រាជធានីភ្នំពេញ ៖ រថយន្តការីមួយគ្រឿងបើកទៅបុកពីក្រោយម៉ូតូហុងដាឌ្រីមសេ១២៥ មួយគ្រឿងបណ្តាលឱ្យរងរបួសធ្ងន់ ស្រាល២នាក់ ។ ហេតុការណ៍នេះកើតឡើងកាលពីវេលាម៉ោង ១២ និង ៥០នាទីរំលងអាធ្រាត្រ ឈានចូលថ្ងៃទី ០១ សីហា ២០១៤ នៅទល់មុខរោងចក្រខ្មែរតំឡើងរថយន្តទី១ KIC ស្ថិតនៅក្នុងភូមិក្បាលដំរី
រាជធានីភ្នំពេញ ៖ រថយន្តការីមួយគ្រឿងបើកទៅបុកពីក្រោយម៉ូតូហុងដាឌ្រីមសេ១២៥ មួយគ្រឿងបណ្តាលឱ្យរងរបួសធ្ងន់ ស្រាល២នាក់ ។ ហេតុការណ៍នេះកើតឡើងកាលពីវេលាម៉ោង ១២ និង ៥០នាទីរំលងអាធ្រាត្រ ឈានចូលថ្ងៃទី ០១ សីហា ២០១៤ នៅទល់មុខរោងចក្រខ្មែរតំឡើងរថយន្តទី១ KIC ស្ថិតនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីមួយគ្រឿង មិនស្គាល់ស្លាកលេខ បើកដោយបុរសម្នាក់យ៉ាងលឿន ក្នុងទិសដៅពីកើតទៅលិច មកដល់ចំណុចកើតហេតុក៏បានទៅបុកពីក្រោយម៉ូតូហុងដាឌ្រីម សេ១២៥ ពណ៌ខ្មៅ ពាក់ស្លាកលេខ1AJ-9699 ជិះដោយបុរស២នាក់ពេញទំហឹង បណ្តាលឱ្យបុរសម្នាក់ រងរបួសធ្ងន់ និងម្នាក់ទៀងរងរបួសស្រាល ។បន្ទាប់ពីបើករថយន្តបុកម៉ូតូបណ្តាលឱ្យមានមនុស្សរងរបួសហើយ អ្នកបើករថយន្តបានបន្ថែមល្បឿនបើកគេចខ្លួនបាត់ស្រមោលតែម្តង ។
ក្រោយពេលកើតហេតុជនរងគ្រោះត្រូវបានរថយន្តសាមុយមកទទួលយកទៅសង្រ្កោះបន្ទាន់ ចំណែកម៉ូតូរបស់ជនរងគ្រោះត្រូវសមត្ថកិច្ចយកទៅរក្សាទុកឱ្យនៅអធិការដ្ឋានខណ្ឌសែនសុខ។
ចែករំលែកព័តមាននេះ