រាជធានីភ្នំពេញ ៖ ម៉ូតូពីរគ្រឿងបុកគ្នាពេញទំហឹងបណ្តាលឱ្យរបួសធ្ងន់ស្រាល២នាក់ កាលពីវេលា ៨និង១០នាទី យប់ថ្ងៃទី ២៦ កក្កដា ២០១៤ នៅចំណុចមុខអាកាសយានដ្ឋានភ្នំពេញអន្តរជាតិ តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូហុងដាឌ្រីមសេ១២៥ ពណ៌ខ្មៅមួយគ្រឿង ពាក់ស្លាកលេខកំពង់ឆ្នាំង 1A-4097 បើកដោយបុរសម្នាក់យ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីកើត ទៅលិច មកដល់ចំណុចកើតហេតុក៏បានរេចង្កូតទៅបុកជាមួយម៉ូតូវ៉េវអាល់ហ្វា ពណ៌ខ្មៅ មួយគ្រឿងទៀត ពាក់ស្លាកលេខភ្នំពេញ1AB-1481 បើកដោយបុរសម្នាក់ក្នុងទិសដៅពីលិចទៅកើត (បញ្រ្ចាសទិសគ្នា) ពេញទំហឹង បណ្តាលឱ្យបុរសបើកម៉ូតូហុងដាឌ្រីមសេ១២៥ របួសបាក់ជើងឆ្វេង ចំណែកអ្នកបើកម៉ូតូវ៉េវ អាល់ហ្វារងរបួសស្រាល ។
ក្រោយពេលកើតហេតុជនរងគ្រោះរបួសធ្ងន់ ត្រូវរថយន្តសាមុយដឹកយកទៅសង្រ្គោះនៅមន្ទីរពេទ្យឯកជន ចំណែកម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលកាកាប ។
ចែករំលែកព័តមាននេះ