ដោយផ្អែកលើលទ្ធផលនៃប្រតិបត្តិការលក់ក្នុងរយៈពេល៧ខែដើមឆ្នាំ២០១៤នេះ ចំពោះយីហោប្រណីតរបស់អាល្លឺម៉ង់ និងយោងតាមសារព័ត៌មាន Automotive News គឺវាហាក់ដូចជា ការគ្រងមកុដលំដាប់កំពូលរបស់ BMW កំពុងចាប់ផ្តើមរង្គោះរង្គើ ដោយសារតែសន្ទុះទីផ្សាររបស់ Audi និង Mercedes ។
ដោយផ្អែកលើលទ្ធផលនៃប្រតិបត្តិការលក់ក្នុងរយៈពេល៧ខែដើមឆ្នាំ២០១៤នេះ ចំពោះយីហោប្រណីតរបស់អាល្លឺម៉ង់ និងយោងតាមសារព័ត៌មាន Automotive News គឺវាហាក់ដូចជា ការគ្រងមកុដលំដាប់កំពូលរបស់ BMW កំពុងចាប់ផ្តើមរង្គោះរង្គើ ដោយសារតែសន្ទុះទីផ្សាររបស់ Audi និង Mercedes ។
គួរបញ្ជាក់ថា BMW បានក្លាយទៅជាអ្នកនាំមុខគេក្នុងការលក់រថយន្តប្រណីតនៅលើពិភពលោកចាប់តាំងពីបានតាមទាន់ Mercedes កាលពីឆ្នាំ២០០៥ ហើយAudi ជាប់ចំណាត់ថ្នាក់ទី២តាំងពីឆ្នាំ២០១១ ។ ជាងនេះទៅទៀត គូប្រជែងទាំងពីររបស់ BMW បានបង្ហើបឱ្យដឹងថា ពួកគេចង់ឈោងចាប់កៅអីទី១ឱ្យបាននៅចុងទសវត្សនេះ ជាមួយនឹងការថ្ពក់យកការចាប់អារម្មណ៍ពីអតិថិជន ដើម្បីប្រជែងតំណែងនោះ ។
ក្នុងអំទ្បុងពេល៧ខែដំបូង ការលក់របស់យីហោ BMW បានកើនទ្បើង១០%ពីមួយឆ្នាំទៅមួយឆ្នាំ ឬស្មើនឹង១,០៣លានគ្រឿង ។ ជាលើកទី១ហើយដែលBMW បោះជំហានបានប៉ុន្មានលានគ្រឿងនៅក្នុងរយៈពេល៧ខែដើមឆ្នាំនេះ ក៏ដោយសារតែមានការជួយជ្រោមជ្រែងតាមរយៈការបង្ហាញខ្លួនជាលើកដំបូងរបស់ម៉ូដែល២Serise, ៤Series, i3 និងX4 ដែរ ។ ប៉ុន្តែអ្វីដែលជាបញ្ហានោះ គឺនៅត្រង់ថាទាំង Audi និងMercedes កំពុងតែធ្វើបានល្អប្រសើរជាងមុន ។ ក្នុងនោះAudi ជាប់ចំណាត់ថ្នាក់ទី២កើន១១% ឬលក់បាន១,០១លានគ្រឿងម៉ូដែលA3 ជាអ្នកជួយបង្កើនការលក់ពមួយឆ្នាំទៅមួយឆ្នាំប្រមាណជា៣២% ឬស្មើនឹង២២.៤៥០គ្រឿង ។ ជាមួយគ្នានោះដែរ Mercedes កើន១៣% ឬ៩២០.០០០គ្រឿង មូ៉ដែលC-Class និងA-Class, CLA និងGLA ជាអ្នកនាំកំណើន។
មួយវិញទៀត ក្នុងរយៈពេល៧ខែដើមឆ្នាំ២០១៤ BMW លក់បានច្រើនជាងក្នុងអំទ្បុងពេលដូចគ្នាកាលពីឆ្នាំ២០១៣ ចំនួន៧៧.០០០គ្រឿង ខណៈAudi ច្រើនជាង១០១.០០០គ្រឿង និងMercedes ប្រហែល១០៤.០០០គ្រឿង ។ នេះបញ្ជាក់ឱ្យឃើញថា យីហោប្រណីតទាំង៣ហាក់ដូចជា មានសន្ទុះទីផ្សារប្រកៀកប្រកិតគ្នាយ៉ាងស្វិតស្វាញបំផុត ។
សរុបមកនៅក្នុងទីផ្សារធំបំផុតទាំង៣លើពិភពលោក គឺប្រទេសចិន សហរដ្ឋអាមេរិក និងអឺរ៉ុប យីហោប្រណីតទាំងនេះសុទ្ធសឹងតែកាន់កាប់កៅអីនាំមុខរៀងៗខ្លួន ។ នៅទីផ្សារប្រទេសចិន Audi គ្រប់គ្រងកៅអីទី១ ខណៈBMWទី២ និងMercedesទី៣ ចំណែកទីផ្សារសហរដ្ឋអាមេរិក BMWលេខ១ Mercedesលេខ២ Audiលេង៤ និងLexusលេខ៣ ។ ដោយទ្បែក ទីផ្សារអឺរ៉ុបAudiលេខ១ Mercedesលេខ២ និងBMWលេខ៣ ។
តាមការព្យាករសម្រាប់រយៈពេលពេញមួយឆ្នាំ២០១៤ បង្ហាញថា BMW នឹងលក់បាន១,៨៣លានគ្រឿងជាប់លំដាប់ទី១ Audiលក់បាន១,៧៩លានគ្រឿងលេខ២ និងMercedesលក់បាន១,៦៥លានគ្រឿងលេខ៣ ៕
ចែករំលែកព័តមាននេះ