យោងតាមក្រុមគ្រូពេទ្យថា អុីស្រាអែល កាលពីថ្ងៃទី២៩ កក្កដា បានបង្កើនការវាយប្រហារតាមអាកាស និងតាមជើងគោកលើជ្រោយហ្គាហ្សា ដោយសម្លា.ប់ជនប៉ាឡេស្ទីនដល់ទៅយ៉ាងតិច១០០នាក់ នាថ្ងៃនោះដែលជាថ្ងៃយ៉ាងបង្ហូរឈាមបំផុត តាំងពីចាប់ផ្តើមយុទ្ធនាការយោធារបស់កងទ័ពអុីស្រាអែលប្រឆាំងពួកសកម្មប្រយុទ្ធប៉ាឡេស្ទីនពីថ្ងៃទី៨ កក្កដា មក ។
យោងតាមក្រុមគ្រូពេទ្យថា អុីស្រាអែល កាលពីថ្ងៃទី២៩ កក្កដា បានបង្កើនការវាយប្រហារតាមអាកាស និងតាមជើងគោកលើជ្រោយហ្គាហ្សា ដោយសម្លាប់ជនប៉ាឡេស្ទីនដល់ទៅយ៉ាងតិច១០០នាក់ នាថ្ងៃនោះដែលជាថ្ងៃយ៉ាងបង្ហូរឈាមបំផុត តាំងពីចាប់ផ្តើមយុទ្ធនាការយោធារបស់កងទ័ពអុីស្រាអែលប្រឆាំងពួកសកម្មប្រយុទ្ធប៉ាឡេស្ទីនពីថ្ងៃទី៨ កក្កដា មក ។
លោក អាស្ត្រាវ អាល់កេដ្រា អ្នកនាំពាក្យក្រសួងសុខាភិបាលនៅហ្គាហ្សា ក្នុងសេចក្តីប្រកាសព័ត៌មានមួយអះអាងថា អុីស្រាអែលកាលពីវេលាយប់ និងវេលាថ្ងៃទី២៩ កក្កដា បានបង្កើនការវាយប្រហារតាមអាកាស តាមជើងគោក និងតាមជើងទឹកលើជ្រោយហ្គាហ្សាទាំងមូល ហើយលោកបន្ថែមថាជនប៉ាឡេស្ទីន ដល់ទៅ១០០នាក់ស្លាប់ និងជាង៥០០នាក់ត្រូវរបួស ។
លោក អាល់កេដ្រា ថ្លែងថា តាំងពីចាប់ផ្តើមការវាយប្រហាររបស់អុីស្រាអែលមក ជនប៉ាឡេស្ទីនចំនួន១.១៣០នាក់ស្លាប់ និង៦.៧០០នាក់ទៀតត្រូវរបួស ក្នុងនោះ២ភាគ៣ជាជនស៊ីវិល រួមទាំងនារី និងកុមារផង ។ លោកបន្តថា ការវាយប្រហាររបស់កងទ័ពអុីស្រាអែលសំដៅលើគេហដ្ឋាន អគារ ទីតាំងវិទ្យុ និងទូរទស្សន៍ ព្រះវិហារអ៊ិស្លាម និងកសិដ្ឋានទាំងឡាយ ។
បណ្តាអ្នកទទួលខុសត្រូវខាងសន្តិសុខប៉ាឡេស្ទីន និយាយថា ការវាយប្រហារខ្លាំងក្លាបំផុតសំដៅលើផ្ទះជាច្រើនខ្នងនៅជំរំជនភៀសខ្លួន Al Brueji នាកណ្តាលជ្រោយហ្គាហ្សា ដែលនៅទីនោះមានមនុស្សស្លាប់១៧នាក់ រួមទាំងអភិបាលជំរំនោះផង ហើយកុមារនិងនារីជាច្រើននាក់ត្រូវស្លាប់ និងរបួស ។ ផ្ទះរបស់លោក អុីស្មាអុីល ហានីយេហ៍ អតីតនាយករដ្ឋមន្ត្រីរបស់ហាម៉ាស់ និងជាមេដឹកនាំរង របស់ចលនាហាម៉ាស់ ត្រូវកម្ទេចទាំងស្រុង ក្នុងការវាយប្រហារតាមអាកាសមួយប្រឆាំងនឹងជំរំជនភៀសខ្លួននៅភាគខាងលិចក្រុងហ្គាហ្សា ។
បណ្តាការិយាល័យរបស់ទូរទស្សន៍ក្រុមហាម៉ាស់ Al Aqsa និងរបស់ទីភ្នាក់ងារព័ត៌មានក្រុមហាម៉ាស់ឯទៀតៗ ក៏រងការកម្ទេចដែរ ។ ចំណែកបណ្តាព្រះវិហារអ៊ិស្លាមនៅក្រុងហ្គាហ្សា និងក្នុងតំបន់ឯទៀតៗនៅតំបន់ហ្គាហ្សា ក៏រងការកម្ទេចដែរ ។ ចំណែកមជ្ឈមណ្ឌលអគ្គិសនីតែមួយនៅភាគខាងត្បូងជ្រោយហ្គាហ្សាត្រូវកងយន្តហោះប្រដេញអុីស្រាអែលទម្លាក់គ្រាប់បែកកម្ទេចអស់ហ្មត់ ធ្វើឱ្យប្រមាណ៩០%នៃប្រជាជនហ្គាហ្សា ទាំង១,៨លាននាក់គ្មានអគ្គិសនីប្រើប្រាស់ ៕
ចែករំលែកព័តមាននេះ