លោកកាឡូស ស្លុីម មហាសេដ្ឋីជនជាតិមិុកស៊ិក និងជាប់ឈ្មោះជាបុគ្គលមានស្ដុកស្ដម្ភបំផុតនៅលើពិភពលោក បានអំពាវនាវកាលពីថ្ងៃទី២២ កក្កដា ២០១៤ ថា ពិភពលោកគួរតែកំណត់«ថ្ងៃធ្វើការ» ត្រឹម៣ថ្ងៃ ក្នុងមួយសប្ដាហ៍ ព្រោះជីវិតរបស់មនុស្សមានតម្លៃខ្ពស់ មិនគួរយកអស់កម្លាំងកាយចិត្ដតែលើការងាររហូតបណ្ដោយឱ្យការងារ«ឆក់យកជីវិត» ទេ ។
លោកកាឡូស ស្លុីម មហាសេដ្ឋីជនជាតិមិុកស៊ិក និងជាប់ឈ្មោះជាបុគ្គលមានស្ដុកស្ដម្ភបំផុតនៅលើពិភពលោក បានអំពាវនាវកាលពីថ្ងៃទី២២ កក្កដា ២០១៤ ថា ពិភពលោកគួរតែកំណត់«ថ្ងៃធ្វើការ» ត្រឹម៣ថ្ងៃ ក្នុងមួយសប្ដាហ៍ ព្រោះជីវិតរបស់មនុស្សមានតម្លៃខ្ពស់ មិនគួរយកអស់កម្លាំងកាយចិត្ដតែលើការងាររហូតបណ្ដោយឱ្យការងារ«ឆក់យកជីវិត» ទេ ។
លោកកាឡូស ស្លុីម មហាសេដ្ឋីមិុកស៊ិក អាយុ៧៤ឆ្នាំ បានអំពាវនាវចំពោះគ្រប់ប្រទេសនៅលើពិភពលោក គួរតែកំណត់«ថ្ងៃបម្រើការងារ» ច្រើនបំផុតត្រឹមតែ «៣ថ្ងៃប៉ុណ្ណោះក្នុង១សប្ដាហ៍» ។ សព្វថ្ងៃមនុស្សយើងគិតតែពុះពារលើការងារចិញ្ចឹមជីវិត រហូតភ្លេចបង្កើត«សេចក្ដីសុខ» ដល់ខ្លួន និងក្រុមគ្រួសារ ។
មហាសេដ្ឋីផ្នែកទូរគមនាគមន៍ដែលមានទ្រព្យសម្បត្ដិច្រើនជាង៨០.៤០០លានដុល្លារ រូបនេះបញ្ជាក់ថា មនុស្សយើងគួរជ្រើសយកថ្ងៃឈប់សម្រាកឱ្យបានច្រើនដល់ទៅ៤ថ្ងៃក្នុងមួយសប្ដាហ៍ ដើម្បីផ្ដល់ឱកាសដល់ខ្លួនបានសម្រាកលម្ហែកាយ និងមានពេលវេលាទៅលើកិច្ចការផ្សេងដែលខ្លួនចាប់អារម្មណ៍ រួមទាំងមានពេលវេលាជាមួយក្រុមគ្រួសារកាន់តែច្រើន ។ លោកស្លុីម បានថ្លែងថា«ខ្ញុំគិតថា ការធ្វើការត្រឹមតែ៣ថ្ងៃ និងឈប់សម្រាក៤ថ្ងៃក្នុងមួយសប្ដាហ៍ គឺជាហេតុផលដ៏មានសារសំខាន់ ព្រោះជាការផ្ដល់ឱកាសដល់មនុស្សបានធូរស្រាលក្នុងចិត្ដកាន់តែច្រើន ជំនួសការបណ្ដោយឱ្យការងារឆក់យកជីវិត ឬព្រាត់ប្រាស់គ្រប់យ៉ាងពីជីវិតរបស់យើង ។ លើសពីនេះ ខ្ញុំក៏មានជំនឿចិត្ដថា វិធីសាស្រ្ដនេះនឹងផ្ដល់ផលល្អដល់សុខភាព និងគំនិតច្នៃប្រឌិតរបស់យើងកាន់តែប្រសើរ។
លោកស្លុីម បញ្ជាក់ថា បច្ចុប្បន្នលោកចាប់ផ្ដើមឱ្យបុគ្គលិកបម្រើការងារក្នុងក្រុមហ៊ុន TELMEX របស់លោកធ្វើការត្រឹមតែ៣ថ្ងៃប៉ុណ្ណោះក្នុងមួយសប្ដាហ៍ តែមិនមានការប៉ះពាល់ណាមួយលើចំណូលរបស់ក្រុមហ៊ុនដែលបម្រើផ្នែកទូរស័ព្ទដ៏ធំលាតសន្ធឹងនៅលើទីផ្សារប្រហែល៨០%នៅមិុកស៊ិកទេ ។
លោកកាឡូស ស្លុីម ជាមហាសេដ្ឋីលេខ១នៅមិុុកស៊ិក បញ្ជាក់ថា «ម្ចាស់ក្រុមហ៊ុន និងប្រធានអង្គការទាំងឡាយមិនគួរគិតតែប្រយោជន៍ពីការប្រកបរបររហូតភ្លេចយកចិត្ដទុកដាក់លើសុខភាព និងសេចក្ដីសុខរបស់បុគ្គលិកទេ ។ ខ្ញុំមានជំនឿចិត្ដថា ការកាត់បន្ថយបន្ទុកការងាររបស់បុគ្គលិកអាចនាំមកនូវផលកម្រៃដល់ក្រុមហ៊ុនរបស់ខ្លួន ទោះបីជាកម្រៃនេះមិនមែនជាទឹកប្រាក់ក៏ដោយ» ៕
ចែករំលែកព័តមាននេះ