម ។
ទោះជាយ៉ាងណា លទ្ធផលលើកនេះគេធ្វើពិសោធលើមនុស្សស្រីតែ២០នាក់និងចំណាយពេលត្រឹមតែ ១២សប្តាហ៍ប៉ុណ្ណោះ ។
ចំណែកការសិក្សាមួយផ្សេងទៀតបានរកឃើញថា ទទួលទានផ្លែប៉េងប៉ោះឆ្អិនក៏ផ្តល់ផលប្រយោជន៍ដល់សុខភាពផងដែរ ។ ការសិក្សាបានបង្ហាញថា សារធាតុគីមីដែលមាននៅក្នុងផ្លែប៉េងប៉ោះចម្អិនគឺមានប្រសិទ្ធភាពដូចជាថ្នាំបញ្ចុះខ្លាញ់ក្នុងឈាមផងដែរ ដោយវាអាចជួយទប់ស្កាត់និងប្រឆាំងនឹងខ្លាញ់កូឡេស្តេរ៉ូល(Cholesterol)បាន។
បណ្តាអ្នកវិទ្យាសាស្ត្របាននិយាយថាផ្លែប៉េងប៉ោះចម្អិនមានប្រសិទ្ធភាពដូចជាថ្នាំStatinsសម្រាប់អ្នកជំងឺដែលមានCholesterolនិងសម្ពាធឈាមខ្ពស់ ។ ទទួលទានប៉េងប៉ោះត្រឹមទម្ងន់៥៦,៧០ក្រាមក្នុងមួយថ្ងៃគឺគ្រប់គ្រាន់អាចជួយការពារអ្នកជំងឺជាច្រើន ។ សារធាតុលីកូប៉ែន(Lycopene)ដែលធ្វើឱ្យផ្លែប៉េងប៉ោះទុំមានពណ៌ក្រហមភ្លឺថ្លាគឺជាគន្លឹះដ៏សំខាន់។ លីកូប៉ែនជាសារធាតុប្រឆាំងអុកស៊ីដកម្មដ៏មានប្រសិទ្ធភាពបំផុត ។ វាមានសារៈសំខាន់ខ្លាំងជួយទ្រទ្រង់សុខភាពរបស់អ្នកទទួលទាន តួយ៉ាងដូចជា ជួយកាត់បន្ថយអត្រាប្រឈមនឹងជំងឺគាំងបេះដូងឬក៏ជំងឺដាច់សរសៃឈាមខួរក្បាលជាដើម ។ផ្លែប៉េងប៉ោះដែលចម្អិនរួចគឺផ្តល់ផលល្អបំផុតចំពោះសុខភាព ខណៈការធ្វើតេស្តបានបង្ហាញឱ្យឃើញថា រាងកាយរបស់មនុស្សអាចស្រូបយកសារធាតុលីកូប៉ែនបានយ៉ាងល្អជាងកាលពីវានៅឆៅ ។
អ្នកស្រីវេជ្ជបណ្ឌិតការីន រ៉ាយមកពីសាកលវិទ្យាល័យ University of Adelaideប្រទេសអូស្ត្រាលីបាននិយាយថា ផ្លែប៉េងប៉ោះមានសារធាតុលីកូប៉ែនក្នុងកម្រិតមួយយ៉ាងខ្ពស់ជាពិសេស។ តាមការចុះផ្សាយនៅក្នុងកាសែតMaturitas អ្នកស្រីបានបន្ថែមថា ផឹកទឹកប៉េងប៉ោះកន្លះលីត្រឬទទួលទានប៉េងប៉ោះកិនដាក់កំប៉ុងចំណុះ៥០ក្រាមនឹងផ្តល់អត្ថប្រយោជន៍ចំពោះបេះដូង ប៉ុន្តែលោកស្រីបានបញ្ជាក់ថា ការទទួលទានត្រឹមតែ១ផ្លែក្នុងមួយថ្ងៃគឺមិនទាន់គ្រប់គ្រាន់ឡើយ ។
សូមបញ្ជាក់ថា សារធាតុលីកូប៉ែនក៏ត្រូវបានរកឃើញមាននៅក្នុងផ្លែឪឡឹក ផ្លែត្របែក ផ្លែល្ហុង ផ្លែទំពាំងបាយជូរក្រហមព្រលែត ផ្លែអាព្រីខុត(ស្រដៀងនិងផ្លែប៉ោមមានគ្រាប់កណ្តាល)និងផ្លែ Rosehipជាដើម ៕
ចែករំលែកព័តមាននេះ