លោកហ្សូកូ វីដូដូ អភិបាលក្រុងហ្សាការតា ត្រូវបានប្រកាសថា ជាអ្នកឈ្នះក្នុងការបោះឆ្នោតប្រធានាធិបតីឥណ្ឌូណេស៊ី កាលពីថ្ងៃទី៩ កក្កដា កន្លងមកនេះ បន្ទាប់ពីគណៈកម្មាធិការបោះឆ្នោតទូទៅបញ្ចប់ការរាប់សន្លឹកឆ្នោតដែលលទ្ធផលបានបង្ហាញពីសំឡេងនាំមុខសម្រាប់លោកហ្សូកូ លើគូប្រជែងអតីតឧត្ដមសេនីយ៍លោក ប្រាបូវ៉ូ ស៊ូយ៉ានតូ ។ប្រធានគណៈកម្មាធិការបោះឆ្នោតលោក
លោកហ្សូកូ វីដូដូ អភិបាលក្រុងហ្សាការតា ត្រូវបានប្រកាសថា ជាអ្នកឈ្នះក្នុងការបោះឆ្នោតប្រធានាធិបតីឥណ្ឌូណេស៊ី កាលពីថ្ងៃទី៩ កក្កដា កន្លងមកនេះ បន្ទាប់ពីគណៈកម្មាធិការបោះឆ្នោតទូទៅបញ្ចប់ការរាប់សន្លឹកឆ្នោតដែលលទ្ធផលបានបង្ហាញពីសំឡេងនាំមុខសម្រាប់លោកហ្សូកូ លើគូប្រជែងអតីតឧត្ដមសេនីយ៍លោក ប្រាបូវ៉ូ ស៊ូយ៉ានតូ ។ប្រធានគណៈកម្មាធិការបោះឆ្នោតលោក ហ៊ូស្នីកាមីល ម៉ាលិក ប្រកាសជាផ្លូវការថា លោកហ្សូកូ វីដូដូ ទទួលបានសំឡេងខ្ពស់បំផុតដល់ទៅ៧០.៩៩៣.៤៤៤សំឡេងត្រូវជា៥៣,១៥% ។
ចំណែកលោក ប្រាបូវ៉ូ ស៊ូបីយ៉ានតូ វិញទទួលបាន៦២.៥៧៦.៤៤៤សំឡេងត្រូវជា៤៦,៨៥% ។ ក្រោយការប្រកាសពីជ័យជម្នះលោកហ្សូកូ វីដូដូ រង់ចាំមើលថា តើគូប្រជែងសម្រេចចិត្ដធ្វើការតវ៉ាឬអត់ ចំពោះលទ្ធផលនៃការបោះឆ្នោតនោះទៅតុលាការធម្មនុញ្ញ។ បេក្ខជនប្រធានាធិបតីឥណ្ឌូណេស៊ី ដែលពុំពេញចិត្ដចំពោះលទ្ធផលនៃការបោះឆ្នោត មានពេល៣ថ្ងៃដើម្បីដាក់ពាក្យបណ្ដឹងតវ៉ាទៅតុលាការរដ្ឋធម្មនុញ្ញ ។ ការសម្រេចចុងក្រោយរបស់តុលាការនោះគឺអាចលុបចោកជ័យជម្នះដែលប្រកាសរួច ឬតម្រូវឱ្យរៀបចំការបោះឆ្នោតជាថ្មី។ ផ្ទុយទៅវិញ បើតុលាការធម្មនុញ្ញបដិសេធបណ្ដឹងតវ៉ា នោះ លោកហ្សូកូ វីដូដូ នឹងត្រូវធ្វើប្រធានាធិបតីថ្មី ចាប់ពីថ្ងៃទី២០ តុលា ទៅ ។
អតីតឧត្ដមសេនីយ៍លោក ប្រាបូវ៉ូ ស៊ូប៊ីយ៉ានតូ ថ្លែងនាថ្ងៃទី២២ កក្កដា ថា លោកច្រានចោលដំណើរការបោះឆ្នោតដោយលោកថា មានការក្លែងបន្លំយ៉ាងច្រើន ។ លោកអះអាងថា ការបោះឆ្នោតកាលពីថ្ងៃទី៩ កក្កដា ជាការបោះឆ្នោតពុំស្មើភាពនិងពុំស្មោះត្រង់ ។ អាស្រ័យហេតុនេះ យើងនឹងប្រើសិទ្ធិរបស់យើងតាមរដ្ឋធម្មនុញ្ញដើម្បីបដិសេធការបោះឆ្នោតនោះ ៕
ចែករំលែកព័តមាននេះ