ប៉េកាំង ៖ ក្រសួងធនធានមនុស្សនិងសន្តិសុខសង្គមបានថ្លែងកាលពីពេលថ្មីៗនេះ ថា ប្រជាជនមានការងារធ្វើនៅក្នុងតំបន់ទីក្រុងរបស់ប្រទេសចិនពង្រីកបាន៧,៣៧លាននាក់ នៅក្នុងអំទ្បុងពេលកន្លះឆ្នាំនេះ ស្របពេលនឹងអត្រាអត់ការងារធ្វើនៅតែមានកម្រិតទាប៤,០៨% ។
អ្នកនាំពាក្យរបស់ក្រសួងបានបង្ហើបឱ្យដឹងថា ការកើនទ្បើងនាពេលនេះ គឺមានកម្រិតខ្ពស់ជាងបរិមាណ៧,២៥លាននាក់ កាលពីអំទ្បុងពេលដូចគ្នាឆ្នាំទៅដែល ត្រូវបានគាំទ្រនៅក្នុងផ្នែកនៃគោលការណ៍ទូទាំងប្រទេស ដែលជួយដល់អ្នកដែលបានបញ្ចប់មហា វិទ្យាល័យ ។ ជាងនេះទៅទៀត ការងារថ្មីដែលទទួលបានមក និងផ្តល់ឱ្យនៅអំទ្បុងពេលនៃការជ្រើសរើស ដែលរៀបចំដោយក្រសួងមានចំនួនសរុប៥៦០.០០០នាក់ ដែលបានស្រូបយកដោយសហគ្រាសឯកជនចំនួន២០០.០០០នាក់ ។
ទោះជាយ៉ាងណា លោក លីខឺឈាំង នាយករដ្ឋមន្ត្រីចិន បានសន្យាថា នឹងបន្ថែមការងារដល់ពលរដ្ឋរបស់ខ្លួនឱ្យបានជាង១០លាននាក់ ហើយរក្សានូវការចុះបញ្ជីនៃអត្រាអត់ការងារធ្វើនៅតំបន់ទីក្រុងឱ្យស្ថិតនៅក្រោមអត្រា៤,៦% នៅក្នុងឆ្នាំ២០១៤នេះ ៕
ចែករំលែកព័តមាននេះ