លោកហ្វូអាដម៉ាស៊ូម កាលពីថ្ងៃទី២៤ កក្កដា ត្រូវបានសភាអុីរ៉ាក់ជ្រើសតាំងជាប្រធានាធិបតីថ្មីរបស់ប្រទេសដែលកំណត់ពីដំណាក់កាលសំខាន់មួយសម្រាប់ការបង្កើតរដ្ឋាភិបាលថ្មី ។លោកម៉ូហាម៉េដ ហ្វូអាដម៉ាស៊ូម ហៅខ្លីថា ហ្វូអាដម៉ាស៊ូម ទទួលការជ្រើសតាំងក្នុងសភាដោយ២១១សំឡេង គាំទ្រក្នុងចំណោមសមាជិកសភាទាំង២៦៩រូបមានវត្តមានពេលបោះឆ្នោត ខណៈសភាអុីរ៉ាក់មាន
លោកហ្វូអាដម៉ាស៊ូម កាលពីថ្ងៃទី២៤ កក្កដា ត្រូវបានសភាអុីរ៉ាក់ជ្រើសតាំងជាប្រធានាធិបតីថ្មីរបស់ប្រទេសដែលកំណត់ពីដំណាក់កាលសំខាន់មួយសម្រាប់ការបង្កើតរដ្ឋាភិបាលថ្មី ។លោកម៉ូហាម៉េដ ហ្វូអាដម៉ាស៊ូម ហៅខ្លីថា ហ្វូអាដម៉ាស៊ូម ទទួលការជ្រើសតាំងក្នុងសភាដោយ២១១សំឡេង គាំទ្រក្នុងចំណោមសមាជិកសភាទាំង២៦៩រូបមានវត្តមានពេលបោះឆ្នោត ខណៈសភាអុីរ៉ាក់មានសមាជិកសរុប៣២៨រូប ។
ប្រធានសភាទើបជ្រើសតាំងបាន លោកសាលីមអាល់ហ្សូប៊ូរី ក្រោយប្រកាសលទ្ធផលនៃការបោះឆ្នោតគូសបញ្ជាក់ថា យើងសូមប្រកាសលោកហ្វូអាដម៉ាស៊ូម ជាប្រធានាធិបតីនៃសាធារណរដ្ឋអុីរ៉ាក់ ។ការបោះឆ្នោតនាថ្ងៃទី២៤ កក្កថា ជាការបោះឆ្នោតជុំទី២ ដោយលោកម៉ាស៊ូម មានសំឡេងនាំមុខពេលបោះឆ្នោតជុំទី១ ដែលមានបេក្ខជនដល់ទៅ១០០រូប ដោយទទួលបាន១៧៥សំឡេង តែពុំបានដល់សំឡេង២ភាគ៣ ដែលត្រូវការដើម្បីអាចជាប់ក្នុងការបោះឆ្នោតជុំទីមួយនោះ ។
យោងតាមរដ្ឋធម្មនុញ្ញអុីរ៉ាក់សភាជាអ្នកជ្រើសតាំងប្រធានាធិបតី ហើយបេក្ខជនអាចជាប់ឆ្នោតទាល់តែទទួលបានសំឡេងគាំទ្រ២ភាគ៣ ។ រដ្ឋធម្មនុញ្ញនោះចែងទៀតថា បើបេក្ខជនណាមួយពុំទទួលបានសំឡេងគ្រប់២ភាគ៣ទេនោះ ការបោះឆ្នោតជុំទី២ ត្រូវធ្វើរវាងបេក្ខជន២រូបដែលទទួលបានសំឡេងច្រើនជាងគេក្នុងការបោះឆ្នោតជុំទីមួយ ៕
ចែករំលែកព័តមាននេះ