ខេត្តកំពង់ចាម ៖ ស្ត្រីមានផ្ទៃពោះគ្រប់ខែម្នាក់ឈ្មោះ ថន ម៉ៅ អាយុ៣៨ឆ្នាំ រស់នៅក្នុងភូមិជីរោទ៍ក្រោម ឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំ បានឈឺពោះឆ្លងទន្លេកណ្តាលផ្លូវលើស្ពានគីហ្សុ៊ណា ខណៈជិះម៉ូតូមកកាន់មន្ទីរពេទ្យ ។ េហតុការណ៍ធ្វើឱ្យមានការភ្ញាក់ផ្អើលនេះ បានកើតឡើងកាលពីវេលាម៉ោង៩និង២៥នាទីព្រឹក ថ្ងៃទី២១ សីហា
ខេត្តកំពង់ចាម ៖ ស្ត្រីមានផ្ទៃពោះគ្រប់ខែម្នាក់ឈ្មោះ ថន ម៉ៅ អាយុ៣៨ឆ្នាំ រស់នៅក្នុងភូមិជីរោទ៍ក្រោម ឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំ បានឈឺពោះឆ្លងទន្លេកណ្តាលផ្លូវលើស្ពានគីហ្សុ៊ណា ខណៈជិះម៉ូតូមកកាន់មន្ទីរពេទ្យ ។ េហតុការណ៍ធ្វើឱ្យមានការភ្ញាក់ផ្អើលនេះ បានកើតឡើងកាលពីវេលាម៉ោង៩និង២៥នាទីព្រឹក ថ្ងៃទី២១ សីហា តែជាគ្រោះអកុសលទារកដែលកើតមកនោះបានស្លាប់ ចំណែកម្តាយត្រូវបានសមត្ថកិច្ចនាំទៅសង្គ្រោះនៅមន្ទីរពេទ្យបង្អែកខេត្ត ហើយគ្រូពេទ្យបានជួយរួចផុតពីគ្រោះថ្នាក់ដល់អាយុជីវិត ។
លោក អោម ម៉ុងទុយលីប មន្ត្រីនគរបាលការពារស្ពានគីហ្សុ៊ណាបានឱ្យដឹងថា ស្ត្រីមានផ្ទៃពោះរូបនេះបានជិះម៉ូតូមួយគ្រឿងឆ្លងស្ពានគីហ្សុ៊ណាពីកើតទៅលិចដោយមានប្តីជាអ្នកឌុប។ លុះពេលមកដល់ជិតពាក់កណ្តាលស្ពាន ដោយប្រពន្ធឈឺពោះខ្លាំងពេកក៏កើតលើម៉ូតូតែម្តង ហើយប្តីបានឈប់ម៉ូតូលើកប្រពន្ធដាក់អែបបង្កាន់ដៃស្ពាន រួចប្រញាប់ជិះទៅហៅឆ្មបបុរាណខ្មែរ នៅភូមិរបស់ខ្លួនឱ្យមកជួយដែលមានចម្ងាយប្រមាណ៧គីឡូមែ៉ត្រ ។ មន្ត្រីនគរបាលដដែលឱ្យដឹងទៀតថា ពេលឃើញបែបនេះលោកបានរាយការណ៍ទៅលោកស្នងការនគរបាលខេត្ត និងបានឱ្យរថយន្តសង្គ្រោះមកដឹកស្ត្រីជាម្តាយទៅកាន់មន្ទីរពេទ្យបង្អែកខេត្ត ។ ជាអកុសល ទារកដែលប្រសូតមកនោះបានស្លាប់ ហើយត្រូវបានឪពុកដឹកតាមម៉ូតូត្រឡប់យកទៅផ្ទះវិញ ។
បុរសឈ្មោះ អឿន ចាន់ថា អាយុ៣៥ឆ្នាំ ត្រូវជាប្តីរបស់ស្ត្រីខាងលើបានប្រាប់ឱ្យដឹងថា នៅវេលាព្រឹកថ្ងៃនោះប្រពន្ធគាត់បានឈឺពោះខុសពីធម្មតាក៏រកកាណូតដឹកមកមន្ទីរពេទ្យខេត្ត តែរកមិនបាន ។ ម្យ៉ាងដោយឃើញឈាមហូរធ្លាក់ច្រើនផងនោះ ក៏ខ្ចីម៉ូតូប្អូនឌុបទៅមន្ទីរពេទ្យ ដោយមានអ្នកភូមិម្នាក់ឈ្មោះភា ជាអ្នកជួយអង្គុយទប់ប្រពន្ធគាត់ពីក្រោយ លុះពេលមកដល់លើស្ពានគីហ្សុ៊ណាប្រពន្ធគាត់ក៏ប្រសូតកូនលើម៉ូតូតែម្តង ។ ពេលនោះ គាត់បានលើកប្រពន្ធដាក់អែបបង្កាន់ដៃស្ពាន ហើយជិះម៉ូតូប្រញាប់ត្រឡប់ទៅក្រោយវិញដើម្បីហៅឆ្មបឱ្យមកជួយទម្លាក់សុក តែពេលមកដល់ស្ពានវិញកូនតូចរបស់គាត់ដែលជាកូនទី៦បានស្លាប់បាត់ទៅហើយ ។ ស្ត្រីឈ្មោះថន ម៉ៅ ជាម្តាយបានបញ្ជាក់ថា គាត់បានឆ្លងផុតពីគ្រោះថ្នាក់ដល់អាយុជីវិតហើយ តែនៅញ័រខ្លួនបន្តិចនិងបានគ្រូពេទ្យដាក់សេរ៉ូមឱ្យ ។
លោក ប្រាជ្ញ ចន្ទ អភិបាលខេត្តត្បូងឃ្មុំ ដែលបានជ្រាបពីព័ត៌មាននេះ បានចាត់សហការីឱ្យនាំយកមី៣កេស ប្រេងឆា១កេស និងប្រាក់៤០មុឺនរៀល ជូនដល់ម្តាយទារកផ្ទាល់ដល់ក្នុងមន្ទីរពេទ្យបង្អែកខេត្តកំពង់ចាម ៕
ចែករំលែកព័តមាននេះ