ប៉ូលិសនិយាយថា មនុស្សយ៉ាងហោចណាស់៧០នាក់បានស្លាប់នៅពេលរថយន្តបឺសដឹកអ្នកដំណើរមួយគ្រឿងបានធ្លាក់ចូលក្នុងទន្លេមួយនៅភាគកណ្តាលប្រទេសឥណ្ឌា ។ ប៉ូលិសម្នាក់បាននិយាយឱ្យដឹងថា គ្រោះថ្នាក់ដ៏រន្ធត់នេះកើតឡើងកាលពីព្រឹកថ្ងៃទី៩ កញ្ញា នៅក្នុងរដ្ឋ Madhya Pradesh ប្រហែលឡើងដោយសារអ្នកបើកស្រវឹង ។ ក្នុងហេតុការណ៍រថយន្តបឺសធ្លាក់ទន្លេនេះមានមនុស្ស២៥នាក់ទៀតរងរបួសផងដែរ ហើយត្រូវបានដឹកទៅជួយសង្គ្រោះនៅមន្ទីរពេទ្យក្នុងតំបន់មួយ ។
តាមអង្គការសុខភាពពិភពលោកថា ឥណ្ឌាជាប្រទេសមានចំនួនអ្នកស្លាប់ដោយសារគ្រោះ ថ្នាក់ចរាចរណ៍ខ្ពស់បំផុតនៅលើពិភពលោក ។ តាមសេចក្តីរាយការណ៍ឱ្យដឹងថា រថយន្តបឺសដែលជួបគ្រោះថ្នាក់ធ្លាក់ទន្លេនេះដឹកមនុស្សហួសចំណុះដោយដឹកមនុស្សដល់ទៅ៨០នាក់ឯណោះ ៕
ចែករំលែកព័តមាននេះ