រាជធានីភ្នំពេញ ៖ រថយន្តកុងតឺន័រមួយគ្រឿងបើកចេញពីផ្លូវលំឆ្លងស្ពានហើយបត់ឆ្វេងឡើងទៅផ្លូវបេតុងចូលទៅផ្សារទួលពង្រ បានផុងកង់ក្រោយផ្អៀងទូកុងតឺន័រផ្តេកទៅលើដើមពោធិ ។ ហេតុការណ៍នេះកើតឡើងកាលពីវេលាម៉ោង ១០ និង២០ នាទីយប់ថ្ងៃទី ៣១ កក្កដា ២០១៤ នៅចំណុចស្ពានទួលពង្រ ស្ថិតក្នុងភូមិត្រពាំងចេក សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញរថយន្តកុងតឺន័រមួយគ្រឿង ក្បាលពណ៌ ខៀវ បៃតង ពាក់ស្លាកលេខភ្នំពេញ 3A-2703 បានបើកចេញពីផ្លូវលំក្នុងទិសដៅពីកើតដោយបើកឆ្លងស្ពានទួលពង្រ ហើយបត់ឆ្វេងឆ្លងផ្លូវបេតុងទៅទិសខាងត្បូងស្រាប់តែ ផុងកង់រថយន្តខាងក្រោយផ្នែកខាងឆ្វេងបណ្តាលឱ្យរថយន្តផ្អៀងផ្តេកទៅលើដើមពោធិមួយដើមក្បែរ នោះហើយភ្លាមៗគេឃើញតៃកុងរថយន្តបើកទ្វាររថយន្តរត់គេចបាត់ស្រមោលតែម្តង ។
ក្រោយពេលកើតហេតុសមត្ថកិចក្ចបានបញ្ជូនរថយន្តកុងតឺន័រខាងលើនេះទៅកាន់ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ។
ចែករំលែកព័តមាននេះ