ដំណើរនៃការផ្លាស់ប្ដូរផ្លិតទឹករបស់រថយន្តគឺជារឿងសាមញ្ញ ដូច្នេះលោកអ្នកនឹងមិនមានកង្វល់ពីការយល់ដឹងឱ្យបានច្រើននៅក្នុងការផ្លាស់ប្ដូរឡើយ ។ វាគឺជាអនុសាសន៍ល្អមួយនៅក្នុងការផ្លាស់ប្ដូរផ្លិតទឹកយ៉ាងហោចម្ដងក្នុងមួយឆ្នាំ ពិសេសនៅក្នុងរដូវធ្លាក់ភ្លៀងតែម្ដង ។
ខាងក្រោមនេះ ជាសេចក្ដីណែនាំពីមួយដំណាក់កាលទៅមួយដំណាក់កាលដែលផ្ដល់ឱ្យលោកអ្នកនូវព័ត៌មានដែលចាំបាច់ក្នុងការដំឡើងផ្លិតទឹកថ្មីរបស់រថយន្តលោកអ្នក ។
១- អ្វីដែលគួរទិញ :
មុនពេលលោកអ្នកធ្វើដំណើរទៅទិញផ្លិតទឹកថ្មីមកធ្វើការផ្លាស់ប្ដូរត្រូវច្បាស់ថា លោកអ្នកស្គាល់ប្រភេទរង្វាស់ខ្នាតដែលអាចត្រូវជាមួយនឹងរថយន្ត។
ការពិនិត្យមើលដោយយកចិត្តទុកដាក់នៅក្នុងហាងលក់គ្រឿងបន្លាស់គឺទំនងជាអាចនឹងជួយដល់លោកអ្នកបានប្រសិនបើលោកអ្នកប្រាប់ពីម៉ូដែល និងស៊េរីឆ្នាំផលិតផលរបស់រថយន្តបានច្បាស់លាស់នោះ ។
២- ប្រមូលសម្ភារឬគ្រឿងបន្លាស់ផ្សេងៗដាក់ជិតខ្លួន :
ចំពោះការដោះដូរផ្លិតទឹករបស់រថយន្តគឺមានតែឧបករណ៍មួយប៉ុណ្ណោះដែលនឹងចាំបាច់នៅក្នុងដំណើរការនៃការផ្លាស់ប្ដូរជាក់ស្ដែងគឺតួណាវីស ប៉ុន្តែជាមួយគ្នានោះដែរ លោកអ្នកគួរតែមានជំនាញខ្លះៗនៅក្នុងការអនុវត្តលើការដំឡើងផ្លិតទឹកថ្មីនោះ ។ ម្យ៉ាងទៀតត្រូវច្បាស់ថា លោកអ្នកបានទិញផ្លិតទឹកថ្មីដែលមិនមែនជារបស់ដែលគេគ្រាន់តែស៊កបញ្ចូលសាច់កៅស៊ូនោះឡើយ ។
៣-រៀបចំដំឡើងផ្លិតទឹកឱ្យបានត្រឹមត្រូវ :
ត្រង់ចំណុចនេះ វាមានការលំបាកបន្តិចនៅក្នុងការអនុវត្តចំពោះរថយន្តមួយចំនួនថា តើវាមានកម្រិតបត់ចុះឡើងរបៀបណា ។ ប្រសិនបើលោកអ្នកជួបបញ្ហាបែបនេះចូរបញ្ឆេះរថយន្តបើកកុងតាក់សកម្មភាពរបស់វាមើលថាតើវាដំណើរការយ៉ាងម៉េចរួចទើបអនុវត្តតាមជាការស្រេច ។ ចូរពន្លត់រថយន្តនៅពេលណាផ្លិតទឹកនៅតែមានចលនាមិនឈប់ ។
៤- ការដោះផ្លិតទឹកចាស់ចេញ :
ទាញដងផ្លិតទឹកឡើងឬចេញពីកញ្ចក់រថយន្តថ្នមៗងាយស្រួលលោកអ្នកនៅក្នុងដំណើរការបំពាក់ផ្លិតទឹកថ្មី ។
៥- ការដំឡើងផ្លិតទឹកថ្មី :
ស៊កបញ្ចូលឧបករណ៍កៀបភ្ជាប់ផ្លិតទឹកថ្មីនៅក្នុងទីតាំងចាស់ហើយព្យាយាមរកមើលទិសដៅដែលលោកអ្នកអាចទើបតែដោះវាចេញថា តើវាបែរទៅរកទិសខាងណា ។ បន្ទាប់មករំកិលវាទៅរកទីតាំងនោះរហូតដល់ឮសំឡេងក្រិកៗ ។ ទើបទាញដងផ្លិតទឹកបន្តិចសាកល្បងមើល ដើម្បីឱ្យច្បាស់ថាវាត្រូវបានចាក់សោរួចរាល់ហើយគឺមិនមានចលនារវៃទៀតឡើយ ។
គួរបញ្ជាក់ថា ការខូចខាតផ្លិតទឹកអាចបង្កជាបញ្ហាជាមួយនឹងការសម្អាតកញ្ចក់ការពារខ្យល់របស់រថយន្តនៅពេលជួបព្រឹត្តិការណ៍ធ្លាក់ភ្លៀង ខណៈពេលកំពុងបើកបរ ។ ដូចនេះការផ្លាស់ប្ដូរវាចេញគឺគេច្រើនអនុវត្តធ្វើឡើងជារៀងរាល់ឆ្នាំដើម្បីកាត់បន្ថយហានិភ័យលើគ្រោះថ្នាក់ចរាចរណ៍ ៕
ចែករំលែកព័តមាននេះ